"I buai em? I blood group kha engnge khร ....?" beidawng rilru zet hian Awitein a รป a be lai chu ka thlir ngawt ngawt a, kawng dang awm hram se ka va'n ti tak รจm!
"A hmanhmawhthlak a nia," ngenngawl aw tak hian Awitei chuan a ti leh a, hmรขna ka hriat แนญhin Salmon-a mizia ngei mai kha a la pu a nih ka ring.
"A nih, ka pa nen khan in blood group a inang ti raw...." Awitei chuan a ti leh zung zung a, a แนญawng ngaihthlak tawp chu kan tih theih awmchhun a ni.
"A nih chuan tunah Champhaiah i lo chhoh a ngai u Salmon, hei, Mimi leh a fapa kan sรป palh hlauh a, a fapa zรกwk hian thisen a mamawh hnem si a, tih ngaihna kan hre tawh lo, a rang thei ang berin lo chho thuai teh," Awitei แนญawng tawp lam chu a ban chap a, kei tluk zetin ka fapa dinhmun chuan a tihlauthawng ve tho niin ka hria.
"Engkim inzawha inchhร n vek sรจn a ni rih lo, lo thleng thuai la, engkim ka hrilh vek zรกwk ang che," Awitei chuan a ti leh mawlh mawlh a, thi thei reng dinhmuna ka fapa a din laia engmah ka ti thei lo chu hrehawm ka ti tak zet!
Awitein phone a hmang zo chiah tihah nรฎ Mรขwipuii a lo thleng a, ngaihtuah tih hriat tak hian Mรขmtea chanchin min zรกwt a, sawi pawh ka sawi แนญha thei lo.
Ka kuah a, ka แนญap a, ka rilru a nรข ngut ngut a, khawvela ka mihring hmรชl hmuh hreh em em ka hmu leh tur chu ka huphurh lร wk a, hrehawm ka ti a, mahni fa ngei chhan thei dinhmuna ka ding lo chu ka lung a chhia a ni.
Tlai khaw thim thleng damdawi inah kan awm zui ta reng a, Thianga mawlh chu ka lakah a inthiam lo ngawih ngawih a, damdawi in kan thlen tirh khan ka rilru a buai รจm avangin engtin mah ka be lo a, ka chhรขng hek lo, tlรฉma ka rilru a pangngai tรขk chinah erawh a thiam loh a ni fai vek bรญk lo tih ka hrilh a, mahse a thiam loh hulhualah a ngai tlat thung.
Tin, Awitei pawh a bang chuang lo, an fimkhur loh luatah a ngai a, inthlahrung tak chung siin ka chanchin min zรกwt a, a pรขwnlรขng chin bak ka hrilh lo a, Awitei nena kan inhria chu nรฎ Mรขwipuii chuan mak a tih deuhin ka hria.
Ka nu hnen aแนญangin phone call ka dawng a, kan awmna damdawi in hming min zรกwt a, rei pawh ni lo ah ka pa nen an rawn lang thuai a, an tupa neihchhun a ni miau a, Aizawl aแนญanga an lo chho vang vang chu thil ร wm lo a ni hran lo.
Awitei hmรชl an hmu thut erawh mak an ti a, ka nu ber chuan thil a hriatthiam loh hmรจl hle a, Awitei zรกwkin thil thlen dan engkim a lo hrilh a, a แนญawngkamah anmahni thiam loh ang vekin a ri a, mahse chu erawh thil dik a ni lo tih ka hria.
Ka nu leh pa bulah chuan pangngai takin thil thlen dan dik tak ka sawi a, Awitei leh Thianga inthlahrung hmรชl chu ka hmuh hmaih lo a, puhmawh tur an niin ka hre hek lo.
Kan แนญhut ngร wih แนญhiap lรขiin doctor a lo chhuak a, ka lo ding nghal thuai a, tluang taka ka fapa an zai zawh thu a sawi chuan ka แนญap lo chauh a, thisen a mamawh tawh dรขwn thu a sawi chiah erawh ka rilru a hah nghal vawn vawn a, a nu hian a tรขn tih theih eng emaw tal nei ila ka ti tak zet a ni.
"Saw....u Salmon-a pawh a lo thleng chiah e," Awitein a tih chuan an hawi แนญhap a, mahse kei erawh ka hawi ngam lo, ka hmu hreh a, a puih ngรขia kan awm chu inthlahrunnain ka khat bawk.
"Nangma koh em ni?" ka nu chuan min rawn ti a, Awtei zรกwkin, "Keima koh alawm," a lo ti a, ni lo se ka nu zawhna chu chhรกn pawh ka tum lo.
"Doctor ka va ko vat ang e," tih leh Awitei chu kal sawn a rual a, engtin emaw ni hian ka awm a, ka zam a, ka thin a su dup dup a, ka taksa awm dan aแนญang chuan hmรขna ka hriat แนญhin Salmon-a ngei kha a lo hnai zel tih ka hre thei.
Thianga chuan thil thlen dan a lo hrilh malh malh a, Salmon-a erawh แนญawngkam khat pawh a la chhakchhuak lo a, doctor leh Awitei an lo inzui chhuah lai chuan ka bul lawkah a rawn ding a, ka tha te chu a khur hialin ka hria.
Doctor-in ka fapa thisen mamawh zat a sawi lai te chuan ka bulah a ding ngรขwi run a, melh khat paw'n ka melh lo a, kan inbe lo a, biak chรขkna ka nei hek lo.
Kei chang ka ni lo, ka nu leh pate nen takngial pawh an inbe lo hrim hrim a, chutiang huna Salmon-a hmรชl an hmu erawh mak an ti deuh chuan ka hria.
Salmon-a leh doctor an inzui lรขi chuan min hnungchhawn ta bawk nen ka hawichhuak ngam ve ta hram a, a hnung lam aแนญang ringawt paw'n Salmon-a taksa ruangam chuan min thunun a, ka mittui a tling pam bawk.
Ka nu chuan ka bรขnah rawn chelhin kan awmna hmun ata min kal hranpui a, a zawhna min zawh tur ka hre lร wk sa vek a, mahse buaina ber chu engtin nge ka chhร n ang tih a ni.
"Engnge thil awmzia hi?" ka nu chuan a ti ta chat a, chhร n dan tur pawh ka hre lo, ka ngรขwi tawp ringawt!
"Engtin nge an thisen a inmil tih inhriat?" a ti leh a, ka hnuk a ulh a, ka mittui ka dang zo ta thlawt lo.
"Lo fimkhur deuh ni ila chuan hetiang zawng zawng hi Mรขmtea chungah hian a thleng miah lo ang maw le," ka ti thร m chhal a, ka nu chuan min kuah a, ka แนญah a chhuak zual sauh bawk.
"Min hrethiam teh Bawihi, engkim a hrechhuak ta emaw ka ti hman alawm," tiin ka nu chuan ka samah a chรปl hliau hliau a, ka lung a chhe thar tak zet a ni.
Mi dang awmna lama kan phei leh hnu chuan ka pa leh Awitei an lo inbe malh malh a, Thianga leh nรฎ Mรขwipuii erawh an ngรขwi reng thung. Ka pa chuan min rawn melh zauh a, a mitmenga zawhna chu ka chhiar thiam a, nakinah ka nu'n thil awmzia a la hrilhfiah ngei ka ring.
Dรขrkรขr a liam a, Salmon-a leh doctor an lo inzui chhuak a, ka pa chuan lawmthu a lo hrilh a, kei erawh ka la ngรขwi reng a, a laka ka thil tih dik loh zawng zawngte avang khan ka inthlahrung a, ka be ngam thlawt lo a ni.
Awitei bulah Aizawla chhuk lehnghal a ngaih thu a sawi a, Awitei leh Thianga chuan an zui chhuak a, an chhuak chiah tihah nรฎ Mรขwipuii chuan ka pa hnenah tute nge an nih a zร wt a, ka pa erawhin pehhel takin a chhรขng thung.
Ka inhum ruh ngawt ngawt a, Salmon-a laka ka awm dan chu a hawihhรขwm lo tih pawh ka hria, mahse keimaha inthlahrunna awm ngut ngut chu a lian tham รจm a, ka hneh ngร ng lo ni mai hian ka hria.
"Engati nge khatia i din ngawt, a kal liam hmรขin lawmthu va hrilh rawh," ka pa chuan a rawn ti a, ka thaw halh a, ka inngaihtuah fรช hnuah ka kal sawn ve ta chauh bawk.
Ka chhรปngte hmuh phak loha ka awm chiah chu a tlanin ka tlan a, lawmthu ka hrilh hmรขin a lo tlan chhuak hman ang tih mawlh ka hlau hnuhnawh leh lawi a, mawl ka inti a, kum ruk liam ta ah khan engtin paw'n lo awm แนญhin mah ila, a ral vek tawh a, tunah chuan puitling taka hmรขchhawn a แนญul tawh zร wk a ni.
Damdawi in kawt ka thlen chuan hmรขna ka chรนanna แนญhin a car pawl ngei mai bulah khan min hnungchhawn zรขwng hian a lo ding a, a bulah Thianga leh Awitei an ding bawk a, engnge an sawi erawh ka hriat phร k rual a ni lo.
"Salmon....." car kawngka a hawn lรขi chuan ka ti a, ka lam a rawn hawi riai riai a, ka huaisenna zawng zawng sรขwngkhawmin ka hmรขchhawn a, kum 6 hnua ka kรข aแนญanga a hming a rik lehna hmรขsa ber a ni a, ka แนญah te lam a chhuak ru et et a, mahse ka insum hram hram a ngai tih ka hria.
"Ka lawm e," a dinna bul ka thlen phei hnu chuan ka ti a, ngรขwi reng hian min en a, ka mittui a rawn hnรขm แนญiam แนญiam a, a mitmeng mawlh chuan min intithlahrung zual a, ka chhiar thiam lo a ni.
"Ka lawm tak zet," ka ti leh a, ka thinlung chuan ka fapa dam lo mรชk, a thisen ringa la dam hram hram chu tu dang fa mah ni lovin, a fa ngei a ni tih hrilh turin min tur ut ut a, mahse ka chhia leh แนญha hriatna lam erawh chuan a laka ka thil tih sual zawng zawngte kha min hriatchhuahtรฎr a, hrilh rih lo turin min khuahkhirh tlat thung.
"Kan lo va lut dรขwn em ni ang," tiin Awitei chuan Thianga chu a luhpui ta daih a, Salmon-a nen chauha kan inhmรขchhawn ta chu ka zam tak zet a, sawi zui mai tur pawh ka hre tawh lo.
"Inenkawl แนญha ang che," ti dam dap hian car chhรปngah a lut a, a aw thum dam dap te chuan hun kal tawh min ngaihtuah chhuahtรฎr vawng vawng a, a thlazar hnuaia ka awm แนญhin lai kha ka ngรขi thar tak zet!
Car chu a tirum vut vut a, a tlanchhuak nghal mai dรขwn emaw ka ti a, mahse a ni hauh lo. Chechang lo hian a แนญhutna ngaiah a แนญhu reng a, kei ang bawkin hun kal tawh a ngaihtuah lรจt ve ni mai te'n ka ring rum rum a, mahse chu erawh ngaihtuahna mawlmang mai a ni.
Car kawngkhar chu hawngin a rawn chhuak leh lawi a, ding vut pah hian, "Sawi duh dang i la nei em?" a ti hniam sup a, lรป ka lo thing thuai a, car chhรปngah a แนญhu lut leh a, a tlanchhuak zui nghal vang vang bawk.
A awm dan aแนญang chuan min la hre ve reng a, min lo la theihnghilh bรฎk reng reng lo tih a hriat a, mahse min hriat dan tur erawh ngaihtuah pawh ka ngaihtuah ngam lo.
Tin, mi แนญawngmawh leh tihmawh tak mah ni se mi rilru chhia a ni lo a, ka fapa chunga a thil tih chu mi dang pawh ni se, an dinhmun chhiat lai a nih phawt chuan a tih dan tur tho a ni tih ka hre chiang a, kan mamawh lรขi taka a rawn awm chat chu a chungah ka lawm thar em em bawk.
Damdawi ina ka luh leh hnu chuan awm nuam hawk ang mai hian ka awm a, Awitei min biaknate chu แนญha takin ka chhรขng a, a sawi dan chuan hna thil avanga Champhai lo zin chho an ni a, nรฎ 2 an la chรขm dรขwn thu a sawi lai chuan Thianga ka melh zeuh a, a inthlahrun hmรจl lutuk chu ka awm a nuam thei bรฎk lo.
"I thiam loh a ni bรฎk lo a nia Thianga, kei pawh kha ka tlan fimkhur lo ve hrim hrim alawm," tia ka sawi chung paw'n a hmรชlah leh awm danah danglam a awm lo a, min melh แนญha ngam miah lo bawk.
Awitein Champhaia ka awm daih chhan min zawh chuan chhan dan tur ka baihvai hle a, thil awmzia ka hrethiam chiah lo a ni.
Ka laka a awm dan chu hmรขn ang chiah kha a la ni a, a nu thihnaah ka inhnamhnawih a ni tih a hre lo ti dรขwn ila Salmon-an a hrilh ngei ka ring bawk si, mahse a awm danah hria angin a awm bawk si lo, ka tรขn chuan hriatthiam a har a ni.
In lama haw rih turin ka pa chuan min ti a, nรฎ Mรขwipuii nen intifaia inthlak turin kan haw a, khum pangngaiah Mรขmtea an sawn tawh bawk a, riahpui turin kan kal leh a, damdawi in kan thlen chuan Awitei leh Thiangate hmรชl hmuh tur an awm tawh lo a, ka pa'n haw turin a hrilh a nih ka ring.
Chumi zan chuan ka nu nen riahpui kan tum a, ka pa leh nรญ Mรขwipuii haw tur chu damdawi in kawt thleng ka thlah a, an tlan liam hnu chuan damdawi in chhรปngah ka lut ve leh mai bawk.
"Pathian remruat dan hi a mak ngawt mai," Mรขmtea lam hawi reng chung hian ka nu chuan a ti a, "Kha chen kha a hre lo a, inhmuh pawh an inhmu ngai lo a, mahse a แนญul hunah tak a fapa nunna a rawn chhan leh lawi a, engtik nรฎ ah emaw chuan a la hriatchhuah ngei ka ring," a ti leh sap sap a, Salmon-a chungchang a sawi tih ka hrethiam nghal!
"Awitein a zu biak lai khan ka lo huphurh khawp a, mahse kawng dang kha a awm ngรกng si lo a, ka tรขn chuan dan ngaihna a awm thlawt lo a ni," ka ti ve ta dat dat a, ka mitthlรขah Salmon hmรชl a chรขm reng bawk.
"I hrilh tawh mai dรขwn em ni ang?" ka nu lam chu ka hawi a, mahse min lo en miah lo.
"Ka hre lo, hrilh a แนญha ber ang em ka hre lo, a laka ka thiltih sual tenawm tak avang khan keimahah hian inthiam lohna a la awm rรจng a, min haw sa bawk nen, fapa a nei tih a hriat chuan min huat belhchhah ang tih ka hlau a ni," ka ti hniam raih a, chu chu ka ngaihdan dik tak pawh a ni.
"Thil ni thei chu a ni ngei mai, mahse hetia Mรขmtea tรขna thisen a rawn pek vang vang duh danah hian hmรขna a rilru puthmang ang kha chu a lo pu tawh lo te pawh a ni maithei asin," ka nu thusawi chu a tak ni se ka ti, mahse a ni dรขwn si lo.
"Ni lo nu, chutiang mi a ni lo, nรข takin a thinlung ka hliam tawh a, ka lakah hian eng rilru mah a pu tawh hek lo ang," ka ti chat chat a, Salmon-a chanchin sawi zui zel pawh chu nuam ka ti chiah lo, ka tรขn chuan thinlung nร tna mai a ni.
Thil ri rek rek thawmin min tiharh a, ka harh chuan khua a lo รชng tawh a, ka nu'n polythene chhรปng aแนญangin chhang a lo phawrh mรชk a, ka harh tih a hriat rual chuan thingpui min lo pe a, chhang nen kan inzui ve nghal mai bawk.
Chhun lamah ka pa leh ka nuin min chhawk a, Awitei leh Thianga an rawn lang leh a, kei erawh inah ka awm thung a, mu hahdam turin min ti tak nร a, ka thei der lo.
Mรขmtea lo harh hun mawlh ka nghakhlel a, ani ang naupang maiin chutiang thil a tawng chu hrehawm ka ti leh vawng vawng แนญhin.
A chรขng phei chuan anchhia ang maia inngaih chรขng ka ngah a, ka fapa pa Salmon-a tรขn mai ni lo, ka fapa tรขn lehzel pawh anchhia ka ni ang tih mawlh ka hlau a ni.
Tlaia damdawi in ka kal chu Awitei a lo la awm a, ka nu leh pate nen an pathumin a ni a, phone-ah mi tu emaw ni a be mรชk a, mak a tih hmรจl viau bawk.
"Aw, a ngaiah, damdawi inah," tiin an inbiakna chu a titawp a, min be zui nghal luam a, pangngai takin kan inkawm a, han titi vak dan tur ka hriat loh tehreng nen, ani erawhin sawi tur a hre hle.
Khua a hniam riai riai a, Mรขmtea a lo la harh lo a, ka pate pawh an la awm ve reng a, Mรขmtea harh hmรข chu Aizawla haw thlak an tum lo a, ka hnial hran lo.
Awitei haw tur chu a ding uaih a, phone call dawng zui zat a, mi rawn melh zeuh zeuh pah hian a bia a, a awm dan chu ka hrethiam lo lek lek a, a รปin min biak a duh thu a sawi chuan mak ka ti kher mai.
"Engati maw?" ka ti hau a, kei chang ka ni lo, ka nu leh pate pawh chuan mak an tih hmรจl viau!
"Ka hre bรฎk lo, a biak duh thu che bak a sawi lo," tiin Awitei chuan a phone chu min pe a, ngaihแนญha zร n lo hian ka lo ban ve mai bawk.
"Hello," ka ti sap a, "Damdawi in kawtah lo chhuak lawk rawh, kan inbiak a ngai," thum chhal hian a ti a, a hmet tawp zui hmak a, ka bo tulh tulh a ni ber.
"Engnge ni ta Mimi?" ka nu chuan a lo ti a, "Min hmuh a duh a," tih bakin ka chhรขng lo.
"Nizan khan a chhuk thla tlang nghal lo em ni?" tiin Awitei lam ka hawi a, "Chhuk e, vawiinah a lo chho leh thut a nih hmรจl," Awitei chuan a lo ti mai a, chuti teh thuta min hmuh a duhna chhan chu ka ngaihtuah thiam rih chiah lo a ni.
Awitei nen damdawi in kawtah kan inzui chhuak a, Salmon-a car ka hmu nghal a, car aแนญanga a lo chhuah rual chuan melh pawh ka melh แนญha ngam lo a, a lam ka hawi แนญha duh hek lo.
Awitei biakna chu chhร n pawh chhรขng lo hian ka bรขnah a chelh rawk a, min kai kal dawr dawr a, car-a min แนญhut luhtรฎr lai te chuan engmah a sawi lo a, kei pawh ka ngรขwi reng a, Awitei mitmeng zawhna lang zut zut te chu ka hmu lo der tawp ringawt!
Damdawi in kawt aแนญanga kan tlanchhuak chu engtin emaw ni hian ka awm a, ka dik lo riai riai ni maiin ka hria. Inbe miah lovin kan tlan zel a, dik tak chuan แนญawng hmรขsa zรกwk nih ka hreh a ni.
Khawpui dรขiah min dinpui a, chuti lai hmun daih daiha min dinpui chhan chu ka hre lo a, kan din vang vang hnuah pawh engmah a la sawi chuang lo a, car chhรปng chu a reh tlawk tlawk a ni ber.
"DNA test ka duh," a แนญawng ka hre sual emaw tiin a lam ka hawi zauh a, "Doctor thu min hrilh kha thil ni thei a ni," a rawn ti leh chiah chu a แนญawng ka hre sual lo tih ka chiang ta viau!
"I fapa pa hi khawiah nge?" a ti nghet dap a, "Kan khawsaho lo," tih bakin ka chhรขng lo a, ka awah chuan zamna leh hlauhthawnna a inpawlh nuaih tih a hriatthiam loh hram ka beisei.
"Doctor khan a pa emaw ka nih a ti a, a chhan chu kan blood group inang kha thil pangngai a ni tlat lo," bahlah miah lova a tih chuan ka thin a phรป dawt dawt tawh a, ka inhum ruh ngar ngar bawk.
"Ka fapa a ni em?" a ngรกwih vang vang hnu chuan a ti hniam chhal a, chhร n mai dan tur hre lovin ka thaw dep dep a, ka tawt up up a, ka awm dan a danglam a, engkim a hrechhuak vek tawh ni maiin ka hria.
"Min hrilh teh," ti supin ka lam a rawn hawi a, mittui tling pam hian hmรข lam ka en ngar ngar a, 'aw' tia chhร n ka duh a, mahse 'aw' ka ti a nih chuan kei min huatna a zual ngei dรขwn si!
"Thudik tak min hrilh rawh," thum dam dapa a ti leh chuan insum thei tawh lovin, "Aw....." ka ti ta nge nge a, eng ang paw'n min huat phah dรขwn se, min thah hial pawh duh mah se a lakah dร wt ka sawiin thil sual ka ti nawn thei tawh thlawt lo a ni.
Car chu a ti nung a, a tlanchhuak zui nghal a, damdawi in lam kan pan chhรปng zawng chuan kan inbe lo hrim hrim a, Mรขmtea chanchin takngial pawh min zร wt zui tawh lo.
Damdawi in kawt kan thlen chuan khua a thim titih tawh a, damdawi in chhรปng kan lut chu engtin emaw ni tak hian ka chau ru riau a, a chhan ka hre bรฎk lo, ka dik zร n lo tih erawh ka chiang viau!
Salmon-a chu ka hmรขah a kal a, a rilru tur ka hrethiam a, engmah a sawi zui miah lo te chu demna pakhatmah ka nei lo, ka tรขn thinrim taka min be lo te chu a lawmawm lam zรกwk a ni.
Ka lรป a rawn hai thut a, bang chu rinchhan mai tumin ka bรขn ka phar a, mahse ka khawih phah reng reng lo.
Ka insawh deuh chawrh avang chuan ka harh zawk a, nurse pakhat hian ka bรขnah min lo chelh reng tawh a, ka bรขn lehlam chelhin Salmon-a chuan แนญhu tung meuh hian min lo en reng bawk.
"Ka แนญha e," ti sapin thawh zui mai ka tum a, mahse Salmon-a chuan min chรขwi tho a ni mah zรกwk!
"Doctor min kohsak thei ang em?" ti dapin Salmon-a chuan nurse chu a bia a, nurse pawh chuan, "Thei lutuk e, ka va ko nghal ang e," tih leh kal a rual a, Salmon-a nen chauh kan awm ta chu sawi zui tur a vรขng kher mai.
Rei lo tรช hnuah doctor a lo lang a, ward lam min panpui a, dam lo khumah min muttรฎr a, min check lรขi chuan kan sรฎrah Salmon-a a lo ding run a, min en reng tih pawh ka hria, kei erawhin ka melh duh lo hrim hrim thung.
"I taksa a chau a nih hi, chawl hahdam la, i แนญha ve leh mai ang," doctor chuan a ti a, a kal sawn a, thawh ka tum chu Salmon-a chuan, "Mu rih rawh," a lo ti sup a, mahse ka tho ta tho.
Ngรขwi rengin ka fapa awmna lam ka pan a, min lo zui leh zui loh ka ngaihven lo a, ka tรขn chuan ka fapa aia pawimawh thil dang a awm thei tlat lo a ni.
Ka nu leh pate'n Salmon-a nen min hmu dun chiah chu mak an ti tih hai rual a ni lo a, mahse puitling lung fing tawh an ni a, an awm danah a langsar hran lo.
Thawm chu a reh deuh duk a, ka pa chuan biak loh aiah ti ni ร wm fahran hian Salmon-a chu a be leh zauh แนญhin a, Salmon-a แนญawngkam lah a chhumbung thei bawk si, ka nu nen chuan kan ngรขwi ran ringawt!
Eng emaw chen hnuah ka pa chu ngรขwi reng hian a chhuak a, ka nu chuan a zui vat a, chutia ka nu leh pate an awm lo chiah chu Salmon-a chuan Mรขmtea a แนญhut hnaih nghal a, a chet dan chu ka beisei loh lam tak a ni.
"Kum engzat nge?" ti hniam ruihin Mรขmtea lรป in tuam bรปr chu a chรปl riak riak a, "Kumin september thlaah hian kum 6 a pum ang," ka ti sap a, ka lam a lo hawi dรขwna ka hriat avangin ka hawi sawn zui nghal daih bawk.
"Ni engzatah?" a tih chuan, "Ni 20-ah," ka lo ti ve leh mai a, "A mak hle mai," ti thum dutin chiang tak hian Mรขmtea chu a en a, engnge a rilruah awm ang ka ngaihruat thiam mai lo.
"Khami nรฎa thil min hrilh tur i neih thu i sawi kha, ka fapa chungchang hi a ni em?" kan ngร wih dun vang vang hnu chuan a ti dap a, "Aw," ka ti hniam raih a, Mรขmtea thlir reng chung hian a thaw chhuak hulh a, thinrim hmรชl aia rilru nรข hmรชl ka hmu tlat chu ka hmu sual a nih ka ring.
"Ka lak ata ka fapa i thuhruk duh hi ka ring lo asin," mitmeng thip ram hian min rawn melh a, tum แนญum chu ka hawi sawn hman tlat lo.
"Ka lo hrechiang lo hle che a nih hi," a ti leh a, sawi tur nei mah ila, a thin ka tirim zual mai mai ang tih ka hlau a, ka tรขn chuan ngร wih hle hle a แนญha zรกwk!
"Engmah sawi i tum lo em ni?" ti supin min melh run a, แนญawngkรขa chhรขng lovin ka lรป ka thing a, ani paw'n engmah min zร wt zui tawh bรฎk lo.
"Ka lo lรจt hun tur ka hre rih lo a, ka awm loh chhรปng chu i kutah engkim ka dah ni rawh se," tiin phone-ah mi a bia a, phone a hman zawh hnu chuan a mit chu Mรขmtea ah a fu leh nghal chat bawk.
Ka nu leh pate an lo lut a, Salmon-a chu a awm ngaiin, a แนญhutna ngaiah a la แนญhu run a, ka nu leh pate thawm chuan khawdang a hawi sawntรฎr lo hrim hrim a, a awm dan aแนญang chuan engkim a chiang vek a, ka nu leh pate mitmengah pawh zawhna ร wm rรจng ka hmu lo.
"Zanin chu i nu nen hian kan lo riahpui ang e," ka pa chuan a ti a, keimah min bia tih hriat takin ka lam a lo hawi a, ka lo bu nghat ringawt!
Salmon-a chuan phone call a dawng a, a pawimawh a ni ang, a chhuak ta daih a, kei pawh rei lo tรช hnuah ka chhuak zui ve nghal mai a, damdawi in kawt ka thlen chuan a car bulah dingin phone a lo la hmang a, a hna lam thil a nih ngei ka ring.
Auto lo tlan chu ka phar a, ka chรปang lut a, a benga phone la chuktuah reng chung hian Salmon-a chuan kan tlanchhuak chu min thlir zui reng a, en rei duh lovin hmun dang ka hawi ta daih bawk.
Comments
Post a Comment