𝐇𝐄𝐍𝐑𝐘 𝐋𝐀𝐋𝐒𝐀𝐍𝐆𝐙𝐔𝐀𝐋𝐀 𝐁𝐲 𝐇𝐚𝐯𝐚𝐥𝐢 𝐀𝐝𝐚𝐦 (𝐂𝐡𝐚𝐩𝐭𝐞𝐫 𝟐𝟓 - 𝟑𝟓)

HENRY LALSANGZUALA

By

Havali Adam

15 January 2022

Chapter 25

Phone chu a awmna ngaiah ka dah let leh thuai a, ka chet dan chu a hawihhawm loh thlak ka ti ru ngei mai. Ka awm dan chu a dik lo nghal vek a, ka kut pawh langsar si lovin ka hum ruh ngar ngar hle.

Ka dinner kilpui pa phone-a Hlutei thlalak a awm daih chu mak ka la ti tawp thei lo va, zawh chian chu a ṭha ang em ka hre lo a ni.

Zawt chiang ringawt dawn ila Hlutei tan kei chu engmah ka ni tawh lo va, ka tan pawh ka hnena lo let leh tura beisei leh ngam chi a ni tawh lo.

Minute 3 hnu velah ka dinner kilpui pa Malsawmtluanga chu a rawn let ve leh mai a, rei pawh ṭhu tawh lovin haw tum chuan min thawhsan nghal bawk.

"Malsawm" thui pawh a kal hma chuan ka ti deuh tlawng a, ka kohna avang chuan ani pawh chu a rawn hawi let rang hle. Engmah ka sawi chhunzawm leh tawh loh avang chuan zawimuang hian a rawn phei leh a, min en chik hle bawk.

"Nupui nei tawh i ni mial em?" ka ṭhutna aṭanga tho chhuak chung chuan ka ti leh tawp a, han sawi kawi vel dan vak ka thiam lo, zawh tlang nghal tawp chu ka duh mah mah zawk.

"Nupui maw!? Nupui chu la nei chiah lo ve, engatinge pu Henry? Ka hmel hi a patling viau tawh em ni? Kan inuluk ve tehlûl nen ka hmel a lo upa nghal viau a ni mâw?" nui hak hak chung chuan a rawn ti zung zung a, keipawh chu ka nui ve ta ringawt.

"Chutiang lam chu ka sawi tum pawh a ni chiah lo, thil dang daih a nia zawh che ka tum zawk chu!" tiin ka ṭhutna ngaiah chuan ka ṭhu thla a, titi pui ka duh a ni tih hrethiam takin ani pawh chu a rawn ṭhu thla ve nghal.

"Eng thil nge min zawh duh chu ni a pu Henry? I hmel aṭang lah chuan i thu tak hmel viau leh nghal a, thil pawimawh tak a nih ka ring thiam mai e" a rawn tih chuan ka thaw hawk a, ka awm a nuam thei ngâng dawn lova ka hriat avangin zawh tawp chu a ṭha berin ka hre tawh.

"Eng lo a nia, bialnu i nei em?" ka ti leh tê tê a, ka awm dan leh ka ṭawngkam hman dan vel chu a hriatthiam loh telh telh hmel hle a, awm lo pawh ka ti hran lo.

"Aw bialnu te chu nei e, mahse tunah chuan London lamah zirna avangin a awm bo rih a, eng vanga chung thil te chu min zawt daih nge i nih pu Henry?"

"A ngai leh lo, ka zawt mai mai che maw le, lo leng lut ziah la a ṭha ang" ka ti ta daih a, a hmel aṭang chuan ka sawi tum tak ka sawi lo tih a hriatthiam hmel em em leh nghal. Ka sawi thei lo, Hultei chanchin hre tur chuan dikna ka nei lo a ni.

"Enge i sawi awmzia? Engatinge lo leng lut tur ang zawnga min sawm pu Henry? Hotel hi i ta a ni em ni?" tiin ani pawh chuan thu dang chu min zawh zawm ta daih a, a bialnu lam pang zawhna min zawt lo chu ka lawm ru hle.

"Aw ni e, Hotel hi ka ta a ni e" ka tih chuan a lo bu nghauh nghauh a, a awm dan vel chu a hna thawh nen pawh a inawm viau e.

"Aw le, nia lo len luh chu ka tum ṭhin dawn nia, mahse ka buai ve thei lutuk a, he lamah i awm reng tawh dawn em ni?" a rawn ti ve leh ta kauh a, a ṭawngkam leh awm dan vel aṭang chuan min zah hle tih ka hre thei.

"Awm reng dawn lo ve, kar leh velah khi chuan Mizoramah kan haw chhoh a ngai leh tawh zawk ang, Junior-a te'n class an ṭan leh tawh dawn a"

"Ni dawn tak! I fapa i lo hruai ve tak ang chû, i fapa hmel pawh a takah ka la hmu hleinem, mahse nakinah inhmuh hun chu a awm ve mai ang. A thu hrimin Mizoram lam chu School hawn leh hawn lovah in la buai viau a ni lo'm ni? Engtia class ṭan nge i sawi ber?"

"Ni e, keini lam khi chu kan la buai khawp mai. Sawrkar School ṭhenkhat chu hawn theih a ni zuai zuai a, mahse hri a darh leh vak ṭhin avang hian khar a ni leh vat zel tho"

"A dik ang, Mizoram lam chu a la harsa ve pawh a ni ang. Online-a tih lah hian naupangte ber hian an tuar a, phone te pawh hi an khawih tam phah sawt viau chuan ka hria. Hetianga zirna in lam kan khar reng dawn a nih chuan zirlaite tan pawh hmasawnna neih a har ngawt ang, mimal tin te kan fimkhura he hri hi kan nunpui thiam a ngai tawh a ni"

"Nunpui thiam hi kan zir ngei ngei a ngai, chuti lo zawng engtikah mah kan ram hian hmasawnna a hmu thei lo vang. A damdawi lah hmuh chhuah hleih theih a la ni si lo, a buaithlak khawp mai"

"Eng pawh ni se ka va haw tawh ang e, ni dangah kan la inkawm leh zawk dawn nia" tiin a ṭhutna aṭang chuan a tho a, keipawh ka ding chhuak ve nghal.

"Heti lama kan awm chhung chu i duh hûn hunah i lo leng lut dawn nia" hawihhawm tak chuan ka lo ti ve a, Malsawma chu fel viau mahse Hlutei bialpa a ni tih ka hriat tawh avang chuan titipui ka châk lutuk hran lo, ka sawm mawi ve mai mai a ni.

"Aw le, tehreng mai, ka kal phawt ang e" tiin a dinna aṭang chuan kawngka lam panin a kal zui nghal a, Hotel aṭanga a chhuah dawn thleng chuan ka en zui vawng vawng bawk. Tunah chuan Hlutei paw'n bialpa ṭha tak a nei leh tawh a, bialpa mai ni lovin pasal hual zawk a ni.

Junior- khan Hlutei chuan dawt a sawi thu min hrilh a nih kha! Amaherawh chu zanina ka dinner kilpui pa chu Hlutei bialpa ni lai mek a ni tih ka hriat hnuah erawh Hlutei thusawi chu dawt a nih ka ring ta lo, Malsawma chu pasal atana a neih ngei pawh ka ring nget bur tawh.

Bialpa a nei leh tawh a, pasal hual a nei leh tawh bawk a, hma lam panin nung tawh mahse kei erawh ka la nung ve thei si lo. Engtinnge ka nun theih reng ang ni! Ka thinlung neitu chu ka hmuh phak loh leh tawh phak lovah a awm a, chu pawh ka dawihzep vang a la ni zui, engkim hi a buai nuai tawh a ni e.

Ka hriatna nei kir tawh mah ila ka taa siam leh ringawt chu thil theih a ni tawh lo va, rilru na taka ka siam avangin ani chu ka hnenah a lo kir leh duh tawh ka ring lo a ni.

"Sir, Junior-a hi a lo la chhuk miah lo. Dinner a ei hun chu a ni tawh a, mahse a hmel a la rawn lang tlat lo mai, a dinner tur ka thawn chho mai dawn em ni?" tiin Manager Ishaan-a chuan min lo bia a, ka fapa ka lo theihnghilh hmin ṭhak avang ka inthiam lo nghal hle.

"A ngai lo vang, keima'n ka lo keng chho zawk ang e" ka tih chuan ka fapa ei tur chu a chah nghal a, rei lovah ken chhoh theih turin an rawn peihfel nghal bawk.

"Junior" tiin kan room-a ka luh hnu chuan ka fapa chu ka kai tho a, a lo la harh miah loh avang chuan tlêmin ka awm a nuam ta deuh.

"Dinner ei ka peih rih lo ê pa, ka ril pawh a la ṭam vak lo" a mit nuai chung chuan a rawn ti niah niah a, mahse kei erawh chuan a hun taka thil ei tir chu ka tum thung.

"Tlêm tal i ei ngei ngei a ngai, i taksa kha enkawl uluk a ngai alawm, ei rawh le" tiin dawhkana ei tur ka dah chu ka hun hnaih sak a, ani paw'n ka thu awih takin a ei ve leh mai bawk.

"A va'n tui em em, ka ei leh thei ang em pa? Ka ei leh châk deuh, ka ei tui phian a" khi ver ver chunga a rawn tih chuan ka lo nuih suk a, ka beisei loh deuha thil a ei tam chu a lawmawm ka ti hle.

"Tehreng mai, ka zu la leh ang e" tiin khum aṭang chuan ka tho chhuak a, room chu ka chhuahsan zui nghal.

Ei tur kenga kan room ka luh leh te chuan amah ang lo takin a lo phur phian a, a ze hlui anga a rawn awm leh thut avang chuan mak pawh ka ti hman hial.

"Ei ve la pa, dinner i tawh hrim hrim em ni?" ei tur ei mawlh mawlh pah chuan a rawn ti a, kei chuan ka inei puar tawh thu ka lo hrilh a, ani paw'n min sawm nawn tawh bik chuang lo.

"Junior, kar lehah chuan kan haw chhoh a ngai tawh tak tak ang aw, kar khat deuh thaw chu School pawh i kal tawh miah lo a nia" ka phone-a an Assigment tur a rawn thlen avang chuan ka ti a, Assignment lah chu an la nei hnem phian zui.

"Online in kan kal leh ṭep tawh i tih vek kha pa, online a nih chuan heta ṭang pawh hian ka kal thei mai lo em ni?" a hmui hru fai pah chuan a rawn ti a, a thil ei a tui ngâng a ni ang a plate-a eitur te chu a lo awm leh tawh lo.

"In teacher te paw'n i Assignment vel hi a Hard Copy-a submit turin an ti che alawm, online mode-a class in lak leh theih hunah duh leh he lamah kan chhuk leh zawk dawn nia"

"I ti tak tak em pa? Min promise la, chuan promise tawh chu sut leh awih tawh loh bawk" phur fê hian a rawn ti a, ka lo nuih suk ringawt.

"Min promise vat teh pa, kei chu Mizoram aiin he lai hmun hi nuam ka ti tawh zawkin ka hria" ka kut chelh chung chuan a rawn ti leh a, keipawh chuan

"Ka promise e" ka lo ti ve ta sup a, chutah lawm tih hriat zet hian ka fapa chuan min raw kuah thuai a, keipaw'n ka lo kuah let ve mai bawk.

Zanah chuan kan Hotel piah lawka Park-ah chuan kan leng kual a, zan ni mahse ka rin loh deuhin mi an lo awm tam phian. Junior-a chuan tui tak hian Hlutei nena an inhmuhna lai vel chu min hrilh melh melh reuh a, kum hnih hnua a la ṭawng duh ber a nih ka ring.

Ka kutah chuan a chelh ran a, tlai lama naupangho infiam dan te chu min hrilh char char a, a hlim em em chhan chu ka hre lo a ni. Kalna tur ka hriat chhuah thut avangin hmun dangah ka kalpui ta daih a, chu zan chu kum hnih hnua kan hlim dun zan ber a ni hial ang.

Kum hnih liam taa a ṭawng duh ṭhin angin Junior pawh Hotel-a kan let leh hnu thleng chuan a la ṭawng duh a, kei phei chuan a dam lo dawn emaw ka ti ringawt.

"Junior, engatinge i hlim em em a? Min hrilh thei ang em?" khum khata kan mut hnu chuan ka ti ta nge nge a, ani erawh a ngawi ta daih. A muhil emaw tiin a hmel chu ka en a, a lo la meng ve reng bawk si.

"A chhan chu Miss lo haw leh hunah kan lo hmuak thei dawn a, heta kan awm chuan kan inhmu leh thei dawn alawm pa" a aw aṭang chuan a lungngaih ruk hmel hle a, mahse a lungngaihna chu a thup ve hram hram a ni.

"Miss chu beisei tawh suh ka tih khâ Junior, ani chuan engtika mah i nu nih a duh dawn chuang lo, a chhan chu i pa hian ani chu na takin ka siam miau a tin ni! Chuvang chuan heti hian kan pahnihin awm kumkhua ila, kei chu nangmah nen kan awm dun dawn a nih phawt chuan ka hlim asin"

"I hlim bik lo pa, i hlim miah lo, dawt sawi suh pa. Engatinge i hriatna kha i lo hloh kher le? I hriatna hloh miah lo la chuan tunah te hian kan pathumin kan awm ho ang a, a nuam ngawt ang" nghet taka min lo kuah chung hian a rawn ti sep sep a, min hre chiang reuh lutuk chu mak ka ti hle.

"Thil dang engmah ngaihtuah lovin muhil daih ang aw" tiin kan ke lama rizai chu ka pawt chho a, muthilh tir vat tumin ka sin ṭhatpui nghal.

"Kei chu ka khua a har em mai em pa, ṭhian tih tur lah ka nei thei ngai bawk si lo, Miss paw'n min zinsan leh daih tawh bawk si" ka âwma a hmai nghat chung chuan a rawn ti leh sep a, ka fapa ṭawngkam avang chuan van vadakin ka thaw chhuak hawk.

"I pa ka awm alawm Junior, lungngai mah ta che. Engtik lai pawhin i ṭhian chu ka ni reng a, Miss pawh ngaihtuah tawh miah suh. I rilru a puitling chho ṭan ve tawh dawn a, i rilru natna tur lam chu ngaihtuah zui duh tawh suh aw" tiin a chhipah chuan ka fawp vang vang a, ani erawh a ngawi leh ta daih.

"Miss hi hruai let leh hram la pa, khawngaih takin Miss hi kan bula awm turin hruai let leh rawh" kan ngawih vang vang hnu chuan a rawn ti a, mittui tling pam hian min lo chhoh mel ral bawk.

"Ka thei tawh lo alawm, thei ila chuan i tan hian ka hruai let leh ngei ang" ka tih chuan ka kuahna aṭangin a tal chhuak zui daih a, ka kohna pawh ngai pawimawh duh lovin ngawi reng hian room chu a chhuahsan ta hmak.

"Ka tihpalh ka fapa, ka thil tihsual rah i lo seng tel ve zel avang hian i pa hi min ngaidam ang che" tiin keima hriat tawk lek chuan ka phun sup a, rilru nat lutuk avangin ka kut chu ka hum ruh hle.

"Sir, Junior-a kha pawnah a tlan chhuak daih a nia aw, ka koh paw'n min chhang duh lo a" in hnuai ka thlen thlak rualin Receptionist pakhat chuan a lo ti thuai a, ka thu hriat chuan nasa takin hlauthawnna min pe a, hmanhmawh takin ka tlan chhuak ve nghal.

Hotel bul vel chu hmanhmawh taka kal pahin ka en a, ka tlan a ni ber zawk, chuta karah ka fapa hmel reng ka la hmu lo zui. Ka rilru chu hlauhthawnain a khat a, ka chi ai vek tawh a ni ber.

Mizoram ang lo takin Vai ramah te chuan naupang ruk bo tih vel a tam bawk si, ka fapa chu ka chan mai ang tih ka hlau ngawih ngawih. Ani leh zel ka chan a nih chuan engtin nge ka awm ang? Dam châkna reng nei tawh lovin mahni ka intihlum duh hial a ni ka rin!

Hotel piah lawka Park chu ka ngaihtuah chhuak thut a, hmanhmawh takin Park awmna lamah chuan ka tlan phei nghal a, mahse a hmun ka va thlen chuan ka fapa taksa ruangam awm leh a hmel reng reng ka hmu lo.

A hming lama au vakin vakin kawngah chuan ka kal a, ka hawi kual deuh chhen bawk. Park piah deuha ṭhutthlengah chuan mihring ruangam ṭhu ang thân hi ka hmu a, mahse a thim tawh em avangin ka fapa a ni chiang em tih ka hre thei lo.

Ka thil hmuh en chian tum chuan ka kal phei phawk phawk a, khup bawh chunga ka fapa lo ṭhu kun tlawk tlawk chu ka hmu chiang thei ta.

"Junior!!!!!" thinrim aw taka ti chungin ka fapa chu a dar tawn tawnah ka chelh a, a ṭhutna aṭang chuan ka tung ding zui nghal vat bawk.

"Engatinge min tihhlauhthawn ṭhin!? Engatinge i pa hi min ngaihtuah ve miah loh!? Vawi khat mah hetiang awm leh tawh suh, i hria em!?" thing vak vak chung chuan ka ti vin leh ṭhawt ṭhawt a, ani erawh a rawn ṭap khur der der thung.

"Lo kal teh" tiin ka âwmah chuan ka kuah bet thuai a, ka âwma a beh rual chuan ring tak hian a rawn ṭah zawm nghal.

Keipawh chuan mittui tling pamin arsi te chu ka en vawng vawng a, ka pi leh ka pute tal la dam se chuan chuti taka kan khua a har chu ka ring lo a ni.

"Ka tihpalh Junior, ka vin vak vak che avang khan ka thiam loh a ni e. Haw ang aw, haw ila kan mu daih dawn nia" mittui khap let thuai thuai chung chuan ka ti dam dap a, a kal peih pawh ka rin loh avangin ka fapa chu ka paw ta ringawt bawk.

"Ka tihpalh pa, ka tihpalh" ka nghawnga min kuah ran chung chuan a rawn ti ṭuau a, a inthiam lo ve tak tak a ni ang min kuah nghet ang reng hle.

"A pawi lo, mahse tun chinah khatiang khan awm tawh miah suh aw, ka hlauthawng em mai Junior" ke pen tawp chuang lo chuan ka ti sup a, Hotel pawh kan hlat lutuk tawh lo.

"Aw pa, ka awm tawh lo vang" a rawn tih chuan ka rilru a hahdam nghal huai a, a tua mah chu kan ṭawng leh tawh lo bawk.

Hotel chhung kan thlen chuan Reception lama lo ṭhute chuan zah tak hian min lo bia a, Junior-a pawh an be ve ngei, mahse ka fapa chuan tûmah a chhang duh lo. Ka Hotel-a thawk zawng zawngte chu Vai vek an ni a, hna pawh an thiam hlawm khawp mai.

Ka fapa phei chuan English ṭawnga an bia te a nih loh chuan an biakna a chhang let ngai lo, a chhan chu kei anga Hindi ṭawng a thiam ve loh vang a ni. Amah hian thiam tumna pawh a nei hran lo va, English ṭawng a thiam chuan a duh tawk rih em em.

Keipaw'n Hindi ṭawng vel han zirtir ka tum lutuk chuang bik lo va, a duh hun leh a ṭul ka tih hunah chuan zirtir ka tum tho.

Tun laiah chuan keini hun lai ang em emin Hindi ṭawng a langsar lutuk tawh lo va, English ṭawng thiam chuan eng thil pawh a tih theih vek tawh tluk a ni.

Keini hun laite kha chuan Hindi ṭawng kan la hmang nasa em em a, College ka rah hnuah chauh pangai takin English ṭawng pawh khawlai velah ka hmang a nih kha!

Chumi avang chuan ṭawng ka thiam loh phah chuang lo va, kan in chhunga kan hman tam avangin ka thiam em em zawk a ni.

Ka nu leh pate nen kan awm ho lai kha chuan Mizo ṭawng hman ni atan Wednesday leh Sunday kha kan hmang ṭhin a, a bak zawng chu Hindi leh English ṭawng hman ni atan kan hmang ṭhin thung. Keimah ber khan a nuam ka ti a, ka nu leh pate kha ka ṭawng thiamna bulpui ber an ni bawk.

Kar khat a ral hnu chuan Mizoram lamah kan thlawk haw a, kan in chhung kan lut te chu a khawhar thlakin a reh ngei mai. Ni dang angte chu ni se ka pi leh pute an lo awm leh ang a, hlim takin kan haw chu min lo lawm leh ang a, ka pi phei chuan min be leh siam siam tawh ngei ang.

Tunah erawh chungte chu mitthla chauh an ni tawh a, a tak tak an nih loh avangin mitthla mai chu hlimpui a har ṭâlh tawh a ni. Junior-a chu ni tin School lamah a kal a, sawrkar lamin School khar an la tih rih loh avang chuan a hne lek lek zel.

Amaherawhchu School kal a peih loh vang a ni lo va, Delhi lama chhuk thlak leh thuai thuai a duh tawh vang zawk a ni. Zirna lamah rau rau chuan hma a sawnin a thiam thei fal hle a, ṭhian a lo nei mumal bik vak lo bawk nen lehkha zir leh keimah chu a ṭhiante kan ni mai.

Keipawh sawrkar hna emaw hna thawh lai emaw pawh ka neih tawh loh avang chuan inah ka awm nileng ṭhak ṭhak zel a, mahse zu in emaw meizial zuk lam ka ti ngai lo.

Vawi khat chu ka khua a har lutuk avangin zu ka in ve ringawt a, ka fapa Junior-a chuan a lo duh lo nasa mai. Ka zu in mek bottle chu lain in ve mai a tum a, chutianga ka fapain zu a in ve tur chu ka phal teuh lo, ka phal ngai lo bawk ang.

Chu ni aṭang chuan ka khua a hara ka lung a len châng pawhin zu lamah emaw ruih theih thil lamah emaw pawh ka ṭuan duh tawh lo va, ka fapa chuan rilru dang daih min put tir ta zawk a ni.

Naupang chhia ang taka han en dawn lahin Junior-a chu a puitling ru zek a, rilru puitling leh thil hrethiam vek tawh anga ngaih dawnin a naupanna chu a lang leh lawi si ṭhin.

School hawn leh khar a inchhawk deuh chhen avangin Delhi lamah pawh kan chhuk leh thei ta mai lo va, offline-a exam te a ngaih leh zel avangin kum 1 tal tawp chu Mizoramah kan awm leh ta hial zawk.

Junior-a paw'n ṭha takin class 8 a pass a, a hmaa a subject thiam loh ber ṭhin Mathematics-ah phei chuan a full mark teuh ther ther hle. Mathematics subject-a mark ṭha tak a hmuh hi chuan Hlutei ka hre chhuak lo thei lo, ka fapa chu Hlutei avanga tun thleng Maths thiam ta em em chu a ni tih ka hre chiang hle bawk.

Keini pafa nunah chuan Hlutei a bet vek a, engkimah chuan a tel lohna a awm lo tluk a ni. Zan laia ka ṭhanharhin amah chu ka hre chhuak a, ka fapa in zirna lama result a neih ṭhatin amah bawk ka hre chhuak leh a, ka mit ka chhin rualin ka bul hnai maia awm ang maiin ka hmu ṭhin bawk.

"Vawiin chu i thiam em Junior?" tiin a hmel ka hmuh rual chuan ka fapa chu ka lo be vat a, ani pawh chuan hlim aw deuh hian

"Aw thiam vek pa, chuan Delhi lamah Entrance pe turin kan chhuk thei tak tak tawh ti raw?" a rawn ti ve nghal vat a, keipawh chuan aw tihna'n ka lu chu ka lo buk khum nghauh nghauh.

Vawiin ni chu Class 9 zir thei tura ka fapa Entrance pek ni a ni a, ka beisei ang ngeiin a rawn thiam haw leh ngei e! A tuk khua a lo var a, Junior-a pawh a tho hma ngei mai. Kei aiin a tho hma zawk hial a, a phur lutuk chhan lah ka hre ran bawk si.

Tukṭhuan kan ei laite chuan a ṭawng siam siam reuh a, ka lo nuihpui leh hak hak ringawt ṭhin. Airport lama kan tlan laite chuan a hlim tih hi a hriat ngawih ngawih, keipawh ka fapa ber a hlim chuan ka hlim chawp ve thei zel mai.

Thlawhna chhunga kan chuan hnu rei lovah ruah a rawn sur a, van sanga kan thlawh lai takin kawlphe leh ṭek tla a rawn awm thut a, ka banah chuan Junior-a chuan a rawn hmer vak bawk.

Rang takin ka fapa chu ka kuah thuai a, a hlau lutuk chu a ṭap hial. Chawp leh chilhin keipawh chuan hun kal tawh ka ngaihtuah chhuak nghal a, Hlutei nena kan intawn tirh chu hriat chhuah loh a harsa a ni.

Ka mit chu ka chhing zui vang vang a, Hlutei nena kan intawn tirh lai vel chu ka suangtuah let vang vang bawk. Ka bul maia awm ang chuan ka ngaihruat a, maimitchhing reng chungin ka nui leh suk zel.

Chapter 26

Delhi kan thlen thlak aṭanga kar khat hnuah Junior-a paw'n Entrance a pe leh a, Mizorama awm ai chuan Delhi-a awm chu a châk daih zawk tih pawh ka hria.

Delhi-a kan awm hnu aṭang chuan tlai tin Hotel piaha Park-ah chuan a kal ta ziah a, a chhan pawh Hlutei hmuh a inbeisei ṭhin vang a ni.

A awm âwm chuan ka awm tir tawp tawh a, a hlimna tur a nih phawt chuan hauh buai vel ka duh tawh lo, keimah vangin a rilru a na hnem tawk tawh êm mai.

Kei erawh kan room chhungah ka awm deuh tlawng zel a, Hlutei chu ka mitthla ta fô mai a ni. Eng thil dang nge ka tih chuan ang? Hlutei chu London-ah ka zu kalh chilh mai dawn em ni? Ka ta ni leh turin a duh lo chung ka hruai let leh mai dawn em ni? Pasal hual a nei tih hre reng chungin ka ta ka nih tir mai dawn em ni? A teuh lo mai, kei hian chutianga a laka chet theihna dan ka nei lo, dikna pawh ka nei lo. Ka chan tawk chu a hmel mitthla a, hlimpui a, ka thi lo tihsual avanga inchhir loh chu chan tur ka nei lo a ni.

Tuesday tlai a ni a, kan Hotel pawh a lun leh tawh hle. A tlai tin tih ṭhin angin Junior-a pawh Park lamah a kal leh daih tawh a, Park awmna Hotel nena a inhlat loh avangin ka ngaihtuah em em hran lo bawk.

Ishaan-a chuan thil chi hrang hrang min sawipui a, a ṭawng char char nâ chu kei erawh ka ṭawng ve lo tluk a ni. Chutia Hotel Manager nen kan titi lai chuan Malsawm hi Hotel chhungah a rawn lut a, mahse amah maiin a ni hauh lo.

Hmeichhe pakhat hi a rawn kai lut hmawk hmawk a, ṭhutna hmasa berah chuan a ṭhutpui nghal hmak. Ka taksa chhung chu a rawn sa pup pup a, Hlutei nena an inkawp reng laia hmeichhe dang kut a vawn leh si avang chuan ka awm a nuam lo, ka thin a rim ni berin ka hria.

Ka harh chhuah meuh chuan Malsawma te awmna bul chu ka lo thleng phei der tawh a, ka thin a rim lutuk avangin ka kal phei lai pawh chu ka hre lo hrim hrim hi a lo ni.

"Ka thei lo, tual ka that duh lo" hmeichhia chuan a rawn ti ṭuau a, Malsawma erawh a thaw hawk a, a awm dan aṭang chuan a beidawn hmel hle bawk.

"Engtin nge hetiang em ema awlsam hian i rai theih? Mi lah chu i la hre chat bawk si, engtin nge ka hmel hi i la hriat reng theih zawk? Enteh nangmah tê vang hian ka bialnu pawh kar tam tak ka be tawh lo, naute chu titla mai rawh, pawisa ka pe ṭeuh ang che"

"Pawisa ka duh lo, naute tihtlak pawh ka duh lo. Awlsam taka ka rai chhan min zawt vel a, nangma'n sex min hmanpui a nih khâ, ka thiam loh a awm miah lo"

"Ka rilru buai lai a nih vang a nih kha sex ka hmanpui che, engtia tih nge i tum? Ka thusawi chu i awih dawn em? Kei chuan titla mah la pawi ka ti lo, ka lo mutpui kher kher che kha ka inchhir hle a ni"

"Aw le, Mizo mipaah nang ang renga rilru hrisel lo hi ka la hre lo, hna sang tak pawh thawk mah la i tluang bik chuang lo vang. Ka pum chhunga naute hi titla turin min ti vela ti raw? A teuh lo mai, ka thawk ve ṭek ṭek chhung chuan ka titla ngai lo vang. Min lo ngaihtuah zui duh tawh suh ang che, tun aṭang chuan ka pum chhunga naute hi i fa a ni ve tawh lo ve" tiin hmeichhia chu a ṭhutna aṭangin a tho tharh a, Malsawma chuan

"La kal lo teh, kan la sawi zawi lo" tiin au lawm lâwm mahse chu nu tê erawh ṭawng hre lo ang maiin a kal sawn ta vang vang.

Chutah kei chu ka thu hriatte avang chuan ka thin rawn rim thar lehin Malsawma lam chu ka pan hnai sawt a, a kawr âwmah chuan ka ṭham ding nghal a, ka chet dan avang chuan mak a lo tih hmel khawp.

"Hmela, i bialnu chu a awm loh hlanin i lo phatsan kual leh vel si a maw!? Mipa i ni a ni lo'm ni?" tiin ka hnek tlu tawp a, ka thinrim dan chu pui tak hi a ni ringawt.

Chhuat laia a tlu tawh chu ka pawt tho leh vat a, ka hnek leh ta siah siah! Vawi ruk vel ka hnek hnu chuan ka duh tawk zui nghal a, ka thawte chu thinrim lutuk avangin a chham vek dawnin ka hria.

Malsawma chu chhuat aṭang chuan a rawn tho ṭuah ṭuah a, a hnar thi vel chu rawmawl chuan a hru deuh chhen a, kei lah chuan ka lo melh rum nasa mai.

"Pu Henry, engatinge kut min thlak chiam mai le? I pawi ka sawi em ni? Ni lo, nang hian ka bialnu chungchang hi i hre chiang ti raw? Kan inhmuh hmasak zawk ni pawh khan min zawt chik hle a, mak ka ti em em leh nghal" a hnar hru pah chuan a rawn ti ta chiah a, melh pawh ka melh rei peih lo.

"I bialnu ka hriat leh hriat loh chu i tan ṭangkaina a awm lo, i bialnu pawh chu hmeichhe dang laka i phatsan thu kha hrilh vek ang che" ka ti ram hmuk a, ani erawh ka thusawi avang chuan a meng phawk lehzual thung.

"Eng vanga ka bialnu chu lo ngaihtuah ve em em nge i nih?" pawr deuh taka a rawn tih chuan ka insum thei leh ta pek lo.

"A chhan chu i bialnu LALRINHLUI hi ka thinlung neitu a nih vangin" ti hrawkin ka hnek tlu zui leh nghal pawp a, kawng dawm meuh chuan ka van vadak a, ka rilru chu nat tak tê hian a na.

"Ka hrethiam ta e, nang hi Hlutei bialpa hlui kha i ni chiang mai. Engtin nge kut min thlak tirh te khan ka lo hriat loh theih zawk le, ka lo â hle mai. Inbe ṭha teh ang pu Henry, puitling lo pawh kan nih tawh loh hi!" a rawn tih chuan a lam chu ka hawi thuai a, ani erawh ṭhutthleng awmna lam a lo pan daih.

"Hlutei khan a lo sawi dik chiah a ni, kei hi tunah chuan ka beidawng tawh ni berin ka hria" ngawi renga kan ṭhut hnu chuan a rawn ti chhuak sup a, mipa mah ni se a hmel aṭang chuan a beidawng tih a hriat hle.

"Kum khat tawp chu a rilru hneh tumin ka bei a, a thinlungah mipa dang an awm reng tih hre chungin ka bialnu atan ka ṭan luih tir a, mahse ka tumna te chu tunah chuan a lo thlawn vek tawh a ni" a tih lai te chuan ka lo en kar a, nuihzat vang ni miah si lo hian a nui leh suk bawk.

"Hlutei hian a mipa hmangaih hmasa ber kha a la hmangaih reng a, chu a mipa hmangaih chu nang hi i ni ti raw pu Henry? Ni lo, sawi lo mah la tunah chuan i ni tih ka chiang tawh e. Ka lo â ngawt mai, ka ât avangin mi pahnih rilru ka tina dawn ringawt a nih hi!"

"A mipa hmangaih hmasa ber chu a la hmangaih maw!? Kei hi min la hmangaih reng i tihna em ni? A ni lo vang, a thusawi i hre sual zawk a ni ang e"

"Ka hre sual miah lo asin, kha leh chen kha kan lo inzui ve tawh a, mahse min duh thu tak ngial pawh a sawi ngai lo. Kei chuan ka duh em em a, nupui atan hial pawh ka duh nghe nghe. Hlutei zawk hian min duh lo va, min hmangaih lo va, ka nawr luihna avanga inngaizawng mai kan ni e" a rawn ti muang fan raih a, kei erawh ka lo ngawi reng ringawt.

"Tunah chuan Diploma Course pawh a zo fel tawh a, a lo haw ṭep ang. A laka ka beidawn ruk em em tawh avangin hmeichhe pakhat sex ka hmanpui a, chutah chu nu chuan ka fa a la pai zui, Hlutei chuan min haw ngawt ang ka ring. Thla 2 chhung vel chu a laka ka inthiam loh lutuk avangin ka be tawh lo, min duh ve miah lo tih hre mah ila a lakah chuan ka inthlahrung em em tho" a rawn tih zawm leh nghal zat a, ka rilru chhungril chu a lawm nge a lungngai tih pawh ka hre lo.

"A lo haw hunah chuan neih let leh tum ngei ang che pu Henry, a chhan chu kei chuan hmeichhe dang buaipui ngei ngei tur ka nei tawh tlat a tin ni! Zaninah Hlutei pawh chu ka lo bia ang a, engkim ka hrilh vek ang. Min chhan let dan tur chu hre rih lo mah ila a rilru a nat ve tho chu ka ring. Nang nena kan inbiak thute hi ka hrilh vek a, ani paw'n hlim takin nun a hmang ve thei tawh zawk ang" a rawn tih leh pawh chuan ka ngawi reng a, ka en ngai chu ka en tlawk tlawk a, Hlutei tih chauh lo chuan ka ngaihtuahna an luah thei tawh lo.

Inthing harhin Malsawma ṭhutna lam chu ka hawi a, mahse hmuh tur reng a lo awm tawh lo. Dawhkan bawh chuan ka kun ngul a, ka rilruah hlauhthawnna leh lawmna chu a inawm chhawk sek bawk. A lo haw hunah chuan min la pawm duh tak tak se ka ti a, min la hmangaih reng se ka ti a, ka ta ni kumkhua turin ka bulah lo let leh thei se ka ti ngawih ngawih.

HLUTEI POV

"Hei Hlute, engtikah maw i haw dawn? I ngaihawm awm reuh ê, mahse kan tihtur ber kan zo ve tawh miau bawk sia ti raw?" nui ver ver chung hian ka ṭhiannu ve em em Chloe-i chuan a rawn ti a, keipawh chuan ner nâwng chung hian

"Nang pawh i ngaihawm dawn alawm, in ramah i haw leh vang vang daih dawn bawk si, engtikah nge i haw zawk ang? Kei chu Next Week-ah khian ka haw ka ring, Ticket pawh ka book fel thlap tawh" tiin zawhna ka zawt let ve nghal thuai a, Graduation Gown kan la ha vek bawk sia hnawk ka inti ang reng hle.

"Kei chu Next Month-ah daih kan ramah ka haw ang, London hi nuam ka la ti rih tlat! Bialpa pawh ka nei dawn, ka nei lek lek tawh zawk" fiamthu rawngkai titak deuh chung sia a rawn tih chuan phur fê hian

"Oh My God! Bialpa maw!? Tu nge!? Tu nge i bialpa lek lek chu ni reng reng? Min hrilh ve vat ta che" ka lo ti thuai thuai a, kei ai daihin sang mahse a banah chuan ka chum vak vak tho.

"Gerard-a kha i hria em? Kha American tlangval ngei kha!" nui ver vera a rawn tih chuan rang zet hian

"Awi le! Gerard-a maw!? Engtin nge ka lo hriat loh theih zawk le, in inhnim hnai ka ti reng a ni" ka lo ti ve leh nghal a, Chloe-i leh Gerard-a inkawp tur chu ka rin loh lam tak a ni.

"Enteh Hlute, Gerard-a hi maw a sexy bawk sia amahah hian ka mipa duh ang chi zawng zawng a kim vek" nuam tih hmel zet hian a rawn ti leh a, Chloe-i leh Gerard-a chu an inhmeh dawn lutuk tih ka hre nghal.

"Awi nang chu Chloe, in inhmeh dawn vel ê, hmeichhe tam takin an thik luai luai dawn che a nih hi! Amah Gerard-a chuan a duh ve reng reng che em? Nge nang hi kan professor i ngaihzawn lai ang khan i suangtuahnaah i lo cheng leh mai mai zawk?"

"A teuh lo mai, khatiang khan ka awm tawh ngai bawk lo. Enteh Hlute, nizan khan Gerard-a chuan dinner kilpuiah min sawm vel alawm, a nuam hi a ni tawp"

"Awi nang chu a nuam awm ê Chloe, keiniho zinga Diploma Course zir zawng zawngah hian i ni hlawh ber ang ka ring. I bialpa tur lah a chhe lo bawk si, in awm dun lai ka hmu châk tawh che u"

"Nang pawh hian Research lam ringawt buaipui lo hian bialpa tur te ngaihsak ve la, American ho phei chuan Asian hmeichhia lam hi an duh phian a nia, in la chhe lo viau rawh" nui hek heka a rawn tih avang chuan ka lo nui liam ve mai mai.

Information Mic aṭang chuan Student te chu ṭhu khawm tawh turin min ti a, keini pahnih pawh titi zawm tawh lovin kan ṭhutna tur lam chu kan pan ve nghal. Darkar 1:30 chhung vel Graduation day chu kan hmang a, ka apartment ka luh te chuan ka chau hnawk thei.

Mu chung chuan ka khi ver ver a, Henry-a'n duhsak min hlan ang ngeia ka hlawhtling ta chu ka lawm a ni. Ni e, Henry-a khan rilru na takin min siam lo ta ang ni se chuan ka hlawhtlin pawh ka ring lo, mahse tunah chuan ka natna te chu ka zirna kawnga hlawhtlinna min petu te an ni tih ka hre tawh a ni.

Kar a ral leh meuh chuan India ram lam panin thlawhnaah ka ṭhu vâng tawh a, kan rama ka haw leh tawh tur chu ka hlim rualin ka hlim lo a ni. U Sawma chuan thla khat kal ta mai khan kan inṭhen a ngaih thu min rawn hrilh thut a, ka hriat tirh phei chuan mak ti tak ka ni.

A chhan ka zawh ngai lovin engkim min hrilh tlang nghal vek a, kan inṭhen chhan tak ka hriat chuan ka na ve det. Ka nat chhan erawh amah ka duha ka hmangaih vang ni lovin inngaihzawnna lama ka tluan loh lutuk vang zawkin ka na a ni.

Keipawh chuan u Sawma chu pangai takin ka lo chhang let a, ka nat loh thute ka hrilh a, mahse a thu min hrilh tawp ber chuan min va han barakhaih chiang tehlûl em.

Henry-a nena an titi dun thu leh engkim a hrilh vek thu min hrilh chuan awm ngaihna pawh ka hre lo, ka ni deuh hûihin ka hria.

Tin, u Sawma chuan India ram ka thlen huna min lo hmuah a tum thu a sawi leh hram a, mahse chu erawh ṭhian kan nihna ang zawngin a ni tawh thung. Kan inbiak tawp lamte chuan a rawn nui leh thei tawh a, kei erawh ka nui lui vel mai mai a ni.

Darkar 8 chuang kan thlawh hnu chuan India ram hmel pawh ka hmu ve leh ta, ka hah a dam sawng sawng nghal. A sawi lawk ang ngeiin u Sawma chuan min lo hmuak a, mahse a bulah chuan Junior-a ngei chu a lo ding ve ta tlat mai. Ka mi hmuh avang chuan ka ke pen pawh ka tawp deuh chat a, mahse intichak luiin ka kal pangai ve leh nghal vat bawk.

"Miss!" tiin Junior-a chu ka lamah a lo tlan thuai a, engtin nge India ramah ka haw dawn tih te chu a lo hriat reng reng ni! A ban phaka ka awm chiah chuan min lo kuah vat a, keipaw'n ka lo kuah ve mai.

"I kal bo tawh dawn lo ti raw Miss? Kal bo tawh suh aw? Kan bulah lo let leh tak tak tawh rawh aw? Khawiah pawh kal dawn la ka zui zel tawh ang che, ka ti tak tak Miss" a rawn ti nghal zung zung a, kei erawh ka ṭah a chhuak em em nghal ringawt.

"Ka lo let leh thei tawh dawn em ni? Kei te chu i pa paw'n in bula cheng turin min duh tawh nâng, ka lo let tawh lo law law zawk mai ang" ka tih chuan

"A theih loh Miss, lo let leh ngei ngei rawh, apa paw'n a hmu châk tawh lutuk che" a rawn ti leh nghal vat a, mahse a thusawi ber kher chu ka awih lo hle.

"Tunah chuan i pa min duhsak ang ngeiin zirna lamah pawh ka hlawhtling titih tawh a, heti hian kan inhmu thei reng tho alawm Junior. Engtin nge ka lo haw dawn tih te hi i hriat reng reng a?" u Sawma lo dinna lama kuah phei chung chuan ka ti a, ani pawh chuan pangai tak hian

"Pa Malsawma sawn min hrilh alawm, apa pawh a hrilh vek, mahse apa chuan i hmel a hmu ngam lo va, a lo kal ve duh lo" a rawn ti a, Henry-a'n ka hmel a hmu ngam lo maw!? A va mak ngai ve, eng vanga ka hmel chu hmu ngam lo nge a nih chiah?

"Junior-a sawi kha a dik" u Sawma chuan nui ver ver chung hian a rawn ti a, ka hmela mak tihna chu a lo hmu thiam leh vek tawh a ni ngei ang.

"Engatinge i pa chuan ka hmel chu a hmuh hreh Junior?" ka ti chhuak sep a, chu zawhna chu ka zawt lo thei lo a tin ni! U Sawma chuan ka luggage khai chu a lo ban vat a, min la kalsan zui nghal nal nal.

"A inchhir alawm, kan in aṭanga a chhuahtir che avang khan apa chu a inchhir lutuk, chuvang chuan kan bulah lo let leh hram rawh aw Miss?" lungngai aw taka a rawn tih chuan ka ngawi reng a, ka mittui te chu a tling pam a, ka ṭawng chhuak a nih vaih chuan ka ṭap ngei dawn tih ka chiang.

"Lo lut r'u le" kan bula motor tih din pahin u Sawma chuan a rawn ti hlauh a, chuti ni lo se chuan Junior-a chu ka chhan a ngai ngei ang.

Motor seat hnung lamah chuan kan ṭhu lut a, Junior-a chuan ka kut chu ka kal sawn leh hlau ang mai hian a vuan tlat a, kan inhmuh tirh phat aṭang khan a la thlah lo hrim hrim zawk.

Motor-a kan chuan laite chuan Junior-a chu ka dar nghengin a ṭawng malh malh a, an pafaa min ngaih tawh thute chu a sawi chamchî a, a ṭawng tui lutuk chu u Sawma lakah chuan ka inthlahrung dâwn dawn alawm. U Sawma hriat nuam loh tur anga ka lo ngaih thlêng thlengin Junior-a chuan a sawi chhuak a, u Sawma lah chuan a la lo la hlimpui em em zui.

Minute 30 vel kan tlan hnu chuan kan veng lamah kan tlan lo tih ka hre chhuak a, kan veng lama tlan tura ka tih pawhin u Sawma chu a tlan duh ṭhak lo. Ka biak pawhin min chhang lo va, ka ṭawng hre lo ang maiin motor chu a khalh mial mial. Kan tlanna lam Junior-a ka zawh lahin a sawi duh bik bawk si lo, an awm dan chu ka hrethiam lo hle a ni.

Rei lovah Hotel lian ang reng tak pakhat hmaah hian kan ding a, chu Hotel lah chu ka hriat ngai pawh a ni lo. Junior-a chuan ka kuta chelhin Hotel chhung lamah min kalpui a, u Sawma paw'n ka luggage khaiin kan hnungah min lo zui ve nghal. Anni pahnih awm dan chu ka ngaihtuah chet chet a, ka hrethiam lo hle a ni.

Lift-a kan chuan lai chuan ka ngaihtuah chhuak ta, Henry-a nena inhmuh tir min tum tih ka hriatthiam hnu chuan huphurh tak ka ni. Khawvela ka mipa hmangaih ber leh ka hlawhtlinna bulpui ber mipa chu hmu châk em em mah ila a hmel ka hmu hreh a, a chhan pawh kan hun kal tawh vang bawk a ni.

Kum 3 chhung zet inhmu lovin awm mah ila Henry-a chuan ka ngaihtuahnaa awm loh lai a nei ngai lo va, na takin min siam tawh mahse amah ka hmangaihna chu a reh thei chuang lo.

Lift aṭanga kan chhuah te chuan ka tha a khur hial a, ka zam dan chu pui tak a ni. Kawngka pakhat bulah hian Junior-a chuan min dinpui a, u Sawma pawh a lo ding ve nghal.

"Va lut rawh le Miss, i hmel a hmuh hunah apa chuan mak a ti ve ngawt ang" nui ver ver chung hian Junior-a chuan a rawn ti a, kawngka chu hawngin min nam lut zui nghal.

Room chhung ka luh hnu chuan khuma lo mu zangthal duai Henry-a chu ka hmu nghal zat a, a muhil a nih ringin thawm dim tak chuan khum lam chu ka pan ṭhem ṭhem a, a hmel ka hmu chiang chiah ka va han ṭap chhuak teuh tehreng em.

Ka ṭah chhuah thut ka hlauh avangin ka hmui chu ka hup vat a, Henry-a hmel chu nasa takin a lo danglam tawh a ni. A biang leh khabe velah chuan hmul a lo awm chhur tawh a, amah a ang lo tak zet. Maimitchhing reng chung chuan a nui leh suk suk ṭhin a, a awm dan avang chuan a muhil niin ka hre ta lo.

Khumah chuan dim tê hian ka ṭhu thla a, ka kut chu a hmai zawnah ka lek kang a, mahse a hmai chu ka la khawih duh lawk lo. A hmai khawih ta lo chuan ka aw chu ka thian kharh a, mahse ani erawh a la rawn meng chuang lo.

"Henry" ka ti sep a, ka kohna avang chuan a rawn meng chiang kher mai. A mitmeng khawharna leh lungngaihnaa khat chuan min lo en thuai a, chutah khi deuh suk chung hian

"Ka mitthla leh bawk maw" a rawn ti thum ṭial ruai a, a mit chu a chhing zui leh nghal daih. Ka insum thei tawh lo chuan mittui tling pam chung hian

"Henry pathlawi" ka ti nawn leh ngat a, a kut chu ka chelh zui nghal bawk. Ka chet dan leh ka koh dan avang chuan a rawn meng ve leh nghal vat a, rawn ṭhu chhuak chung chuan min en chiang tawh kher mai.

"Ka mitthla mai mai nge a tak tak i nih!?" tiin ka kut te chu a thlek vawng vawng a, ka hmel te chu chik tak hian a en a, a tak ka nih chu a la rinhlelh hmel ngâng a ni.

"HENRY LALSANGZUAL, Mawla, Suala, Pathlawi, engatinge ka awmna i hriat rengte chuan min hmu tur pawha i lo kal ngai loh?" ṭap chhuak hawk chung chuan ka ti ta nge nge a, chutah zet zawng a tak ngei ka ni tih hre chhuakin a âwmah chuan min va han kuah bet rang em.

Nghet taka kuah let chung chuan ka ṭap hawm hawm a, chutiang taka ṭah nasat chu ka la nei lo. A kawr âwm te chu ka mittui vangin a huh pur a, ani chuan min kuah nghet hle bawk. Ka chhip leh chal chu a fawh kar tawn chhen a, kei ang bawkin a lung chu a chhe ve tih ka hre thei.

"I ni tak tak ti raw Hlute? Hei hi ka mitthla a ni lo ti raw? A ni lo tih tal min han hrilh teh, ka mitthla mai mai atan chuan ka ui em mai" a âwm aṭanga min nam hlat hnu chuan a rawn ti ṭuau a, a mittui te chu a tling pam a, ka mit taka en chung chuan min chhuk melh ran bawk.

"I mitthla a ni lo Henry, keimah Hlutei ngei ka ni e" tiin a hmuiah chuan ka han fawp vang vang a, ka maimitchhin rualin ka mittui te chu ka biangah a baw nghal zawih.

Ka Henry-a hmui ngei a ni tih hriat takin a hmui chu a lo la nem lum nuam hle a, kum 3 kal taa ka hmui fawh ṭhin ngei kha a la ni e. Duhthaw tak hian min lo chhang let buan buan a, keipawh ka insum seng tawh bik lo. U Sawma min fawhna te chu nep te hi a ni ringawt, hmangaihte hmui han fawh leh zet zawng a dan dang tak a ni.

Min fawh uar em avang chuan ka thaw a chham lek lek a, a ka chhungah te chuan ka thaw lut hial. Ani erawh min fawp chawl lo va, a lei mawlh chuan ka taksa pumpui tiche dawt thei khawpa danglamin min siam a ni.

Chapter 27

"Engatinge Henry? Engatinge hetiang em em hian i hmel a danglam tâk? Thil i ei ṭha lo em ni? I mit khur lah a thuk si, i taksa tal hi chu enkawl uluk ve ta che" inngai em ema kan infawh zawh hnu chuan ka ti zung zung a, amah ngaihtuahnaa khatin a biangte chu ka chul a, mittui tih tlak loh chu tum mah ila a harsa thlawt.

"Min chhang teh Henry, i hmel hian ka ṭah a tichhuak tak zet a ni" ngawi renga min en avang chuan ka ti leh a, rilru nat hmel fê hian min en reng a, chutah rawn che thutin a âwm aṭang chuan min nam hla ta daih.

"Henry! Engatinge hetiang hian i awm? Engatinge min hnung chhawn tlat?" tukverh bula a din tâk daih avang chuan ka ti lo thei lo, kan inkuahna aṭanga awm sawn duh tur khawpin eng thil chiah nge a rilruah chuan awm ang ka hre lo a ni.

"Henry pathlawi, engatinge i ngawih reng? Ka zawhna kha chhang rawh, kan inhmu leh te hi i lawm ve miah lo em ni? Kei chu ka hlim em em tawh zawk asin" a hnung lam aṭanga kuah chung chuan ka ti mawlh mawlh a, insum theihna tlachhamin ka ṭap leh ta nge nge.

"Min haw lo em ni?" a rawn ti tawi sup a, a aw aṭang chuan a inchhir hle tih ka hre thei, kei erawh chuan ka khawngaihin ka hmangaih ngawih ngawih tawh thung si.

"Haw bawk lo, ka haw phal tawh bawk lo che Pathlawi Senior pa" ka ti vak a, a awm dan vel chuan ka lung a tichhe zual. Amah chu ka kuah nghet em em ringawt a, ani erawh a ding khawng reng thung.

"Ni lo, nasa takin min haw zawk a ni. Min huatna kha thup tum mah la ka lakah chuan i thup thei ngai lo vang, a chhan chu ka hre chiang tawh lutuk che" a rawn tih thawp sup chuan ka kuahna chu zawimuangin ka thlah ta riai riai.

"Enge i sawi tum chiah Henry? A hma ang bawkin kan awm dun thei leh dawn lo i tihna em ni? Engatinge ka haw tawh lo che ka tih pawhin nangmah min huat tir ṭâlh chu i tum? I hriatna pawh i nei let leh vek tawh a, keipaw'n ka rilru ka lo siam fel hman vek tawh asin" ka tih chuan ka lam hawi zawngin a lo inher a, a mitmeng chu pakhat mah ka chhiar thiam lo.

"Nang chu ka beisei phak i ni tawh hleinem Hlute, ka hmuh tirh che khan hlim viau mah ila tunah chuan ka hlim leh tawh lo. Min hnaih buai duh tawh lo zawk mai rawh, i laka ka chet dan avang khan ka inchhir em mai" a thusawi mal tin chuan min tihamhaih a, inchhir hle mahse chutiang thu chu a sawi ka lo ring lo.

"I dawihzep leh tlat dawn em ni? Kum 3 kal taa mi ang bawk khan i dawihzep leh tlat dawn mâw? I taksa si leh theia ka awm ringawt pawh hi kei chu ka lawm asin, tunah hian inchhir avanga min kaltir leh a nih chuan in hnena lo let leh duhna rilru hi ka pu tawh ngai lo vang" rilru na tak chuan ka ti a, kan inkar engkim a ṭha vek tawh tura ka lo ngai chu ka tisual chiang hle mai.

"Ka hmangaih che asin Henry, kum thum lai ral tawh mahse ka mipa hmangaih hmasa ber i nih avangin ka theihnghilh ngai lo che" ka tih hnu pawh chuan a la rawn ṭawng chhuak duh miah lo va, ka beidawng ve ta tak tâk ta.

"Aw le, a ṭha e. Tun hi nang nena kan inhmuh tawpna ber tur a nih ka ring Henry, in bula awm châk em em mah ila in pafa nunah hian ka leng ve ngâng lo te pawh a ni ang e" tia inherin kawngka lam chu ka pan nghal a, ka rilru chu na tak a ni.

"Kal suh!!!!!" a rawn tih ṭhawt avang chuan ka ding deuh dawt a, ka kal leh tur chiah chu tha chak tak hian ka hnung lamah min pawt let ta dâwr. Insut feih feih chung chuan tal chhuah ka tum a, ani erawh chuan min kuah nghet hle thung.

"Min thla rawh HENRY LALSANGZUAL, dawihzep pa, min thlah nghal rawh" ṭap chung chuan ka ti vak vak a, ka thusawi ngai pawimawh lo tih hriat zet hian khum lamah min pawm phei nal nal a, ka tih ngaihna hre lo chu ka tal vak vak ringawt.

"Ka lak aṭang hian i awm bo leh tawh ngai lo vang, ka tisual leh tawh lo bawk ang" a rawn tih te hlei hlei chuan ka thin an tirim a, ka lung an tichhe zual a, min kuah nghet bawk si nen ka tawp up pui mai.

"Dawihzep pa, nangmah a ni lo'm ni hnaih buai tawh lo tur chea min hrilh zo chiah tu kha! Min thlah rawh! Henry min thlah hram te, tunah chuan ka hmangaih miah lo tur mipa ka lo hmangaih a ni tih ka hre chhuak tawh" ka ṭawng tawp lam chu lungchhiat lutuk avangin a zuih ral a ni ber.

"Ni lo, kum 3 kal ta ang mai mai kha chuan ka kal tir thei tawh lo vang che. Ka inchhir alawm Hlute, i duh lo chung kan in aṭanga ka haw luih tir che avang khan ka inchhir em em asin, i laka ka inthlahrun lutuk lûatah i bula awm ve tlakah pawh ka inngai tawh lo a nih hîiii"

"A nih chuan engatinge min kaltir law law loh? Ka la hmangaih reng che thu leh ka theihnghilh theih loh che thu ka sawi vek a ni lo'm ni? Ka laka i inchhir chuan min kaltir ta che, min tina zozai tawh em mai" thinrimna leh lungchhiatna inpawlh nuai chung chuan ka ti chhuak ṭuau a, min kuahna aṭang chuan tal chhuah pawh ka tum tawh lo.

"Ka thei tawh lo, i tel lovin ka awm leh dawn a nih chuan ka dam zo tawh lo mai ang. Ni e, kei hi mi dawihzep tak ka lo ni e. Tun lawkah pawh khan ka tisual leh ṭep a, mahse nang hi ka hlatah i awm leh tawh ngai lo vang" a rawn tih chuan ṭap pur chungin ka melh chho a, chutah amah vek chuan

"I tel lo chuan dam reng mah ila mitthi ang mai ka ni a, min huain thil chi hrang hrang min tawrh tir dawn pawh ni la i bula ka awm theihna tur a nih phawt chuan ka tuar vek ang. Ka tihpalh Hlute, i duh lo chung in aṭanga ka haw tir che avang khan nuamin hun ka hmang ngai lo" rawn tih zawm leh zatin dam fê hian ka hmui chu a rawn fawp a, mittui baw zawihin ka lo fawp let ve nghal.

"Min ngaidam rawh aw" rilru nat hmel tak hian a rawn ti leh sup a, ka hmui zawnah chuan a thaw sa ham ham a, kan chal chu a la insik tir reng bawk.

"Ngaihdam i ngai lo Henry, nang ngaidam tur khawp chein keipawh hi ka thiam reng reng bik lo. Ni lo, min en teh Henry, i ṭap ve maw!? Eng vanga ṭap nge i nih?" a bianga mittui lo luang thla ka hmuh avang chuan ka ti chhuak hluai a, ani ang mipa chu ṭap ve theiah ka ruat lo a tin ni!

"A chhan chu ka hmangaih lutuk vang che a ni" aw dam taka a rawn tih hnu chuan min fawp leh nghal a, tun ṭum min fawh dan zet zawng a hmaa mi nen chuan a inang lo kher mai.

Ka hmuia fawp reng pah chuan ka taksa te chu a zut kual a, ka dar a khawihna ringawt te chuan nasa takin tisa châkna min pe thei. Ka kawr chhunga lo zen lutin ka hnute te chu a ṭham tawn tâwn a, awm ngaihna ka hriat loh avang chuan a ka chhungah ka thaw lut ham ham ringawt.

Ka hmui chu duhthaw lutuk hian a fawp bawrh bawrh a, ka hmui mai ni lo ka ir te chu a fawp buan buan a, a kutin ka kap lam a thlen thlak rual chuan ka harh chhuak nghal.

"A chi loh Henry, duh tawk ang" thawk pangai lo zeta tiin a lu ah chuan ka nam ṭawng ṭawng a, ani erawh a tawp thei mai lo tih hriat zetin a la chet chhunzawm ngar ngar.

"Henry!" ti leh hluaiin a samah chuan ka kek vak a, kan inmelh chiang ta hle. Ka châk lo bik pawh a ni lo, kan awmna hmun leh hunin a zir loh êm avanga tawp tir mai ka ni.

"Duh tawk ang, pawnah Junior-a leh u Sawma an awm reng a nia, kan kal thui lutuk palh ang e" ka tih chuan a inlet tual a, chung lam melh reng chung chuan na zet hian thawk a la hawk a, a châkna a chhuak nasa ve hle tih chu a hai theih mawlh loh.

"Chuan Henry, ih, min hmangaih ve tak tak em? Nichin khan min hmangaih thu kha i sawi a, i sawi ngai bawk si lo nen ka ringhlel lo thei lo a ni. Ka rin dan chuan ka chunga i chet dan avang khan i inchhir lutuk a, i sawi mai mai a nih ka ring" ka ti leh chuan min rawn en vang vang a, ṭhu chhuakin ka bulah chuan a rawn tawlh phei zui nghal.

"Dawt ka sawi i la ring cheu maw!? Nang ka hmangaihna che hi a rei tawh, ka sawi rik ngai loh avangin i ringhlel mai mai a nih kha! I laka ka awm dan te, ka ṭawngkam leh ka biak dan che aṭangte khan i duh chuan chhut leh rawh, ka hriatna ka hloh hma daih khan ka hmangaih tawh che" a kut pahniha ka biang dawm chung chuan a rawn ti a, keipaw'n rang takin ka kuah nghal vat a, min lo kuah let ve nghal.

"A mak ka ti êm alawm, kei chuan lo hmangaih che pawh ni ila ka hrethiam, mahse nang chu hriatthiam i har ka ti Henry. I mitmeng leh i chezia aṭangte khan ka laka i rilru puthmang ka chhui ṭhin a, min duh ve em em tih chu hre tho mah ila min hmangaih ang pawhin i awm ve ngai lo"

"Hmangaih hi ka nunah ka nei khât khawp asin Hlute, ka thinlung leh tik tak zeta ka hmangaih thu ka hrilh hmasak ber chu ka fapa a ni a, a dawt chu nang hi i ni. Ka nu leh pate tak ngial pawh ka hmangaih thu ka hrilh ngai lo va, mahse ka hmangaih lo tihna erawh a ni lo"

"Aw le, ka awih tawh e, chuan min hmangaih ve avangin ka lawm e Henry" tiin nui ver ver chung chuan a hmui chu ka fawp zeuh a, ka awm sawn tur chu min pawt let rang kher mai.

"Pa, kan lo lut tawp, in rei tawh lutuk a, ka ke a kham vek tawh" kawngka hawn paha Junior-a'n'n a rawn tih chuan ka khi ṭhaw a, ka lai deuh bawk sia a nuam reuh tawp.

"Lo kal teh Junior, ka ngai hle che a ni" tiin Junior-a chu ka lama lo kal turin ka hui a, u Sawma hmel pawh ka hmuh zawm nghal zat a, an lo luh hmaa Henry-a nen kan lo inthlah fel hman diam avang chuan ka lawm rilru hle.

"In hlim tlang tawh bawk a, kei chu ka haw nghal mai ang, tihtur ka la ngah em mai" ka luggage hun ṭhat pahin u Sawma chuan a rawn ti a, keini pathum chuan khuma ṭhu chungin kan lo en ṭhap.

"Engatinge khati vaka min en hlawm a? In inang hlawm ropui si, chhungkaw din ho tur tak pawh in ni chiang e" ngawi renga kan lo en avang chuan a rawn ti leh nghal a, a khi zui suk bawk.

"Haw ringawt suh, thil eng emaw sawi teh ang u Sawm" ka ti ve ta thuai a, ka ngawih avanga ka bula mite pahnih an lo ngawi ve reng ringawt chu ka hrethiam lo hle.

"Eng thil nge sawi tur la awm chuang? Mi buaipui tur ka nei leh nghal" kal mai lo chuan a rawn ti ve leh mai a, chu tak chu a ni ka sawipui tum chu!

"Pa Hotel Kitchen Room-ah khan ka zu kal teh ang, kan lo haw lam pawh khan thil rimtui tawk ka hre tawh, ka ei châk lutuk, i phal em?" tiin Junior chuan apa chu a dil a, Henry-a pawh chuan

"Immm..... phal e, mahse hnathawkho kha tibuai suh ang che. Thil i ei dawn avangin pangai takin dil hmasa la, buaina siam lo vang che" a lo ti ve sup a, Junior chu khum aṭanga tho vatin a tlan chhuak zui nghal.

"Kut ka thlak che avang khan min hrethiam dawn nia" tiin Henry-a chuan u Sawma chu a biak zawm ta daih a, a thusawi ber kher chuan min va han ṭhawng chiang em.

"A pawi lo, a ho lutuk" u Sawma lah chuan a rawn ti awlsam et a, an pahnih inkarah chuan ka hriat ve si loh thil eng emaw tak thleng chu a awm chiang a ni.

"Henry, u Sawma hi kut i thlak maw!?" ka ti ta hâw reng a, Henry-a lah chu a lo la bu nghut zui. U Sawma lam chu ka hawi leh a, min lo nuih ver ver avang chuan mak ka ti zual.

"Engatinge Henry-a hian kut a thlak che u Sawm? Kut thlak tur khawpin chuan i awm ka ring si lo, min han hrilhfiah thuai thuai teh" ka tih chuan a rawn nui leh ringawt a, kei lah ka hre châk ropui tawh mai si.

"Pu Henry-a hian hmeichhe pakhatin ka fa a pai mek thu kha nang aiin a hre hmasa daih zawk alawm Hlute, a hriat tirh chuan a ngaihtuah lutuk che avangin kut min thlak hial a ni" a thusawi chuan a hma ai zawngin min ṭhawng lehzual.

"Engtin nge nangni pahnih hi in lo inhriat daih reng reng a? Inhmel hriatsa chu in ni hauh lo vang, ka ring lo bawk" ka mood chu a ṭha nge a chhia pawh ka hre tawh lo, a inpawlh nuai nuai a ni ber.

"I sawi ho tawh em mai Hlute, duh leh khatiang kha chu in pahniha in awm hunah i zawt zawk dawn nia, kal ka duh tawh. Min sawipui tur i neih tawh loh chuan ka kal dawn a nia" tia kal nghal mai a tum lai chuan

"La kal lo teh u Sawm, ka sawi tum ber pawh ka la sawi lo. A thu hrimin engatinge zanin hi i hmanhmawh em em a? Tun ang hunah office i kal ngai pawh a ni tawp si lo, thil thleng a awm zawk em ni?" ka lo ti vat a, ani pawh a ding ve leh mai bawk.

"Ka fa pai mektu hmeichhia tê hi maw le, a buaithlak reuh tak tak a ni. Thu a duh ve ngil ngel reuh bawk si, ka ṭawng sual lah chu a lo la la fuh em em zui, han thinrim khum vak dawn lahin ka fa a pai tlat bawk si"

"Eng thu nge i sawi sual a lo lak fuh em em chu ni a? Kei chu i fa pai mektu nen hian in inmil dawn riauva hriatna ka nei, nang lah chuan i dawm thiam nasa mai dawn bawk sia" nui ver ver chuan ka ti a, ka phur ruk em em chhan pawh chu ka hre chuang lo.

"Sawi lo zawk teh, ka sik pawh a duh lo, ka biak pawhin thinrim takin min chhang hmuk hmuk reuh zel. Ka fa a pai tih ka hriat tirh khan ka rilru buai lai a lo ni kher bawk nen titla mai turin ka hrilh a, pawisa pawh pek ka tiam nghe nghe. Ani erawh chuan a lo duh lo nasa mai, chu chu tun thleng hian ṭan chhanah a la hmang char char alawm"

"I va'n ti ho tak! Mite'n naute neih an duh em em laiin nang ve chuan tualthah tir i lo tum a, titla lova a pai tlang duh te chu lawm hlei hlei zawk ta che u Sawma, ani tan chuan thinrim lohna chi pawh a nih loh chu!"

"Ka tidik lo tih chu ka hria alawm, ka ṭawng sual tih pawh ka inhre bawk. Ka fa a pai miau avangin tunah chuan ka ngaihtuah a ngai tawh, mi hipna lah chu a la ngah reuh phian zui" tih pah chuan a rawn nui ri hak a, kei erawh ka lo nui ver ver.

"Kan inṭhen tawh tho bawk sia chu nu chu buaipui char char i ngai a nih chu! Chuan amah chu i duh hrim hrim em? Amah chuan a duh che em?" tiin zawhna dang chu phur takin ka zawh zawm leh nghal a, chutah ka beisei loh deuhin Henry-a zawk chuan

"Hlute, i zawhna kha a ṭul tawh miah lo" a rawn ti hmuk a, a hmel ka en lah chuan titau ang mai hian a lo tum deuh hmuk a, ka nui chhuak teuh ngei mai.

"A ho em mai a! Ka hre ve duh a ni mai alawm, ka hriat khan thil pawi pawh a thleng dawn tihna pawh a ni chuang hleinem. Han sawi teh u Sawm, i fa paitu chu i duh chiang ti raw?" tiin ka zawh zawm leh ta daih.

"A teuh lo mai, ka duh awzâwng lo. Ka hmeichhe duh chi a ni lo, a luhlul ngil ngel reuh bawk si, tunah pawh hian va thleng tawh ila chuan min melh rum leh mai mai khawp ang. Ka kal dawn, min zawh belh tawh suh" tiin kawngka lam chu a pan a, kei lah pek chuan

"Lo ding leh lawk u Sawm" tiin ka ko leh hram a, ani pawh nin hmel zet hian a ding ve leh mai bawk. Khum aṭanga thovin a lamah chuan ka tlan phei a, ka kuah ta thlawp.

"Henry-a nena min intawn tir leh avangin ka lawm e, pa ni tawh mai tur ni mah la ka u angin awm reng ang che" ka tih chuan min nam hla deuh hlek a, chutah rawn kun hniamin ka beng bul tê ah chuan

"Mawli le! Pu Henry-a min melh rumzia saw i hmu ve bawk si lo, hlim deuhin awm rawh u" a rawn ti daih a, ka dar a chelhna chu thlahin room aṭang chuan a chhuak zui nghal vat.

"Hlute, eng vangin nge ani kha i kuah kher? Lo kal teh, lo kal thuai teh" u Sawma a chhuak ta maw tihah Henry-a chuan a rawn ti ta ngei a, a aw aṭang chuan thikna ri ka hre thei.

"A ho em mai Henry, thil ho deuh deuhah thinrim tum ringawt suh. U Sawma te chu ka unaupa ang chiah alawm a nih, khang kum 2 chhung khan min pui nasa ṭhin asin" a bula kal phei pah chuan ka ti a, a ban phaka ka awm rualin a lamah min pawt nghal dâwr.

"I unaupa angin en mah la ka thik alawm, kei leh ka fapa leh i chhungte tih loh mipa dang tûmah si tawh lo vang che, kuah pawh kuah tawh reng reng suh, i ṭhiante pawh ni mahse" a rawn ti leh hmuk hmuk a, ka nuih chu za ru tak a ni.

"Awi thik thu i pe chhe vel êee, u Sawma kha chu thik buai duh suh ka ti vek tawh khâ, ka unaupa ang bakin ka en lo. Chu bakah ka zirna lamah pawh a ṭangkai em em a, a lakah khan bat ka ngah viau zawk asin" nui sen sen chuan ka ti a, ani erawh a ngawi ta daih.

"Naktuk chu i lu met rawh aw? I hmui hmul te hi met fai la, hmâna kan inngaihzawn lai ang chiah khan hmel fai leh pa tak nei leh tawh rawh, i bulah ka awm tawh hi!" a biang khawih paha ka tih chuan

"Malsawma ka lo thik em em kha ka thiam loh a ni e, ka tihtheih loh tam tak a tihsak ṭhin che tih ka lo hre lo a ni" a rawn ti daih a, a aw lah chu a zawi awi sawt em em leh nghal.

"Henry i dik leh tawh miah lo, engatinge i lungngaih reng mai le? I inchhir tih chu ka hria, keipawh hi nasa takin ka inchhir, mahse hun liam tawh avangin kan tun hun tibuai tawh lo zawk teh ang. Chuan i sawi tum nia ka hriat chu ka zirna lama ka hlawhtlinna hi a ni a, chu chu a dik em?" ka tih chuan ngawi rengin ka mitah a en a, a ṭawng dawn lo tih chu ka man thiam nghal.

"Enteh Henry, engkim hi nangmah vang vek zawk a ni. Mizoram ka chhuahsan aṭang kha chuan i mi duhsakna anga hlawhtlin ka tum bur a, in aṭang khan rilru na takin min haw luih tir lo ni ta la chuan tun dinhmun hi ka thleng ngai lo vang" ka kut pahniha a biang dawm pah chuan ka ti a, ani erawh chuan min en reng ringawt.

"I la awih chiah lo ti raw Henry? Engatinge rinhlelhna i la neih fô? Ni e, u Sawma chuan nasa takin min pui ngei alawm, mahse a tam zawk chu nangmah ka ngaihtuah ṭhin vang che a ni. Ka mipa hmangaih chu kalsan tawh mah ila a thusawi tal tihhlawhtlin ka la duh hram a, a chhan pawh ani ang em ema hmangaih dang ka neih theih ka inrin tawh loh vang a ni"

"Malsawma kha ka tluk lo tih ka hria, chuvanga mahni inhaw em em pawh ka ni. Heti chunga min la hmangaih theih avang hian ka lawm a, engtikah mah ka lak aṭang hian ka kal tir leh tawh lo vang che" a rawn ti thum chhal a, tunah chuan a nui hmel pawh ka hmu ve ta.

"Ka hmangaih che Henry, ka hmangaih kumkhua bawk ang che" tiin a hmuiah chuan ka fawp vang vang a, ani paw'n min lo chhang let ve nghal.

Rei pawh infawp lovin khumah chuan kan mu zâl a, a âwm delhin kan inhmuh ngai loh hun lai vela ka ngaih ṭhin thute chu ka sawi sep sep a, inbun ruah vek law law ka duh tawh a ni.

Kei ang bawkin ani pawh chuan ka tel lova an awm dan chanchin min hrilh ve a, mahse ani chuan ka zawh chin chiah chiah min chhang thung.

"Pa, ka mu ve duh" engtik laiin nge Junior chuan room chhung a rawn luh tih reng ka hre lo. Chet ka tum rualin Henry-a chuan min chelh thuai a, Junior-a pawh kan inkarah tak a rawn mu zui nghal.

"Junior, i rim chu le!" Henry-a chuan a ti sup a, a hmel te chu a ner sâwng a, kei erawh chuan Junior-a rim chu a tui ka lo ti daih thung a, ka ril a tiṭam nghal rawih rawih thei.

"Thil ka ei ṭeuh alawm pa, dinner pawh ka ei peih kher ka ring lo. E chuan Manager Ishaan-a khan Sap ṭawngin min be char char a, ka rin ai daihin a lo fel phian"

"I sawi tâkah chuan dinner ei pawh a hun ṭan tawh a nih hî, in hnuai lamah i chhuk thla teh ang u. Zanin chu kan chhungkua hian dinner kil ang u aw, a nuam phian ang" Henry-a chuan a rawn ti a, kan chhungkua a tih deuh kher avang chuan engtin emaw ni ka awm.

"Hlute" tia min kohna chuan min tiharh zawk a, Henry-a chuan min lo en ran a, Junior-a erawh ka hmu leh tawh lo, engtia rei nge ka ngaihtuahna ka lo kawm reng reng le, a va mawi lo ṭhin tak!

"Aw, nia, chhuk ila" tia thawh tharh ka tum chu min lo chelh leh ang lawi a, a awm dan vel chu ka hrethiam leh ta lo hle a ni. Ka dara chelh chungin khumah chuan a rawn ṭhu thla a, ka mitah tak a en ran bawk.

"Thil dik lo a awm ti raw Hlute? Sawi sual ka nei em ni?" a rawn ti ta chat a, ka hmel aṭanga thil dik lo a awm tih a hre nghal thei chu mak ka ti a ni. Tunah mai ni lo hmânah pawh khan min hre nghal chat chat ṭhin a, mak pawh ka ti thei hle a nih kha!

"Eng lo, kan chhungkua i tih khan engtin emaw ni ka awm zawk a, ka ngaihtuahna ka kawm zui ta a ni. Dik tak chuan Junior-a ber hi ka hlauthawng hnuhnawh leh tawh a, thil hrethiam rual a nih ve tawh avang hian min duh leh lo thut mai ang tih ka hlau" tiin ka rilrua awm dik tak chu ka sawi chhuak ta tawp.

"Hlauthawng duh suh Hlute, Junior-a hian nang lo hi chu nu atan tu hmeichhia mah a duh lo vang, a duh ngai ka ring lo bawk" chik taka min en chung chuan a rawn ti ve nghal a, ka lo nuih lui sak ringawt.

"Chhuk tawh ang? Ka ril a ṭam tawh teh mai a nia, thil ei thuai thuai ka châk tawh" ka tih chuan a rawn nui ve suk a, khum aṭanga min kai thovin room chu kan chhuahsan zui nghal bawk.

Dinner kan ei lai chuan ka phone-ah notification a lo thleng a, enge lo thleng tih hriat tuma ka en chu ka chaw ei ka tawp deuh nghal dawt.

Henry-a leh Junior-a chu ka va melh zeuh a, min ngaihsak miah lo hian an lo ei mial mial. Junior-a phei chu thil ei tawh mahse a tui ti ber berah a ṭang leh a, a pa chu thil ei pahin a be pah reng bawk.

Kei erawh ka thil ei a tui teh chiam tawh lo, a chhan pawh ka phone-a ka thil hmuh chu Henry-a hrilh ngei a ngai dawn a, engtin nge a lo dawnsawn ang tih ka hrethiam lo a ni.

Chapter 28

"Hlute" tia min rawn kohna avang chuan ka harh chhuak zawk a, ka phone chu rang takin ka bag chhungah ka khung nghal vat bawk. Nui lui sângin Henry-a chu ka en a, mahse ani chuan min lo en chik hle thung.

"I va hlauthawng ve, thil dik lo a awm em ni? Eitur pawh kha i ei miah lo a nia, thil thleng a awm em?" tiin zawhna min rawn zawh zawm leh nghal zat a, lu thing nâng nangin ka lo nui ve zaih.

"Awm lo e, ka message dawn ka lo chhiar tui deuh alawm maw le, chuan thil siam hi a tui bon hlawm tawp, tui tak a ni" tiin thik dang sawipui chu ka tum ta daih, hrilh a hun ka la ti rih lo.

"Dik chiah Miss, Hotel-a an thil siamte hi a tui thei lutuk, chuvang alawm nichin pawh khan Kitchen room-a ka kal tawpna chhan" Junior-a chuan a rawn ti ve nghal zet zet a, Henry-a erawh a hmel aṭang chuan a la pangai chiah lo tih ka hre thei.

"Ei leh tawh Henry, khatianga min en reng chuan ka lai chhe vek dawn a nia" nui ver ver chunga ka tih chuan a rawn khi ve suk a, Junior-a pawh a rawn nui ri ve hawk.

Dinner kan ei zawh chuan room lamah kan chho leh dial a, Junior-a chu min lo ngai tawh bawk a ni ang ka bulah a tal deuh chawt a, Henry-a phei chuan a ning lek lekin ka hria.

A mitmengah chuan a fapa chu a thik ru tih ka hmu a, ka nuih a va han za tak. Naupang tih takah Junior-a lah chuan a pa awm dan chu a hrethiam der si lo, chawl lovin thil chi hrang hrang min sawipui char char hi a ni ringawt.

A hma ang thovin engkim ka hria emaw a ti leh tawh a, zawhna leh sawi tur chu ngah tak a ni. Amaherawhchu kei chuan chutianga min be reng chu ka ning hran lo va, nuam ka tiin a hlimawm ka ti daih zawk.

Tin, ka laka Junior-a awm dan vel chu awm lo pawh ka ti lo, kum 3 lai inhmu tawh lo kan nih avangin sawi tur a ngah turah ka ngai hmiah.

A school kal dan chanchin te, school-a an insual thu leh an insual chhante chu min hrilh vek a, hlim tak angin sawi mahse a rilru chhungril chu a na ru reng tih ka hria. Henry-a chu ka en leh zeuh zeuh ṭhin a, ani chuan kei ni lovin a fapa ngawr ngawr chu a lo en vawng vawng thung.

Junior-a chuan a thil min tihpui châk zawng zawng chu a sawi vek a, kan inkawm tui bawk sia men pawh kan meng rei hle. Zan dar 1 dawn velah kan mu ve thei ta hram a, Junior-a chu a laiah muin kei leh Henry-a chu a sir tawn tawnah kan mu thung.

"Hlute, a muhil tawh emaw ni le" ka beng bul chêta rawn titu an awm avang chuan ka harh a, mahse ka la meng chhuak duh lo thung.

"Pawi lo mai, muhil tawh mah la i bulah hian ka mu tho ang" ti leh supin ka hnungah chuan a rawn mu thla a, tu dang ni lovin ka Henry-a ngei a ni.

"Ti hi chuan tui takin ka mu thei tawh ngei ang" amah leh amah a inbiak ve chhen avang chuan ka insum zo leh ta pek lo. Ka mut dan thlakin a âwmah chuan ka lu ka nghat a, mahse ka la meng chhuak lo hrim hrim.

"Hlute, i harh reng maw!? I va chimawm reuh tak" a aw aṭang chuan a hamhaih ve hmel hle, kei lah meng chhuak chuang lovin ka lo nui a, ka nui tih a hmu a ni ngei ang ka khabe chu a rawn chawi nghal.

"Han meng teh, ka fapa vangin i bulah pawh ka awm tam ve thei si lo, biak pawh min be ve duh si lo, a hrehawm ka ti teh a nia" a rawn ti leh chuan ka meng chhuak a, a âwmah chuan ka bet leh ta vat.

"Va mu phei leh rawh, Junior-a hi a lo harh chuan a chi miah lo vang" ti mah ila a kal sawn hlau takin amah chu ka kuah bet tlat thung a, ani paw'n min kuah nghet hle.

"A teuh lo mai, i taksa si lo hi chuan ka muthilh theih ka ring lo. Junior-a chu a lo harh a ni pawhin a harh a ni mai, a ho lutuk" a rawn ti mai a, a taksa si chunga han mut zet zawng a va han nuam chiang em.

"Naktuk chu i lu kha met rawh aw? I inhmeh lo, i hmui hmul vel pawh kha i inhmeh ka ti ve lo, ka Henry-a hmel ngei kha pu leh rawh" ka tih chuan

"Aih!" a rawn ti hmuk a, a âwm aṭanga awm sawnin a hmel chu ka en rang teh e! Ka melh rum vak a, ani erawh a rawn khi suk thung.

"Met ang che, i met lo a nih chuan i bulah pawh ka awm tawh lo vang, ka kalsan leh vang vang ang che" tiin Junior-a lam hawi chuan ka inher hmak a, a bula han tihtauh vel chu a nuam ka ti tlat.

"Keimah chauha min chhuahtir i tum bik a, i phakar em mai, i tel lo chuan ka met duh teuh lo" min kuah chung chuan a rawn ti bui bûi a, a ban dah sawn ka tum chuan a la phal der lo zui.

"Naupang chhia tak hian awm ziah suh, i upa tawh ropui si. Naktukah chuan met ngei ngei ang che, kei chu tihtur ka neih avangin hmun dangah ka kal dawn, Junior-a pawh ka hruai ka ring"

"Khatiang zawng khan fiamthu thawh miah suh aw, ka ngaina miah a lo a nia" tiin a lam hawi tur chuan min kuai her lâwp a, a hmel ka hmuh chuan a lo hlauhthawn hmel tak tak.

"Ka fiamthu miah lo a nia, tihtur chu ka nei tak tak alawm, Junior-a pawh hruai ka tum" tia ka ṭawng laklawh lai chuan rang zet hian

"Khawiah nge i kal dawn? Enge i tih dawn? Ka tel lova chhuah in tum maw!? A teuh lo mai, ka phal dawn teuh lo" a rawn ti ram hmak a, ka nui chhuak tawp.

"Nui suh, ka serious teh mai a nia aw Hlute, ka chan leh ang che tih mawlh hi ka hlau tawh a ni. Ka huaisenna zawng zawng sawm khawmin ka taa siam leh che ka tum a, min haw hle dawn mah la ka lak aṭang hian i awm sawn leh tawh ngai lo vang"

"I va han ngaihtuah mak thei tak! Ka kalsan dawn che ka ti reng reng lo, tihtur pawimawh deuh ka neih avangin ka chhuah a ngaih thu ka sawi mai alawm, chuan i lu met turin ka ti bawk che"

"Ni lo, min kalsan leh dawn ang tlata hriatna ka nei a ni. Ka awm dan hi ka hre lo, ka hlauthawng hma em em tawh a, ka thik thu a chhe hle bawk. Chuvang chuan min kalsan tum tawh suh Hlute, ka phal dawn bawk lo"

"Awi i ninawm a! Ka kalsan phal che i ring reng reng em ni? Kum 3 hnuah kan inhmu ve chiah a, ka kalsan tawh dawn lo che Mawla" ka ti ta hluai ringawt.

"A nih chuan lu min meh pui ang a, i kal tumnaah chuan ka kal ve bawk ang, ka fapa ringawt hruai tum lo vang che. A thu hrimah Junior-a pawh hi ka thik hle a nia, i be ṭha bik thei si" a rawn ti a nih chu! A thusawi avang chuan ring vak lo hian ka nui leh ta tawp.

"Ni leh kan pathum chuan kan chhuak ho dawn nia, chuan i biang hmul vel pawh hi met vek rawh aw, i inhmeh ka ti lo. Eeee chuan nangmah tilang naupang deuh hlek thei tur thawmhnaw pawh kan en dawn nia, ka lei ang che" ka thusawi tawp ber avang chuan min han melh rum mai mai khawp a!

"Khatiang khan min melh rul rul zel suh, min hmangaih tih hre lo ila chuan ka hlau thei ngawt ang che. I hria em hmelṭha em em pa, han nui teh" tiin ka kut pahnih chuan a hmui chu ka pawt vel a, nuih luih tir ka tum fê hnuah a rawn nui ve ta nge nge.

"I la ngai reng e, hmâna Hlutei chiah chiah kha i la ni. Danglam suh, danglam tawh miah suh" nghet zeta min kuah pah chuan a rawn ti ve hawk a, ka va han hlim mai mai tak!

Ṭawng tawh lova a ngawih reng avang chuan engmah ka sawi chhunzawm tawh bik lo va, khum sira tawt em ema kan mu dun chu a nuam letling phian, a taksa ngheng chunga ka mut avang chuan ka muttui dawn tih pawh ka hre nghal vek.

Che riai riaiin a lam chu ka hawi chho de de a, eng ang pawhin hmul te chu awm mahse a hmelṭhatna a la bo chuang lo. Ni lo, hmelṭha mai ni lovin a pa em em bawk.

Mipa dang ang lo takin mi hipna a ngah a, ani chu ka tan chuan khawvela ka mipa hmangaih awm chhun a ni a, a ni reng bawk ang.

Ka mit ka men leh chuan khua a lo var vek tawh a, kan mut dan pawh a lo danglam vek tawh. Khum laiah tak kan lo mu tawh a, Junior-a hmel reng hmuh tur a awm tawh lo.

Ka hnunga taksa lum nuam em em chuan min ur mut chhuak leh thuai a, ka lo muhil leh tak tak a ni ngei ang ka mit ka men leh chuan ka ruak huai tawh. Ka hnunga thil lum min ur cher chertu pawh a awm tawh lo va, kum 3 hnua ka muttui ber a nih hial ka ring.

Zi mar ât atin ka ṭhu chhuak a, khum aṭanga chhuk ta lo chuan thil dang ka ngaihtuah chhunzawm ta daih. Chutia ngawi renga thil ka ngaihtuah lai chuan bathroom aṭang Henry-a chu a lo chhuak a, a inbual tih hriat takin Towel chiah chu a veng a, en pawh en rei lovin ka hawi sawn daih.

Rei tak en lo mah ila a taksaa danglamna awm chu ka hmu hman vek a, kum thum chhung khan a taksa a sawizawi ṭha lo tih a hriat hle bawk.

"Hei, va inha rawh, Junior-a a rawn lut thut ang e, a lo luh vaih chuan min ngai dik lo palh ang" min kuah thut avang chuan ka ti a, a ban vuanin nam sawn ka tum ngar ngar a, mahse a sawt lo hle.

"Hetianga awm hi ka duh alawm" a rawn ti leh tlat tawh, mi lah chu a kuah nghet phian bawk si, ruak deuh thawin a awm bawk sia ka awm dan a dik lo ṭan nghal.

"Awm sawn thuai teh Henry, engtin emaw ka awm a nia, i thawmhnaw va ha vat rawh, chhuna chhuah kan ngaih dawn kha!" ka danglam thu chu ka zep buai peih lo, a bulah hi chuan thil ka zep hlei thei thlawt lo.

"Kei pawh hi engtin emaw ni ka awm ve tho alawm" ti supin ka nghawng leh ka dar vel chu a rawn fawp a, a thil tih chuan nasa takin min tidanglam a, ka mur chhuak vekin ka hria.

"Henry!!!" tiin ka tal vak a, ka chet a ring lo a ni ngei ang ka tal chhuak thei hlauh. A mitmeng aṭang chuan a rilrua awm tur awm ang ka hre nghal a, kei pawh ka pangai bik lo tih a hriat ve tho ka ring.

"Exercise la ṭha leh tawh rawh, kum 3 chhung khan i la ṭha miah lo tih ka hre thei. I kum a upat avangin i taksa sawizawi thlahthlam chuang suh, hmâna i taksa mawi tak ang kha nei leh rawh, tunah chuan i dul pawh a kiar ṭan lek lek tawh a" tiin lak lawk deuh chuan ka ṭawng tawp chat a, a ṭhutna aṭanga a din thut avang chuan ṭawng pawh ka ṭawng chhunzawm thei tawh lo.

"Mawla, Pathlawi, engatinge i din thut!?" tiin ka hnung chhawn thuai a, ka mitthlaah Towel chhana a kap pawng ul ka hmuh zawh chiah chu a rawn awm nghal a, chu chuan nasa taka a danglam ve zia a ti chiang.

"Zak ṭhin suh, i ta vek ka nih hî" tiin ka hnung lam aṭang chuan min rawn kuah leh ta nghal a, a mipatna khawng ṭha zet chuan ka kawng bawr chu a rawn do run a, khawihin hmu kher lo mah ila a hrawl dawn tih ka chiang.

"Min kuah rih lo teh Henry, min do run bawk si, a nuam ka ti miah lo a nia" ka ti ta tawp a, men pawh ka meng duh tawh lo, ka tum ni miah lovin ka tisa châkna chu a la rawn chhuak riai riai zui.

"Ka insum rei thei dawn lo a nia, nang hi nupuiah ka nei thuai dawn che a ni" ti thum chhalin ka chhipa a fawh vang vang hnu chuan a kal sawn a, ka thaw huai zui nghal bawk.

A lam pawh hawi buai tawh lovin bathroom-ah chuan ka tlan lut daih a, ka awm dan chuan a tihlim a ni ngei ang a nui ri hawk chu ka hre hman tho. Darthlalangah chuan ka inen vang vang a, ka hmai chu a lo sen vek, ka sa pup pup khan ka hre reng a ni!

Ka ha chu nawh ka tum a, mahse ka ha nawhna ka keng lut lo tih ka hre zui nghal. Thawm dim takin bathroom chu ka hawng a, room chhung chu ka bih dê de a, Henry-a lo inha fel diam tawh ka hmuh chuan lawm tak ka ni.

Pangai takin ka kal phei a, ka bag chhunga ka thil vel chu ka phawrh a, ka ha nawhna la chhuaka kal leh nghal mai ka tum chu min lo pawt ding leh tlat.

"Min thlah teh Henry, ha nawh ka duh a nia" ka tih lai chuan min rawn fawp vawng vawng a, rei ni lo mahse a lei chu a va han tiche thiam leh pek em.

"Ha i nawt lo chung pawh hian i thaw a rimtui bik reng mai" tiin ka chal leh ka biang vel chu a rawn fawp leh zeuh zeuh a, a thusawi chuan mi tilai tak a ni.

"Ka awih kher lo, ha nawt lo thaw rimtui ka hre ngai lo" tia bathroom lam pan ka tum chu min pawt let dâwr a, kan inmelh chiang leh ta hle.

"Nangmah, ha nawt lova thaw rimtui chu nangmah hi i ni" tiin ka hmuiah chuan a rawn fawp leh zeuh a, ka lai lutuk chu a dulah ka sik vak ringawt.

"I ninawm, i sawi ho si, ha ka nawh loh chuan ka thaw a rimtui bik lo" tiin ka tal chhuak thut a, bathroom chhunga ka luh chuan ka ṭhen ṭhaw.

Ka ha ka nawh lai te chuan ka khi reng a, ka nileng mood chu a fuh dawn tih ka hre chiang. Bathroom aṭanga ka chhuah te chuan ka lai ṭut reuh a, ani lah chuan min lo la en chik em em zui.

Ka chet dan chu ngawi reng hian min lo thlir a, ka tihngaihna hre lo chuan ka melh vak ringawt. Chutah zet zawng ani pawh a rawn nui ve ta suk a, ka kut chelhin in hnuai lamah chuan min chhuk thlakpui nghal daih.

Chhun lamah chuan ka sawi lawk ang ngeiin kan bazar a, Junior-a kawr tur vel pawh ka lei nual nghe nghe. Henry-a erawh kawr pahnih khat chauh ka leisak a duh a, pathum emaw pali emaw tal leisak ka tum pawh chuan tih ngaihna a awm thlawt lo.

A hmel tilang ṭha zual thei tura ka ngaih Kamis rawng dum leh a sen ṭial chu ka leisak a, a dum aiin a sen ṭial chu a inhmeh ka ti daih zawk.

Dawr chhunga a inha vel te chu mit tla lek lo hian ka lo thlir a, amah a palian bawk sia a va han inhmeh chiang kuang tak em, hmelṭha thlawta a nih ringawt alawm le.

Junior-a pawh a bang bik chuang lo, a pa a chhun miau avangin a hmelṭha a, a tlangval hunah phei chuan a la luck dawn tih ka hre nghal. Kan bazar zawh chuan Barbershop lamah ka kalpui nghal a, thawmhnaw kan lei hmaa ka inmeh fai tir duh loh chhan pawh hmeichhe dangin an en duh lutuk ang tih ka hlau a ni.

Inmet fai sa thlapin bazar na ila chuan dawr nghaktute khan an va han en duh dawn tak, a buk chhûr avang khan an en rei peih lo mai mai zawk tih ka hre vek, en rei dawn pawh ni se ka phal teuh lo.

Luh an meh lai chuan intithu takin a meh dan tur zawng zawng chu ka lo sawi zet zet a, chu Barber lah chuan Sap ṭawng a lo la thiam vak lo zui. Ka thusawi ṭhenkhat chu hriatthiam loh a ngah a, a tawpah phei chuan Henry-a kaltlangin kan inhrilh ta ringawt.

A meh dan tur chu Mizo ṭawngin ka sawi mial mial a, chu chu Henry-a chuan Hindi ṭawngin a lo let nghal zel a, Baber pawh chuan a hrethiam a ni chêk ang a met dik nghal khawp.

Uluk tura ka lo ti chhen avangin nui chung hian Henry-a chuan Barber chu a hrilh chhawng ve zel a, Junior-a pawh a lo nui chhuak hial. A awm reng, ka uluk em asin, Henry-a chu kum 3 kal taa ka mipa hmangaih hmel ang chiah chiaha awm tir leh ka duh a ni.

A lu an meh zawh chuan ka duhthusam loh lai vel chu ka sawi leh hram a, Instagram-a a thlalak te chu Barber ka hmuh leh tê te a, Henry-a chu ka ṭan lutuk avang chuan a lo nui ri hawk hawk bawk. Ka duhthusam ang thlapa an han met zo chiah chu lungawi vet vet tak ka ni!

A biang hmul vel te chu ka ziah fai tir nghal vek a, tunah chuan ka Henry-a hmel ngei a rawn pu leh ta. Kan bazar avangin ka tihtur neih ve pawh chu ka ṭhulh leh ta vek a, Henry-a te pafa bula hun hman chu a nuam ve bawk em a tin ni!

Junior-a chuan ka kawr leisak chu a ha nghal hmak a, a lawm thiam leh khawp mai. Henry-a ve thung chu a ngawi ngul a, lawm hmel pawh a pu lo va, lawmthu tal pawh min hrilh eih lo.

Hotel-a hnathawk te chuan Henry-a hmel an hmu chiah chu an ka hau hlawm a, a lang danglam ta lutuk chu mak an ti a ni ber. Reception lama duty hmeichhe ṭhenkhat phei chuan mit tla lek lo hian an thlir dauh dauh a, ka thinrim dan chu pui tak a ni.

An hmuh tur ngeiin Henry-a kutah chuan ka chelh a, ka bula mi ren run lah chuan hriatthiam loh hmel zet hian min lo la en chhuk zui.

Room chhunga kan luh hnu pawh chuan ka be duh ṭhak lo va, Junior-a hlir chu ka buaipui daih. Ka phone phawrhin ka chhungte ka bia a, ni dang ang bawkin haw turin min lo ti leh nghal tawh.

London aṭanga ka haw dawn khan ka chhungte chu India rama ka haw leh tawh tur thu ka hrilh ve vek a, rei pawh awm lo va Mizorama thlawk chho nghal turin min ti bawk a nih kha!

A hun lai kha chuan kei pawh khan haw chhoh nghal thuai ka tum a, mahse Henry-a te pafa hmel ka hmuh hnu kha chuan haw chhoh nghal tumna ka nei tawh lo. Ka chhungte lam reng ka ngaihtuah tawh lo va, a chhan chu ka rilruah Henry-a leh Junior-a te chauh an awm tlat vang a ni.

Room veranda-a dingin Delhi khawpui chu ka thlir a, thli a thawt heuh heuh avang chuan tlemin vawt ka ti deuh. Engtin emaw ni tak ka lung chu a rawn leng a, mahse eng thil nge ka ngaih pawh ka hre chuang lo.

Chutia khawipui eng tle sep sep ka thlir lai chuan ka hnung lam aṭangin thil lum nuam deuh hian min lo si a, Henry-a a ni tih ka hre nghal. A taksaah chuan min kuah khawm vek a, ka thla a muang hliah hliah.

"I muhil daih tawh emaw ka tia" ka beng bulah chuan a rawn ti sup a, chhang lem lo chuan a kut chu ka hum vang vang a, la kangin ka fawp zeuh bawk.

"Thil dik lo a awm em Hlute?" a rawn ti leh a, a taksa a lum nuam bawk sia vawt pawh ka ti tawh lo, ka awm dan chuan a nuam em em hi a ni tawp.

"Awm lo ve, mahse thil sawipui duh che chu ka nei" tiin a lam hawi zawng chuan ka inher a, a hmel aṭang chuan ka thil sawipui tum chu rin ngaihna a hre lo tih a hriat hle.

"Enge thil lam nge min sawipui duh chu ni a?" a rawn ti ta ngei a, a aw dam leh thum chhal ngaihthlak nuam lutuk avang chuan en chho hâ pahin ka nuih sen sen ringawt.

"Kan Department in Doctorate Degree ti turte zinga an thlanah selected list ka lo ni ve a, mahse ka ti dawn em tih chu ka la hre bik chiah lo. Nangmah vang hian zirna lamah ka tluang tak zet tih hre rawh Henry, tunah pawh hian ka tlin ka inring miah lo. Enge i ngaih dan? Doctorate Degree lam chu ti dawn ta ila ṭha i ti ang em?" ka ti sep sep a, a hmel aṭang chuan a phal dawn lo tih ka hre nghal.

"Hrilh che ka tum hrim hrim a, nizan khan kei paw'n selected list ka ni tih ka inhre ve chiah. Ngawi reng ṭhin lo la, i ngaih dan chu min hrilh vat mai rawh, ṭha deuhin ka biak che hi aw" a ngawi leh reng tâk avang chuan ka ti leh ta nge nge.

"Doctor Degree lam i tih leh phei chuan ka upa tawh awm" a rawn ti daih a, ka insum zawh loh avangin ka nui dir nghal cher cher. A hmel chu ka en chho leh ṭhin, a nui duh miah bawk si lova ka nuih a za tulh tulh.

"Nui ṭhin lo la, ka fiamthu miah lo" a rawn ti leh a, kei erawh ka la nui char char tho. A thusawi leh kan thusawi a inmilh loh mai bakah a thusawi nen chuan a inhmeh thlawt lo, chuvanga nuihza em em chu ka ni.

"Aw le aw le Boss, ka nui tawh lo vang" tiin a mitah chuan ka en a, mahse ka nuih chu la za tak a ni. Ka nuih a la za ru reng tih hriatthiam hmel tak hian min en a, a la ner sâwng zui.

"Chuan eng maw i ngaih dan chu!? Doctorate Degree lam chu ka chhunzawm i phal em? I phal leh phal lovah ka tih leh ka tih loh a innghat ang" ka ti leh nghal a, nuihza tak ka ni tawh lo bawk.

"Tih chhunzawm lo tur chuan ka duh ngei mai che, mahse i tih leh tih loh chu ka thu a ni lovin ka hria. Kum 3 kal taah khan keimah avangin zirna i chhunzawm tawh lo va, mahse tunah chuan i thutlukna ka pawm vek tawh ang"

"Hun liam tawh sawi chhuak ziah lo la Henry, hun liam tawh avanga nat leh ka duh tawh lo. Ka chhunzawm chu i phal nge phal lo? Sawi tawp mai rawh, chuan i phal loh chhan sawi ka phut tel bawk"

"Doctorate Degree lam chu chhunzawm tawh lo mai rawh, a chhan chu ka hlata i awm ka phal tawh lo. Nupuiah ka nei che ang a, ka ta chiah i ni ang a, i ni reng bawk ang" a rawn tih sup chuan

"Aw le Boss, i thu vek alawm, kei pawh hian i bula awm aia thlakhlelh ka nei bik hleinem" ka lo ti ve thuai a, nghet takin ka kuah zui nghal. Ani pawh chuan min lo kuah let ve a, ka chhip chu a rawn fawp vang vang bawk.

"Min hrethiam dawn nia Hlute, mahse a hma ang mai mai kha chu ka ni tawh lo vang, ka thusawiah hian ka ding nghet tawh viau ang tih hria la ka duh" ka hnung chul hauh hauh chung chuan a rawn ti leh a, ka laka a la inthiam lo reng chu hrehawm ka ti.

"I duh vang a ni bik hleinem Henry, Accident i tawh vanga kan inkar kha buai mai mai alawm a nih! Tunah chuan kan intawng leh tawh a, kan awm dun leh tawh a, inṭhen tawh loh tum phawt mai ang" ka tih chuan thawk a rawn la hawk a, rei pawh awmpui duh tawh lovin in chhung lamah ka luhpui zui nghal daih.

Mutnaah chuan a ngaite bawkin ka bulah a mu leh a, chep hle mah ila nuam chu kan ti dun hle thung. Junior-a erawh tui takin a muhil a, a tlai ve tawh em mai muhil tui awm reng pawh a ni!

Henry-a chuan ka kawr chhungah a rawn zet lut a, ka dulah chuan a kut chu a nghat a, a lamah min pawt tawl zui nghal bawk.

Sai sir zawng chuan kan mu ve ve a, ka dula a kut lum tak awm chuan ka mut a tichhuak zual. A kut hrawl zet chu kawr chhanah ka hum hnan a, ṭawng tawh lovin ka muhil ta riai riai.

Zing a lo nih chuan thu lawmawm zet mai kan hria a, Junior-a chu entrance ah a tling hi a lo ni a, ka lawmpui khawp mai. Delhi lama school kal chu a duh leh duh loh ka zawt a, mahse ani chuan ka awmna hmun apianga school kal a tum thu a rawn sawi daih.

Kei chuan a pa nena kan inneih dawn thu leh Mizoram lama kan haw ka rin thu ka sawi leh a, chu thu zet chuan a va tihlim lehzual chiang em. A lawm lutuk chu min kuah vak vak a, a lian ve tawh reuh bawk sia min kuah na ṭep nghe nghe.

Chapter 29

Wednesday a ni a, kan University lam panin kan tlan mek bawk. Mak tak maiin ka sawi ngai miah lovin Henry-a chuan kan University kawng a lo hre vek a, phone kaltlang pawhin Map pakhat mah a en eih lo, chu chuan min lo zawng hmu ngei a ni tih a ti chiang. Motor seat hnungah Junior-a nen kan ṭhu a, kan titi malh malh a, Henry-a erawh kan driver ang mai a ni.

Kan University Campus luh dawnah chuan security te'n min lo tiding a, ka Identity Card chu phawrhin ka hmuh a, rei pawh en lovin min tlan tlang tir nghal ve leh mai.

Kan Department Head of Department (HOD) nen chuan kan inbia a, thil tam tak min sawipui a, Ph.d ka chhunzawm lo tur min uipui thu ringawt chu a sawi bawk.

A ni ve chiah rêng a, interview leh ka proprosal aṭang pawh khan min duh ve deuh chuan ka hre sa tawh hrim hrim. London-a ka awm lai khan ka ti daih tawh zawk a, mahse ka tling dawn nge tling dawn lo tih lam ka ngaihtuah zui lem lo a nih kha!

Research lamah ringawt ka bur a, mahse ka rilruah Henry-a a awm lo ngai lo thung. U Sawma chu ka bialpa a ni ve na meuh mai, mahse biak pawh ka be hmasa ngai lo, amah zawk hlirin min lo be hmasa ṭhin.

Hmeichhe pakhatin a fa a pai thu leh kan inṭhen a ngaih thu min hrilh hnu kha chuan ka thawl huaiin ka hria, zep lovah chuan duh miah loh leh hmangaih miah loh bialpa han neih reng kha a hrehawm ve em a ni.

Henry-a hmu leh lo ni ngat ila chuan bialpa emaw pasal emaw neih ka tum tawh lo law law kha a nia, mahse Pathian remruatna ka ti dawn nge ni mak takin kan inhmu leh hlawl a, chutah ka bialpa hlui ni ta u Sawma chu Henry-a nen kan inhmuh theihna kawngah a la ṭangkai em em zui.

University Campus aṭanga kan tlan chhuah hnu chuan hmun hrang hrangah kan leng kual a, Henry-a chuan kalna hmun tur hre tak a ni. A naupan laia a lo tal tamna hmunah leh a kal ṭhinna hmunah te chuan min kalpui zel a, kan kalna hmun backround story a sawi tel zel bawk nen nuam kan ti tlang hle. Kei ang bawkin a fapa Junior-a chuan a pa thusawi chu ngaih thlak nuam a tih ve a, Henry-a ber chu a ṭawng hnem ve phian.

Restaurant changkang tak takah te chawlin thil kan ei a, kan chawlhna ah pawh chuan hmelhriat a lo nei leh hram. Restaurant-a hnathawk pakhat chu a naupan laia a ṭhian kawm ṭhin hi a lo ni a, Henry-a chuan a nupui angin min inhmel hriattir nghal hmiah.

A nupui anga min sawi ta mai chu mak ka ti a, nuam ka tih rualin ka lai ru em em tho. Junior-a muthilh hlanin nupuia min neih thuai a tum thu a sawi tawh a, kei paw'n amah lo chu pasal atana neih tumna ka nei bik lo.

Ka mitah chuan pathlawi ni eng ang mahse a famkim a, ka tana mipa ṭha leh rin tlak a ni dawn tih thlengin ka hre tawh. Kan thil tihsual chuan kan pahnih inkarah inrin ngam tawnna a siam a, ka hmangaih ang bawkin min hmangaih ve tih chu ka ringhlel duh tawh lo a ni.

Junior-a phei chuan inneih thuai thuai turin min ti reng a, chhan dan tur ka hre mai ngai lo bawk nen ka nui leh tawp zel. Vawi khat chu Henry-a chu ka chhungte hmel a hmuh hreh leh hreh loh ka zawt tawl a, ani chuan aw dam tak hian

"Ka hmu hreh na meuh mai, mahse nang ka ta i nih kumkhua theihna tur a nih dawn phawt chuan hreh neih ka duh lo. A ṭul chuan ṭhingṭhiin ngaihdam pawh ka dil mai ang, a chhan chu ka thinlung neitu i ni si a" a rawn ti a, a thusawi chuan min hnehin amah ka hmangaih zual phah sawt nghe nghe.

Min chhan dan avang chuan ka hlim a, ka hlim lutuk chu kuah chungin ka fawp vang vang a, kan infawp rei zui hle bawk. Inhmangaih tawn taka kan infawh tawh hi chuan kan kal thui hman lek lek zel a, ka danglam nasat lutuk ṭhin avangin ka kawr a phelh lai pawh ka hre ngai mang lo.

Amaherawhchu sex hman ka duh lo tih a hriat kar avangin pawi thui tak min thlenpui ngai lo va, a insum nasa thei lutuk chu ka khawngaih zawk ṭhin. Dik tak chuan dan khatna ngeia inneih kan duh ve ve a, chu chu tihhlawhtlin ngei pawh kan tum.

Delhi-a kar khat lai hun ka hman hnu chuan Mizoram lama haw ka rawt ta nge nge a, an pafa bula awm chu nuam em em mahse haw loh ringawt zawng a dik lo a ni. Haw ka rawt tirh chuan Junior-a bawk a phur leh a, Henry-a erawh chuan phur hmel emaw pawh min hmuh leh chuang lo.

Chutah Junior-a chu St. Paul's School-a class 9 zir turin entrance-ah a tling tih kan hre leh zel a, kan va han hlim tlang hlawm tak.

Ka chhungte pawh ka haw dawn thu ka hrilh lawk diam tawh a, mahse tute nge ka haw rualpui dawn tih lam engmah ka la hrilh duh lo thung. Henry-a te pafa leh kei min hmuh hunah chuan mak an ti dawn tih ka chiang, chuvanga surprise pawh tum bur ka ni!

Mizorama kan haw hma ni chuan bazar ka rawt leh tlat a, anni pahnih paw'n ka thu chu an awih ve mai bawk. Ka rin lawk ang ngeiin dawr nghaktute chuan Henry-a chu an reng zel a, ka lo thinrim rilru thei khawp.

Mask a vuah chung pawhin chhe lo an ti thei a nia, a hmel zawng zawng han hmu phei se chuan hmelṭha an va han ti dawn tak!

Keipawh khan kan inhmuh hmasak berin mask a vuah chung paw'n hmelṭha ka ti ru nghal em em a, Vai a nih ka rin avangin keimah leh keimah ka inhau nasa hle a nih kha!

Ni e, Henry-a hi chu a hmelṭhain a pa chiang alawm, tu hmeichhe mitah pawh a ṭhat lawr lak bik ka ring. Mi ṭhenkhat chuan duh zawng a inang lo tiin an sawi ṭhin a, mahse Henry-a hmel leh nungchang hmua hre tawh hmeichhiate hi chu kan duh a inang vekin ka hria, chuta karah ka la vanneih ber zui.

Mizoram lam pan thlawhnaa kan chuan lai te chuan amah ang lo takin mi a rawn fiam ve chhen reuh a, Junior-a nen kan ṭhu dun chu a thik leh tawh ni berin ka hria.

A chang chuan a kum lam upa viau tawh mahse a che naupang chhia leh thut zel a, chu erawh min hmangaih ve zia a tihlanna ah ka ngai hmiah.

Mihring ve tho a ni a, puitling ṭhan kin ni eng ang mahse naupang chhia taka awm châng te chu a neih ve a thiang alawm, tu paw'n naupang chhia taka awm châng kan nei vek!

Junior-a chuan min be char char a, a changin kan nui dun hek hek a, sawi tur a ngah vel reuh lutuk chuan min tihlim lehzual. Henry-a erawh ka va en zeuh zeuh chang chuan min lo melh run zel a, a bula pitar ṭhu ve lah chuan a be chhen bawk si, a nin hmel thei tawp.

A biakna pawh ngaisak lova mi rawn ban leh zuk zuk a ching ṭhin a, ka lo nuih tawp zel. A tawpah phei chuan a maimitchhing daih a, mahse a kut chu hum ruh ngar ngar tak a ni.

A bula ṭhu pitar reng reng pawh chu biak tawh loh ve mai awm ka lo tia, a awm dan aṭang pawhin biak reng a ning tih a hrethiam ve vek tho chu ka ring.

Darkar khat vel kan ṭhut hnu chuan Junior-a chu ka dar nghengin a muhil a, a ring a nat ka hloh avangin ṭhutthleng chu ka nghen tir ta daih.

Henry-a lam chu ka va hawi phei ve leh a, a muhil zui daih a ni ngei ang a kut pawh a hum ruh ṭung tawh lo, chutiang bawkin a bula pitar pawh a lo ṭawng tawh bik lo e!

Darkar khat leh a chanve kan chuan leh hnu chuan Mizoram hmel chu kan hmu thei ta, Junior-a pawh a harh tawh a, Henry-a erawh a la maimitchhing reng thung.

Kei ve thung chu ka meng tluan ṭhak a, Delhi leh Mizoram inkar hi chu darkar 2 leh a chanve vel lek a nih avang hian ka muhil ngai lo tluk a ni. India aṭanga London ka kal te kha chuan ka'n mu hnem mai mai khawp a, thlawhna a ṭum rualin ka harh chauh.

Thlawhna aṭanga kan chhuk te chuan boruak chu ka hip vang vang a, a thiang nuam tak zet. Aizawl lam chu khua a lo dur deuh khup a, ruah a sur ngei pawh ka ring.

Ka rin ang ngeiin Lengpui Airport lam pawh khua a rawn hniam nghal thuai a, Henry-a nen kan intawn hmasak ber tlaia ka dinnaah chuan ka ding vang vang bawk. Ka hun kal tawh te chu ka ngaihtuah let a, chiang tak hian ka mitthlaah an la rawn lang zui.

Ruah sur laia motor aṭanga min lo koh lai te chu ka mitthla a, a driver ṭawng thei zet hmel ka hmuh chuan ka nui nghal ver ver, hun liam tawh chu a ngaihawm thlawt a ni.

Thil lum nuam takin ka kut a rawn sik avang chuan ka ngaihtuahna aṭangin ka harh chhuak a, Henry-a chuan ka kut chu a lo hum vâng tawh. Ka ding lam sirah Junior-a chu a lo ding a, ka vei lamah Henry-a a ding thung.

Henry-a lam chu ka hawi chho a, ding takin hma lam chu a lo en reng a, kum 4 liam taa kan intawn dan chu a ngaihtuah ve a nih ka ring.

"Le! Haw tawh ang aw, ruah hian min dang palh reu reu ang e" rei tak kan din hnu chuan ka ti a, ka ding lama ka kut chelhtu chuan min lo en nghal mahse ka vei lama mi erawh a la che eih lo.

"Henry" tiin a kut chu ka thing a, min lo en chuan hun kal tawh a ngaihtuah let a ni tih chiang takin ka hre nghal.

"Haw ang, ruah sur hma hian haw vat ang u" ka tih leh chuan a rawn bu nghut a, thup tum eng ang mahse a hmelah chuan lungngaihna nasa tak ka la hmu thei tho.

Aizawl khawpui lam pana kan tlan lai chuan ka chhungte hnen aṭangin phone call ka dawng a, ka ṭhiante ina chaw ei tur angin ka insawi nghal zaih. Ka bula ṭhu te pahnih chuan mak tih hmel deuh hian min lo en nghal a, ka lo nuih lui sak ringawt.

Ka chhungte chuan in thleng hmasa lova chaw ka ei chhuak tur chu ṭul an ti lo hle a, mahse chaw ei kham vela ka haw nghal tur thu ka hrilh chuan an phal ve leh mai bawk.

Kan inbiak zawh veleh an ina chaw ka ei dawn thu Henry-a chu ka hrilh nghal a, Henry-a ni lovin Junior-a ber chu a rawn phur leh ta. Kei pawh chu ka phur a, an pafa bula chaw ei chu ka châk tawh lutuk, a nuam dawn tih pawh ka hre nghal.

Henry-a chuan ka kut la kangin a fawp vang vang a, a hmela lungngaihna la awm reng chu ka hrethiam tawh lo, eng vanga la lungngai reng nge a nih tih pawh ka hre lo.

Darkar chanve vel kan tlan hnu chuan Henry-a te in kawt chu kan thleng a, motor aṭang chuan chhuk rang tak ka ni. Junior-a kut chelh chungin in lam chu ka pan a, mahse kawngka chu a lo inkalh ṭhiap mai, enge a awmzia!?

Henry-a lam chu ka hawi let a, ani chuan Taxi driver chu fare a lo pe vel mek thung. A inpek fel zawh chuan Taxi pawh a tlan chhuak zui nghal a, chutiang bawkin Henry-a paw'n kan awmna lam a rawn pan nghal.

"Engatinge Henry!? Engatinge in hi a inkalh? Khawiah nge ka pi leh ka pute!?" kan awmna bul a rawn thlen rualin ka lo ti nghal a, mahse ani chuan min chhang lovin kawngka chu a hawng a, a lut zui nghal daih.

"Min chhang teh Henry? Khawiah nge ka pi leh ka pute hi?" in chhunga kan luh rualin ka ti leh a, min la chhang duh chuang lo. Choka lamah a lut a, ei rawng chu a bawl nghal mial mial.

"Nang tal hian min han hrilh teh Junior, khawiah nge pi Rinpuii leh ka pu hi an awm?" tiin Junior-a chu ka zawt leh ta tawp a, ka rilru chu hlauhthawnnain a khat tawh, thil awmzia lah ka man bawk si lo.

"Lo kal rawh Miss" tiin ka kutah chuan min kai a, ka pi leh pute room lam chu min panpui a, a ngaite bawkin kawngka chu a lo inkalh leh tawh.

Kawngka bula chahbi inkhai chu lain a hawng zui nghal a, room chhung kan lut chiah chu sawi mai tur pawh ka hre lo.

"Eng thil nge thleng Junior? Engatinge ka pi leh pute thlalak hi a va tam em em ve?" kan ngawih vang vang hnu chuan ka ti thawp raih a, thil awm dan chu ka ngainat chi a ni lo, hre reng chungin ka hre lo der tawp tawh.

"Api leh apute chu min chhuahsan kum khan an thi ve ve tawh alawm Miss, ka ngai thei lutuk, apa pawh sawn sawi lo mahse a ngai ve ṭhin tho tih ka hre vek" ṭah chhuak aw zet hian a rawn ti ṭuau a, rang takin ka kuah nghal vat.

"Âwwww engatinge ka lo chhuahsan kher kher che u ni!? Lo chhuahsan lo che u ila chuan ka pi leh ka pu pawh kha an la dam ve reng awm si a" ṭap feih feih chung chuan ka ti a, Junior-a pawh a rawn ṭap zui ve nghal.

"Engatinge min hrilh vat loh Junior!? Engatinge thil thleng te hi min hrilh ve miah loh? Delhi-a kan awm laite khan min hrilh ve ta che Junior, ka rilru an tina em mai" tiin ka ṭap chhuak leh hawk a, Junior-a chu ka kuah nghet hle bawk.

"Apa in hrilh rih lo tur chein min ti alawm, a chhan chu i rilru tihnat a duh loh a ni" a rawn tih chuan ṭah la chhuak em em chungin ṭah chu ka insum hmak a, Junior-a ka kuahna phelhin Henry-a awmna lam chu ka pan zui nghal.

"Mawla, min hrilh ve ta che, engatinge engmah min hrilh ve loh?" a ei rawng bawl lai a hnung lam aṭanga va kuah thlawp pah chuan ka ti a, ka ṭap nghal pur bawk. Ani pawh a thil tih lai a tawp chat a, a taksa chu a ṭang hle bawk.

"Ka tihpalh Henry, engkim hi keimah vang vek a ni ti raw? In kha chhuahsan lo ila chuan tunah hian ka pi leh pute pawh an la dam ngei ang" ka ti chhuak thei hram a, hrehawm ka ti ngawih ngawih.

"Ni lo, i thiam loh a ni lo" tiin a rawn inher a, nghet takin min pawm bet a, kei chu uar takin ka lo ṭap chhuak zui nghal hawm hawm.

"I thiam loh a awm lo, keima thiam loh vek zawk a ni. I duh lo chung haw luih tir lo che ila chuan engkim hi a la pangai vek ang" tiin ka chhip chu a rawn fawp vang vang a, ka hnung chu a chul pah reng bawk.

"Kei chu hrehawm ka ti em mai, ka rilru hi a na lutuk Henry. In pafa chauha khawhar taka in awm tur ka ngaihtuah hian ka inthiam thei lo, ka inthiam thei ngâng lo, mahni hmasial tak ka lo nih hi!" ṭap paha ka tih avang chuan ka aw chu a zuih ral deuh thaw a, Henry-a chuan min pawm kang lâwp a, kei paw'n ka kein a kawngah ka lo kherh ve nghal.

"Junior, tui lum chhuan saw lo en rawh aw" tiin choka aṭang chuan min chhuahpui a, ka inthiam loh lutuk avangin Junior-a pawh ka zah zo tawh lo.

In chung lamah chuan min pawm chho a, min kuah ngheh ang chiahin ka kuah nghet hle bawk. Room chhung kan luh chuan a rim aṭangin an pafa room tih ka hre thei a, chungte hlei hlei chuan ka ṭah an rawn ti chhuak zual. Khumah chuan min mutpui a, rizai chu min sinpui zui nghal bawk.

"Ṭap tawh lo la Hlute, i ṭah reng chuan ka awm a nuam bik miah lo a nia" ka chala fawp chung chuan a rawn ti sup a, mahse kei chuan ka mittui te chu ka dang seng thlawt lo a ni e.

"A har, a har lutuk, ka ṭap lo thei lo Henry. Engatinge min hrilh loh? Engatinge Delhi kan awm lai tal khan min hrilh miah loh? I sual ngaiin i lo la sual reng a nih hi! Ka rilru tihnat dan i thiam si, ka pi leh pute lakah hian ka inthiam thei thlawt lo, chutiang bawkin nang leh Junior-a lakah pawh" tiin ka ṭah ṭawng zuah zuah a, a lam hawi tur chuan min kuai dak ta vat.

"I thiam loh a awm lo ka tih khâ, nangmah inthiam lo zawngin rilru pu tawh suh. Delhi kan awm laia ka hrilh loh chhan che chu kan hlimna kha tihchhiat ka duh lo, hetia nangmah ngeiin i tawn hian a ṭhat zawk ka ring a, mahse ka ring sual leh ta a nih hi!" ka bianga mittui luang hru pah chuan a rawn ti dam thluam a, chutah amah vek chuan

"Ka tihpalh, engkim avang hian" tiin ka hmuiah chuan a rawn fawp vawng vawng a, min fawh zawh chuan a âwmah min kuah bei zui leh nghal.

Kei erawh ka la insut feih feih a, mahse ka awmna hmun chu a hahdam thlak lutuk avangin ka ṭah chhuak pawh a reh tial tial. Ka hnung a chul reng avang chuan ka mut a chhuak thuai a, tui taka mut vang vang tih chauh lo chu châk dang ka nei tawh lo.

Ka lo muhil tlang tak tak a ni ngei ang vawhna chuan min tiharh a, meng riai riaiin Henry-a chu ka zawng nghal a, mahse ka bulah a mu tawh lo tih hriat zetin a mutna chu a lo ruak huai.

Khum aṭanga ṭhu chhuakin ka zi mar leh tê te a, rei lo mahse ka mutui hman viau chuan ka hria. In hnuai lam pan chuan ka chhuk a, choka ka luh dawn chuan ka ding chat.

Ei rawng bawl pahin Junior-a chuan a pa chu a lo be neuh neuh a, an pahniha an chetla dun vel chu a hmuhnawm thlawt. Bang bula aṭanga dingin an awm dan chu ka thlir reng a, han nuih dun leh hak hak chang pawh an nei tam hle.

"Pa, engtikah nge Miss nen hian in inneih dawn? Kei chu innei thuai thuai ula ka ti ê, chu bakah Miss tia koh reng hi ka ning tawh, nu tia koh vat ka châk ve tawh a nia"

"Ka hre lo le, a chhungte lam hian an phal nghal ngawt pawh ka ring lo. Dil chu ka dil leh ngei dawn a, mahse lo lungngai lutuk duh suh, an phal loh chuan ka ru chhuak mai ang"

"An phal loh chuan a buaithlak leh dawn a ni mâw? Kei chu buaina neih reng hi ka ning tawh ê pa, chhungkua ni vat tawh ila ka ti ber. Miss pawh hian a hmangaih ve tho che si a, a chhungte chuan an phal ka ring ve ringawt"

"Ngaihtuah buai lutuk duh suh, keima'n engkim ka tifel vek mai dawn alawm, Miss hi i nu a ni ngei ngei ang tih ka tiama che. Alu kha a hmin tawh em?"

"Aw hmin dim diam tawh, engtin nge i siam dawn a pa? Ka duh chi deuh khan siam teh aw, kan Hotel-a mi ang khan min lo siam teh, ka ei leh châk"

"Aw ka siam dawn alawm, hmarcha vel kha lo va rawt leh rawh le, Miss lo chhuk hmain lo peih fel diam ang" ka nuih a za tho bawk si nen an pafa inbiak vel dan chuan ka lung a tiawi hliah hliah.

"In va fel ve a" lut chiah ang chuan ka ti hlaui a, an lo la hawi rang dun em em zui. Hamhaih zeta min lo en avang chuan ka nui leh ringawt a, chutah Junior-a zawk chuan

"Miss chu i lo va'n chhuk hma, apa nen plan kan lo nei asin le" a rawn ti nghal a, an ṭawng zawng zawng hre lo ang hmakin ka awm ve zaih.

"Eng thil nge ka hriat loh hlana in lo plan chu ni a? Ka hre ve duh tho alawm" tiin dawhkan bulah chuan ka ṭhu a, an pafa ei rawng bawla che vel chu ka en tawn chhen bawk.

"Apa nen hian i lo chhuk hma ei rawng lo bawl fel vek ka tum a, mahse kan bawl fel hmain i lo chhuk ta sia kan plan a flop ta a nih hi!" thil rawt chung chuan a rawn ti ṭha ve leh mai a, ka ṭhutna aṭanga thovin Henry-a thil siam chu ka en ta daih.

"Ehêeee, bai i siam thiam maw!? In va'n inhmeh lo ve Henry, mahse i thil siam hi a tui hmel tawp, chuan saw saw enge?" tiin hmun danga a thil chhuan mek chu ke en leh nghal a, a thil siam chu rimtui tak a ni.

"Engtin nge ei rawng i bawl thiam a Henry? I bawl ngai ka hre si lo" ti lehin a thil chhuan rim chu maimitchhing chungin ka hip lut vang vang a, ka ril a tiṭam nghal rawih rawih thei.

"Apa chuan api leh apute an thih aṭang khan ei rawng min bawlsak char char ṭhin alawm Miss, a changin ka pui ve ṭhin bawk" Junior-a zawk chuan a rawn ti a, ka meng chiang ngei mai.

"Nangmah i inthiam lo leh ringawt ang e!" a thil chhuan lai chawk mawlh mawlh pahin Henry-a chuan a rawn ti a, ngawi renga amah ka en tlawk tlawk vanga sawi a ni tih ka hre bawk.

"Inthiam lo leh chiang e maw le, mahse i sawia tlem chuan ka inthiam lo lo leh deuh" tiin a hnung lam aṭang chuan ka kuah a, min hmu lo mahse ka nui sen sen a, a chhan pawh pasal ei rawng bawl thiam tak ka nei dawna ka hriat vang a ni.

"Miss haw tawh lo la, kan bulah hian awm ve char char tawh la, chaw ei khama i haw leh daih chuan apa nen kan khua a har leh awm ê" Junior-a chuan a rawn ti a, a thusawi chuan thil sawi tur ka nei tih min tihre chhuak nghal.

"I sawi tâkah chuan thil sawi tur ka nei tak e!" tiin Junior-a bulah chuan ka phei a, ka thusawi tur chu an duh chiah ang em ka hre lo, mahse tih ngei ngei ka tum thung.

"Zaninah ka rualin kan inah lo phei ve r'u aw" ka tih chuan Henry-a chu ka lam hawi zawngin a rawn inher nghal a, a thil chawh lai tawp hmaka min en avang chuan ka lo nuih ringawt.

"Zaninah kan inah in lo leng phei ve ang a, kan pathum hian ka chhungte chu kan va ṭhawng thut dawn nia, anni pawh keiniho min hmuh hunah chuan mak an ti dawn tih ka hre chiang" nui chung chuan ka tih leh a, ka thusawi chu Junior-a pawh chuan mak a lo la tih hmel khawp.

"Henry lo phei ve r'u aw, in inthlahrung dawn tih chu hre tho mah ila lo leng phei ngei ula ka duh a ni. I ṭawng ve pawh a ngai lo vang, keima'n engkim ka sawi vek ang" ka ti leh ringawt a, kan ina lo len phei chu an duh lo mai ang tih ka hlau ta a ni.

"Aw le, kan lo leng phei dawn nia, chuan i pa pawh ka be fel nghal ang" a rawn ti nghet charh a, lawm avangin ka khi nghal ver ver. Ka phur lutuk chuan Junior thil tih lai te chu ka tihpui sawk sawk a, mak a lo ti teh e!

Zanriah kan ei lai chuan a hmeichhe awmchhun ka ni kher bawk nen ka ṭawng duh mawlh mawlh hle a, intihhlim chawp hram hram ka tum vang a ni pakhat.

Ka rilru chhungril takah chuan pi Rinpuii leh ka pu chu an awm reng a, chutiang bawkin Henry-a te pafa pawh. Ka awm loh chhunga an lo khawhar dan turzia chu ka ngaihtuah lo thei lo va, a chang phei chuan Junior-a min biakna pawh chu ka hre lo leh thut zel.

Henry-a erawh a ṭawng mang lo va, a chawhmeh siam lah chu ka beisei ang ngeiin a la tui em em zui. Chaw te chu ka ei ṭeuh a, a hmeichhia ber chuan ka ei hnem berin ka hria.

Chaw kan ei kham chuan ka seng fel nghal vek a, ei rawng an bawl tawh avangin an chet ve ka phal tawh lo thung.

Kan in lam pana kan tlan lai chuan tumah kan ṭawng lo va, kum 3 hnua kan in an chuan kai lehna hmasa ber tur a nih dawn avangin an huphurh ve hle tih pawh ka hria.

Chapter 30

"Le! Chhuk ang aw, nangni pahnih an hmuh hunah che u phei chuan an va han meng phar nasa ve dawn tak" kan in kawta kan din rual chuan ka ti a, motor kawngka chu hawngin ka chhuak zui nghal.

"Leh lawk! Kan luh hmain kan call hmasa tê te phawt" kan in lam pana kan kal lai chuan ka ti leh hram a, a chhan pawh ka chhungte chu lo awm kim ṭhap se ka tih vang a ni.

"Hello, ka rin aiin i lo haw har leh phian, kan lo nghak kiau che a nia" ka phone call a pick up rualin Peksanga chuan a rawn ti thuai a, kei erawh ka nuih a za ru em em thung.

"Hei in kawtah ka ding reng tawh, ka lo lut chu a ni mai. In awm kim maw?" nui ver ver chuan ka ti a, Peksanga chuan an awm kim ṭhap thu a rawn sawi ve nghal. Rei pawh be duh tawh lovin phone chu ka titawp a, Henry leh Junior-a lam ka hawi chuan an lo ding ngawi reng.

"Lo kal ta che u, engmah zahna tur leh inthlahrunna tur a awm miah lo a nia, keima'n engkim ka sawi dawn ka tih khâ" tiin an lamah chuan ka kal phei a, an inkara dingin an kut ve ve chu ka vuan nghal.

"Miss kei chu nuam ka ti vak lo, kan kal khât tawh bawk si, apa nen phei chuan i awm loh aṭang khan kan kal ngai tawh lo hrim hrim" Junior-a chuan a rawn ti ta ngei a, motor chhunga kan chuan lai aṭang tawh a huphurh hmel ka ti reng a ni!

"A ho lutuk Junior, tunah chuan ka awm tawh alawm, ka awm tawh avangin in lo len ziah a ngai ang" nuih sen sen chung chuan ka ti a, an pafa kut chu nget taka chelhin kawngka lam ka panpui nghal.

Kawngka hmaa kan din chuan hawng nghal mai lovin thawk ka la hmasa leh tê te a, ka huphurh vang ni lovin ka hlim vang zawk a ni.

Henry-a chu chiang zet hian ka han en chho a, ani pawh chuan min lo en chhuk ve run mai. A kut ka vawnna chu thlahin kawngka ka hawng a, muangchang tawh lovin ka lut zui nghal hmak.

"Aw haw le! London inla kal zet mai a rawn haw ta e! London chu i ngeih hle" ka hnunga lo kal te hmel a hmuh rualin Peksanga chu a ṭawng tawp hmak a, nuih pawh a nui tawh lo, a ṭhutna aṭang chuan a ding chhuak nghal nghe nghe zawk.

"Bawhi, Hlute" ka nu leh pa pawh chuan an ṭhutna aṭanga ding chungin a rawn ti rual ṭhawt a, kei lah chu ka khi ver ver mai si, chu tak te chuan a tihamhaih lehzualin ka hria.

"Surprise! Ka mi rawn hruai haw te hi enge in ngaih dan? Kei pawh kan inhmuh tirh te chuan ṭap nasa tak ka ni, chuvang chuan mak tih hmel deuha min thlir reng lo khan thil sawi ho ang u nu, pa" nui chung bawk chuan ka ti leh a, Henry-a te pafa lam chu hawiin sitting room lama lo phei ve nghal turin ka signal zeuh bawk.

"U Hlute, eng vanga anni pafa hi kan ina lo kal leh nge an nih?" Peksanga chuan a rawn ti ram hmak a, a aw aṭang leh a hmel aṭang chuan Henry-a te pafa a lawm lohzia ka hre thei, mahse engah mah ka ngai duh lo lui ve tlat.

"Peksang, i ṭawngkam kha!" ka chhan hmain ka pa zawk chuan a rawn ti vat a, an lo phei mai duh loh avangin kei pawh Henry-a te chu va kaiin sitting room lamah ka hruai phei ta tawp.

"Nu, pa, thil pawimawh deuh sawipui che u ka duh a, zanin ngeia engkim sawipui che u hi ka duh a ni" pangai tak chuan ka ti a, tûmah chuan ṭawng emaw thawm neih emaw an tum lo, a reh ṭhiap mai.

"Henry-a hi pasal atana neih ka duh a ni. Kum 3 liam ta chhung khan keimah chauhin ka lo tuar emaw ka ti a, mahse a ni lo. Kei letin Henry-a hian a lo tuar a, amah mai ni lovin Junior-a paw'n nasa takin harsatna a tawh phah bawk a ni" ka bula mite kut vawn pah chuan ka ti leh a, ka rilru leh tih tak zeta sawi ka nih avangin ka thutak hle bawk.

"In ṭawng dawn miah lo em ni nu, pa? In rilrua awm tur awm ang chu ka hria alawm, mahse kei chuan ka thutlukna siam hi min pawmpui hram ula ka ti khawp mai. Ka Doctorate Degree tih chhunzawm tur ṭhulh ṭhak khawpin Henry-a te pafa bula awm hi ka thlang a, ka thlan sual ka ring tawh lo bawk. Tin, harsatna lo tawk leh ta pawh ni ila kalsan lovin ka awmpui reng tawh zawk ang, a chhan chu anni pafa hi ka thinlung leh tih tak zeta ka hmangaih vang a ni" ka tih chuan Henry-a chuan ka kut chu a rawn hum nghet nghal sauh.

"Pasal atan pathlawi i duh tak tak ang maw?" ka pa chuan mit tizim sun hian a rawn ti a, Henry-a chu pathawi ni mahse chutianga ka pa ber kherin a rawn sawi avang chuan ka haw tawp, ka rilru chu a lo na nghal veng veng

"Vawi tam lo pathlawi tawh pawh ni se kei chuan a ni lo hi pasal atan neih ka tum lo ka pa, ani ka neih in phal lo a nih chuan pasal ka nei lo mai ang" ka ti nghet charh a, thinrim ru deuh ṭuna sawi ka nih avangin ka aw chu a hriam lam lek lek a ni.

"Eng dan nge ni ngai Hlute? A hmeichhia zawkin pasal min han dil chu a nia, ka pian tirh ata ka vawi khat hriatna a ni" nui chunga ka pa'n a rawn tih chuan ka thaw huai a, nuihza vak lovin ka nuih chhunzawm ve nghal.

"Chuan i phal em pa? Henry-a hi pasal atana neih vat ka duh a nia, an pafa chauh hi chuan an khua a har tawh em mai. A thu hrimah engatinge pi Rinpuii leh ka pu kha an boral tih tal min lo hrilh ve loh? Ka hriat tirh kha chuan hrehawm ka ti teh asin, in ti awm ang lo em mai" nur nâng chuan ka ti a, chutah ka pa chuan

"Hrilh che chu kan tum tho a, mahse Peksanga khan hrilh rih lo vang a ti reuh tlat a, i zirna kalsana i rawn haw leh palh thut a hlauh vang a ni ber" a rawn ti dam dap a, ka pa leh kei tih loh chu tûma'n ṭawng an la tum lo niin a lang.

"LALPEKSANG, chutiang thute chu inhrilh loh mai mai chi a ni hleinem, i ti awm ang lo thei lutuk! Ching tawh reng reng suh, putlin te hi zir ve rawh" ka tih chuan

"Na!!! Nangmah ka ngaihtuah vang zawk che a nih khâ, lo hrilh hle hle che ila ṭha tur a nia, mi lah chu i la hau let zawk za mah a!" a rawn ti ve nghal a, a ṭawng theih ngaiin a lo la ṭawng thei reng a nih dawn hi!

"Engatinge i ngawih tlat? Hmeichhia zawk dilna chu ka pawm mai mai dawn hauh lo a nia, a awm ang lo leh lutuk em mai" tiin ka pa chuan Henry-a chu a en reng a, a nui nghawr zui nghal dat bawk.

"Kei hi engtin nge ni dawn? Engah mah min rawn ve dawn lo tihna em ni LALRINHLU? I nu ka nih hî, min rawn ve ik ta che, i pa chauh rawn lovin" ka nu'n a rawn tih avang chuan ka nui dir nghal char char a, a hmel aṭang chuan a la thinrim hmel em em zui.

"Âwww nu, nangte chu ka pa'n a phal chuan i phal leh tho tho dawn alawm, phal lo ve ringawt dawn mah la a tawpah ka pa thutlukna i pawm leh ngei ngei dawn tih ka hre sa vek" ṭhen ṭhaw chuan ka ti a, a chapal chu la kangin min tin ûai nghal.

"Nui, i che awm ang lo thei êm mai, kan boruak hi a hlimawm dawn nge a lungchhiat thlak dawn pawh a la hriat miah loh hi!" tiin ka pa chuan a lo khap vat a, ka la nuih char char avang chuan ka nu chuan min melh rum ṭha kher mai.

"Ka pu ka pi, in chhungkaw chungah leh in fanu chungah hian dik lo takin ka awm tawh tih ka hria e, mahse in fanu hi nupui atan ka duh a ni. A tel lovin ka hlim thei tawh lo va, a tel lovin ka fapa pawh hi a hlim thei tawh lo bawk a ni" tiin Henry-a chu a rawn ṭawng chhuak ve ta.

"Nupaa insiam tur chuan inhmangaih tawnna hi a pawimawh asin, a tel lova in hlim theih leh theih loh lam chu thu hran ni se. Ka fanu ka aṭang chuan a hmangaih che thu ka hre tawh a, nang erawh chuan i la sawi ve miah lo" tiin ka pa chu a tho ûai a, a men rum em avang chuan kan buai leh dawna hriatna ka nei.

"Ni lo ka pu, i fanu hi ka hmangaih alawm, ka thinlung zawng zawngin ka hmangaih a ni. Sawi mai nachang ka lo hriat loh avangin ka thiam loh a ni e, min ngaidam r'u" a ṭhutna aṭanga tho thuaiin Henry-a chuan a ti ve nghal a, ka pa chu a kal sawn daih dawn emaw kan ti vek tawh.

"Paa, eng thil nge i rilruah awm leh tawh? I phal mai dawn emaw ka tia, nge Henry-a hi i fiam mai mai" ka nu chuan a lo ti ve vat a, kei chuan hnuai lam ka bih ngul a, kan inneih thei lo leh thut ang tih chu ka hlau a ni.

"Ka pu min ring lo em ni? Ka thusawi kha i ring lo em ni?" a aw aṭang chuan Henry-a chu a hlauthawng ve tho tih ka hre thei, ka pa reng reng pawh chu a ti mak ka ti thlawt.

"Ka sawi chhuah hmaa i sawi loh avang khan ka fanu hi i hmangaih tak tak ka la ring thei lo, zanin atan chuan va haw leh phawt mai rawh u. In rawn len leh hunah chuan pangai taka kan inbiak theih ngei ka ring tawh" tiin an room lamah chuan a phei zui daih a, room chhunga lut ta mai lo chuan

"Muttui aw Junior, naktuk zanah in lo leng leh dawn nia" a rawn ti leh ang lawi a, a la nui sâng zui. Ka pa awm dan vel chu ka hrethiam lo hul hual, Junior-a pawh chuan mak a ti hle a ni ang chhan let nachang pawh a hre lo.

"Nu! Engatinge ka pa kha khatianga a awm thut a? A phal ka ring asin le, va titipui vat teh, zanin ngeia sawi fel ka duh a nia" ka ti ta thlawt a, ka nu pawh chuan ka pa awm dan teh thut chu a hrethiam lo ve hle.

"Kei chu ka pa awm dan kha ka hrethiam kiau mai si a, room-ah ka va luhsan daih teh ang che u" a ṭhutna aṭanga tho tharh pahin Peksanga chuan a rawn ti a, zawhna mitmenga kan en ṭhup lai chuan a room lam panin a lut zui nghal daih.

"Kan va haw phawt mai ang e ka pi, lo dam ṭha zel r'u" tih pahin Henry-a chuan Junior-a chu tho turin a signal zeuh a, keimah ber chu ka buai, ka plan zawng zawng a flop vek tur chu ka duh lo.

"Henry! Engatinge haw ringawt in tum? Kan la sawi fel hleinem, zanin ngeia sawi fel ka duh asin, haw lovin ka pa kha va be leh ang. Lo kal rawh, kan pahnihin va bia ang" a kut chelh chunga ka tih chuan

"Motor bul thleng min lo thlah la" a rawn ti daih a, nui hmel pakhat mah min hmuh loh avang chuan a thinrim ni maiin ka hria, kei lah ka rilru a buai nasa tawh mai si.

"Kal ang le" Junior-a kai chung chuan a ti leh sup a, ka ṭap chhuak thei mai dawnin ka hria. A kut ka chelhna chu ka thlah riai riai a, kawngka lam an pan lai chu ka thlir tawp.

Kan in aṭanga an chhuah dawn chuan Junior-a chuan min lo en leh hram a, an chhuak ta maw tihah ka mittui chu a rawn tla ta ngei e. Ka mittui tlak chhan ber chu ka sawi fak thei lo, a inpawlh nuai mai.

Harh chhuak thutin ka tlan a, pawn ka thlen chuan Henry-a te chu an lo tlan chhuak ve chiah. Hmanhmawh lutukin kawngpuiah chuan ka chhuk a, ka theih tawpa ring chuan ka ko vak a, anni pawh an ding ve nghal.

Motor aṭanga lo chhuakin Henry-a chuan ka lam a rawn pan phawk phawk a, kei erawh mittui nen ka lo la awm nuai thung.

"I ṭha em?" ka bul a lo thlen rualin a rawn ti vut a, ṭap chhuak feih feih chungin ka kuah nghal thlawp. Ani pawh chuan duat takin min lo kuah let ve a, kan inṭhen leh mai ang tih ka hlau a ni.

"Kei chu ka hlauthawng êm mai Henry, kan awm dun hi a rem ve lo tak tak a ni ang. Kan inkar boruak chhia zawng zawng kan su kiang tawh a, mahse nichin maia ka pa awm dan khan ka ngaih a tiṭha thei lo" nget taka kuah chung chuan ka ti ṭuau a, a taksa ka sikna chuan ka rilru a tino vekin ka hria.

"Hei, min en teh" tiin a âwm aṭanga chuan min nam sawn a, nui sukin ka mittui te chu a hru mawlh mawlh a, hlauhthawnna rilru ka neih laia min la nuih suk thei chu mak ka ti a ni.

"I ngaihtuahna a kal sual nasa lutuk a nih khâ, naktuk zanah kan lo leng leh dawn alawm, zanin kha chu keima thiam loh dik tak a nih kha!" dam tak hian a rawn ti a, chutah kei chuan

"Enge i thiam lohna? Enge i thiam lohna awm? Enge i tihsual? Tihsual i nei miah lo, ka pa awm dan khan min tilungawi thlawt lo" ka lo ti nghal zung zung a, ka aw pawh ṭap zo hlim ka nih avangin a la phelh phung.

"Ka tihsual chu maw i pa beng hriata ka hmangaih che thu ka sawi lo kha a ni, chuan i pa ngaih dan tur pawh ka hriatthiampui khawp mai. Ka lo ngaihtuah tawi mah mah ṭhin a, naktuk zanah chuan engkim a kal dik vek tawh ang" nui suk hian a rawn ti leh a, kei erawh ka lung a la awi famkim thei lo.

"Engatinge ka pa hian i vawi khat dilnaah hian a phal ngai miah lo le? Ka ning tlat, in bula awm thuai thuai ka châk tawh bawk si" ka tih chuan a rawn nui ri ta hawk a, fiamthu ka thawh pawh ka hre chai si lo.

"I châk ve lo em ni? In bula ka lo awm thuai thuai i duh ve miah lo em ni? Min lo hmangaih ve tak tak lo a nih dawn hi! Min thlahlel lo bik thei em mai, ka lut dawn" tia ka kal sawn tur chu min pawt let chiang kher mai.

"Thil ho tê teah hian titau ṭhin lo la, puitling i nih tawh hî, puitling mahni pate hnena pasal dil ngam rual ngat!" a rawn ti deuh kher a, a thusawi duh dan vel chu haw tak ka ni.

"I chhe vel e a! In inthlahrun lutuk ka hlauh avangin ka ṭawng ve em em a, nang lah chuan min tih letna'n leh fiamthu atan min hmang mai mai a, ka" ka hmui taka a rawn fawh thut avang chuan ṭawng pawh ka ṭawng zawm thei lo, zei taka min fawh ngawng ngawng hnu chuan ka lo chhang let ve leh ta nge nge.

"Duhawm nu, i vun a nalh si, i taksa chhungah hian ka lut châk tawh khawp mai" kan infawh zawh chuan nui ri suk pah hian a rawn ti sup a, a thusawi zawh chiah avang chuan ka sa chhuak vekin ka hria.

"Thlawi Senior, Hura, ka lut dawn, min thlah teh" tiin ka tal laih laih a, min thlah ve leh mai bawk. Thui pawh ka kal hmain ka mawngah tak chuan a rawn beng ri thlawrh a, ka hawi let rang teh e!

"Engatinge ka mawng kha i ben kher a Pathlawi? Khatiang ti rual pawh i ni tawh lo, Thlawi Senior pa" rum taka melh chung chuan ka ti a, ani erawh a dinna ngaia la ding rengin a nui ri hawk thung. A kut chuan lut turin min ti a, lut suh pawh ti se ka luh dawn chiang vai vai nen.

In chhunga ka luh chuan tûmah pawh be lovin ka room-ah ka lut nghal hmak a, ka chhungte chuan min lo ngai tak tak lovin ka hria. Mizoram pawna ka awm lai te kha chuan min ngai awm takin min lo be chhen a, haw tur te khan min ti chhen a, tunah lem kan inhmu ta cheng a, min lo ngaih hmel leh vak lo.

Pakhatah chuan ka mi hruai luh te khan an rilru zawng zawng a la peng tih pawh ka hria, chutiang bawkin kei pawh zanin la lâa sawi fel ka duh chu a theih leh si loh avangin ka lunghnur a ni.

Ka khuma ka mut hnu pawh chuan tûmah ka room-ah an lo lut lo va, ka nu tak ngial pawh. Mizorama ka haw ni te a ni ve a, pakhat tal chuan min lo kal chilh ka ring asin le.

Zing lah chu ka tho nuam phian a, mumang pawh nei chuang lovin ka muttui khawp mai. Tukṭhuan kan ei laiin ka pa chuan min zilh ta hrep a, chaw kan ei chhung zawngin a sermon tluan zak! Henry-a te in lama phei a phal lo leh ta zel a, a chhan ka zawh lahin

"Mipa a ni a, amah zawk a rawn che hmasa tawh tur a ni. A hma ang khan va leng phei dâw daw tawh lo la, hmangaih mah la nupa in la ni lo tlat" a ti hmak a, zan lama ka chet dan mawlh chu a sawi tawp thei lo.

Henry-a ni lova keima'n pasal neih ka dil ngawt chu a helh teh tlat a, a sawi dan kalhmang chu a dik ka ti hnuhnawh ve leh ta tho.

Mipa zawkin nupui neih an dil laia kei a hmeichhia zawkin pasal neih ka dil hmiah kha chu a mawi lo ve deuh tih ka hrethiam ve ta mai a, Sermon min pe ṭeuh lo se chuan ka hriatthiam pawh ka ring leh ta chuang lo.

Zirna lamah hlawhtlinna changin puitling tak emaw inti tawh mah ila nu leh pate hi chu kan la tluk thei lo, tluk tum mah ila kan tluk thei ngai chuang lo vang tih ka hriat phah ta bawk.

Ka pa berin Henry-a chu be hmasa miah lo turin min ti a, mahse ka pasal atana a duh loh thu leh a pawm loh thu a sawi tawh miah lo. Ka tihtur hre lo chuan Engzuali ka be leh tawp a, Aizawla ka awm tawh thu ka hrilh chuan lo zin thlak a tum hnaih thu min hrilh ve nghal. Mo ṭhiana sawm chu ka tum deuh ûk a, mahse pasal ka nei dawn em tih a la chian loh avangin ka sawm leh ta lo.

Ni lengin Henry-a te pafa chuan thawm an rawn nei lo va, phone kaltlang tal pawhin min rawn be eih lo. Ka thin chu a rim ru ṭun a, min lo biak ve em em ka ring kha a nia, ka ring sual chiang hle mai.

Zan lamah erawh an rawn lang ve ta hram a, ka pa chuan Junior-a nen ka room-a awm turin min ti leh ta tlat. An inbiak dan vel hre châk hle mah ila room-ah chuan ka awm ta tho a, an thusawi ngaihthlak ruk chu châk tak ka ni.

Darkar 1 leh a chanve vel ka room chhunga kan awm hnu chuan Peksanga'n min lo ko a, Junior-a chu ka chhuahpui rang kher mai.

Sitting room-a kan ṭhut ṭhap hnu chuan Henry-a hmel chu ka en a, a lo kun deuh ngul bawk sia ka pa chuan kan inneih a phal lo a nih ngei ka ring.

Ka pa lam ka hawi lahin a lo meng rum nasa mai bawk si, chutiang bawkin ka nu leh Peksang pawh an ngawi dâk a, ka hlauthawng ru tawh hle.

"Kan va haw ang e" tiin Henry-a chu a rawn ṭawng chhuak a, a ṭhutna aṭangin a ding zui nghal bawk. A pa ber a din avang chuan Junior-a pawh a ding ve nghal a, a pa bulah chuan a phei zui ta daih.

"Ka pa, thil awmzia tal min hrilh ve ula. Room-ah min tawm tir char char a, kan rawn chhuah veleh in ngawi leh ṭhap bawk si, ka awm in tinuam lo" ding chung chuan ka ti a, min la chhang lawk duh lo leh nghal.

"Khatia ṭe ṭe lo khan Henry-a te pafa kha va thlah rawh, nui nang thingpui min lo lum teh, ka in châk riau mai" ka zawhna pawh chhang lovin ka pa chuan a rawn ti daih a, ka nu pawh thingpui lum turin a tho zui nghal.

"Min lo thlah dawn em?" Henry-a'n a rawn tih chuan titau titihin pawn lam chu ka pan hmawk hmawk a, ka chet dan chu naupang chhia viau mahse ka thin a rim tlat a tin ni!

Pawn ka thlen chuan motor nghengin ka ding a, rei lovah Henry-a leh Junior-a hmel pawh ka hmu nghal. Ngawi reng hian motor lama an lo kal chu ka lo en ran a, Henry-a awm dan avang chuan ka pa'n kan inneih a phal reng ka ring tawh lo.

"Henry, engatinge i ngui hmel em em a? Ka pa khan kan inneih a phal lo ti raw? Ngawi reng lo khan min hrilh teh, eng vangin nge ka pa chuan a phal loh? Eng thil chiah nge a duh? Pathlawi i nih avang hian a duh lo che em ni? Ka pa chu âw, a ti mak thei ê, vawiin nileng paw'n a duh loh thu che a sawi miah si lo" ka ṭawng tawp lamah chuan amah pawh ka en tawh lo, van lam chu ka en daih.

"A pawi ka ti Hlute, kum thum liam taa i chunga ka chet dan avang khan min la ngaidam thei lo va, chuvang chuan nupuia ka neih che hi i pa chuan a phal lo a ni" a rawn ti thawp sup a, ka rilru a nat lutuk avangin ka mittui chu a rawn baw nghal zawih.

"Hei i ṭap maw!? Lo kal teh" tia min lo kuah a tum chuan ka tawlh sawn vat a, anmahni pawh ngaihsak tawh lovin thinrim tak chuan kan in lam ka pan a, ka pa ngaihdan leh rorel dan chu a dikin ka hre lo.

"Ka pa! Enge i hriat a? I sual em mai, Henry-a hi ka thinlung zawng zawngin ka hmangaih asin, engatinge kan inneih hi i phal loh kher? Tu paw'n thil chu kan tisual thei alawm, mahse thil kan tihsual avangin kan sual tihna a ni kher lo" sitting room ka thlen rual chuan ka ti nghal pawp pawp a, min lo nuih vak vak avang chuan ka thin a rim zual.

"LALPEKSANG, phone kha dah nghal rawh, mi thinrim lai lai a!" tiin ka Chapal chuan ka vawm zui nghal chawrh a, kawngka lam aṭanga nui thawm a rawn awm avang chuan ka hawi let chiang hle.

"Ṭawngthei kawlh em em nu, kan Prank che a nih khâ, London laia zu kal ve tawh si mi kutthlak i la sim lo tluang zel a nih dawn hi!" Peksanga'n a rawn tih chuan ka ngawi ta hmak.

Ka en kual hlawm diat diat a, an lo nuih vek avang chuan ka thin a rim thar leh ta. Kawngka lam chu panin Henry Pathlawia bulah chuan ka va ding a, thinrim tak hian

"Mawla, eng vangin nge dawt min hrilh a? Ka hlauhthawn hmanzia kha i hre lo em ni? Ka rilru a nat hmanzia te kha i hre lo em ni? Thlawia, Thlawi Senior, ka ngei lutuk che, hmuh pawh ka hmu peih rih lo che, va haw rawh" ka ti phiar phiar a, inherin ka room chu ka pan zui nghal hmawk hmawk.

"Henry-a saw dem viau suh Hlute, a sawi dan tur zawng zawng pawh kan By Heart chawp tir vek a nih kha âw, ani te chuan dawt hrilh che kha a hreh lutuk. Engkim hi i pa ruahmanna a ni tih hria la, kei leh Peksanga chu kan tel ve miah lo" sitting room ka kal pel dawn lai taka ka nu'n a rawn tih avang chuan ka ding chiang hle.

"I nei duh tak tak ang maw Henry? Hetianga titau rual mai hi a la nia, i duh chuan i thutlukna kha sut leh daih rawh" min en miah lo hian ka pa chuan a rawn ti ve nghal a, ka zahna leh ka thinrimna chu a inzat vel ang.

"I pasal ber tur kum ka ngaihtuah sawn a hmanhmawh thlak dawn riauvin ka hria a, tun kara man hlanna neih mai pawh pawi kan ti ta lo a ni. Nang lah i hmanhmawh bawk si, i pasal tur lah chuan min dil ngawrh bawk si, phal vak lo chungin in inneih chu ka phal ta mai a nih kha!" nui sun suna ka pa'n a rawn tih leh chuan

"Ka pa! I lo nghal hle mai" ti vakin ka kal sawn hmawk hmawk a, room chhung ka luh chuan ka inkalh khum nghal hmak. Junior-a a awm ve reng avanga zak ka ni a, a pa lel lulin dawt min hrilh avanga thinrim ka ni bawk.

Chapter 31

Ka chhungte chuan tukṭhuan kan ei laiin min chhaih ta reng a, hne tak ka ni. Min chhaih tawh lo tura ka tih pawhin an tawp duh lo va, a tawpah phei chu chaw pawh ei rei duh lovin ka kham san daih. Eina vel tifel tur pawhin choka lamah ka phei duh tawh lo va, ka titau laklawh ve tawh tlat.

Room-a ka awm laiin ka pa chu a lo lut a, melh khat pawhin ka lo melh duh lo. A thawm leh a awm dan chu hre reng mah ila phone ka lo khawihsan mial mial a, ani pawh a rawn ṭawng nghal bik chuang lo.

Zan lama ka awm dan chu ka ngaihtuah let a, ka zak a ni, ka zak thlawt. Min prank chu thu hran ni se Junior-a awm lai ber khera ka ze ṭha lo ka pho chhuak kha ka zak, a nu atan min iai phah vek ang tih ka hlau. A nu atana min iai vaih chuan a pa nen kan inkar a buai leh ang a, engkim chu a buai chhuk chho kual leh vek a ni mai.

Ka phone chu en reng mah ila thil dang daih ka ngaihtuah avangin eng thil nge ka en tih reng ka hre lo va, ka ngaihtuahnaah chuan zan lam boruak bak a awm thei lo.

Vawi leh khatah ka kut aṭangin ka phone chu a awm lo thut a, ka ngaihtuah muk lutuk avangin ka pa'n ka phone a lo lak lai chu ka hre lo hrim hrim.

"Eng em em nge i lo ngaihtuah a? Vawi hnih lai ka ko tawh che, i phone en pawh i ngaihsak lo" ka pa chuan a rawn ti ta ngei a, a hmel pawh en duh lovin khumah chuan ka mu daih.

"Rawn tho teh Hlute, thil sawipui tur che ka nei a nia, ka thil sawipui tur che hi a pawimawh khawp mai" a rawn ti leh a, a aw aṭang chuan a pawimawh hmel tak tak hle bawk.

"Ti khan sawi mai rawh, ka ngei lutuk che, nizan avang khan ka la thinrim reng tih hre rawh" ka lo tihkhum hmawk hmawk a, ka pa chu ka zah lo vanga chutianga bia pawh ka ni lo, ka zakin ka thin a la rim êm vang zawk a ni.

"Henry-a chungchang a nia" kan ngawih vang vang hnu chuan a rawn ti zawi sup a, la mu reng chung chuan ka meng kur nghal. Ka pa chu ka han thlek dê de a, ani chuan tukverh lam a lo thlir daih.

"Chhungte tih tur mumal a lo nei lo va, palai rawn tirh tur tak ngial pawh a hre lo. Amah khan dan dik taka tih a duh tlat bawk si a, ka khawngaih khawp mai" a thu rawn sawi avang chuan rang takin ka inperh tho nghal a, ka pa erawh a awm ngaiin a la awm reng.

"A nu leh pate an boral tawh a, a pi leh pute lah chuti bawk, a nu lah khan unau a lo nei bawk si lo nen han belh mai tur a baihvai khawp mai. A pa chhungte lam han ti dawn se an inzawmna an chhut chah vek tawh thu leh a tih chi loh thu a sawi leh bawk si, keima tan pawh hian a nuam lo duh khawp mai" ka mittui chu a tling pam a, ka pa pawh chuan Henry-a chu a khawngaih ve hle tih ka hre thei.

"Tih dan erawh ngaihtuah hram a tum thu a la sawi fân a, Mizo inneih dan dik taka neih a tum che avang hian pasal ṭha tak a nih ka ring ta e. Kei chuan palai tir kher lova man hlanna neih nghal mai pawh pawi ka ti lo, mahse amah zawk khan a duh tlat lo a ni" ka pa thusawi chu rilru na fê hian ka ngaithla a, Henry-a chu ka khawngaihin ka hmangaih ngawih ngawih.

"Ani pawh kha an veng kohhran lam chanchin hrilh turin ka ti a, nizan khan a hrilh nghal ka ring. I pasal tur hi hriatthiamna leh hmangaihna in chelh tlat ang che, chutih rualin nang pawh kawng tam takah insiam ṭha la, inmil taka in awm dun reng theih dan tur hlir i zawng dawn nia" a rawn ti leh chuan ka mittui chu ka dang zo tawh lo, a thusawi chuan ka rilru a tino vek.

"Kei chu Henry-a hi ka khawngaih em mai pa, ka khawngaih tak zet a ni" tiin a dar chu ka ngheng a, ani pawh a awm dan insiam remin min lo kuah ve nghal.

"Ni e, a khawngaih thlak khawp mai. Nizana i vin bawrh bawrh angte khan in inneih hnuah chuan vin tawh miah lo vang che, i pasal a nih tawh dawn bakah nang aia upa fê a nih avangin zah takin i be ṭhin zawk tur a ni. A nih loh chuan rei lovah i nungchang avangin a ning vat che ang a, amah mai ni lo Junior-a pawh khan a ngaina lo tial tial mai ang che. A hmangaih che tih ka hre tawh a, nang paw'n amah kha i hmangaih tih ka hre tawh bawk a, tunah chuan rilru thlamuang takin mipa dang kutah ka hlan ngam tawh che a ni"

"Ka lawm e pa, nang anga pa ṭha an awm leh thei pawhin ka ring tawh lo. Henry-a nena kan inneih i phal avang hian ka lawm a, thu ṭha tak tak min hrilh ṭhin avangin ka lawm em em bawk"

"Nizan leh nichin mai kha chuan ka chungah i lawm vak loh kha le" nui nghawr data a rawn tih chuan ka ṭah nuih hawk a, ka lawmin ka la zak ru tho bawk sia ka theih tawpa nghet chuan ka kuah vak ringawt.

Ka room aṭanga ka pa a chhuah hnu chuan Engzuali ka be nghal a, pasal ka neih dawn thu ka hrilh chuan awih pawh a lo awih duh lo. A awm ve tho, kum 3 chhung zet chu bialpa emaw ngaihzawng emaw ka neih awm a hre ngai lo tlat alawm.

Ka pasal tur hming ka sawi hnu chuan awih lam rawngkai lek lekin min lo chhang a, mahse a la awih famkim chuang lo.

A bialpa Sumo driver nena an chanchin ka zawt ve nghal zung zung a, inṭhen miah lova an la inkawp tluan zel thu min lo hrilh ve mai bawk.

Henry-a nen kan intawn hma daih aṭang tawha inkawp an ni a, keini tehkhin chuan inngaizawng rei ve ngar ngar tawh tak an ni. Inneih lam chu ka zawt leh a, mahse inneih erawh an la tum lo cheu. Mak ka ti viau dawn a, mahse sawi theih ka nei lo tih ka hre chhuak nghal.

Kum eng zat pawh inngaizawng se hmangaihna tel miah lova inngaihzawnna hi a awm thei tlat a, chutih rualin rei lo tê pawh ni se inngaihzawnnaah chuan hmangaihna a awm nghal thei tih ka hre chiang em em tawh a ni.

Henry-a nen khan kum 1 pawh kan inngaizawng tling lo va, kum 3 hnuah kan inhmuh leh te nen belh khawm pawhin kum 1 a la tling thei chuang lo. Thla 4 emaw thla 5 emaw vel âwr chauh kha kan inngaizawng hman a, mahse nasa takin kan lo inhmangaih hman tlat tawh thung a nih kha!

Kei chuan kum 3 kal ta daih tawh khan ka hmangaih thu ka sawi a, ani ve thung chuan kum 3 hnuah chauh min hrilh. A pawi ka ti lo, kum 3 hnu emaw hma emaw pawi tihna ka nei lo, a chhan chu min hmangaih tih ka hre tawh tlat.

Thil chi hrang hrang Engzuali nen kan sawi hnu chuan kan inbiakna chu kan titawp a, ka rilruah Henry-a a rawn awm zui nghal. Ka pa thu min hrilh te chu ka ngaihtuah let a, tum eng ang mah ila Henry-a ka khawngaihna chu ka tireh thei lo.

Keia reng reng pawh hi ka lo â ngawt mai, a chhungte chanchin ka lo zawt ngai miah lo chu ka inthiam lo. Tlem talin a chhung leh khat te chanchin lo hre thawi ila chuan tun ang em ema ka khawngaih ka ring lo.

Ka rirlua lo lang hmasa ber a nih avangin Henry-a chu ka call a, a hmel hmu lo mah ila a aw tal chu ka hre châk a ni. A ring ral tawh dawn emaw ka tih hnu chuan phone chu a lo pick up ve hram a, mahse amah ni lovin Junior-a zawkin a lo pick up tih ka hre chawpchilh nghal.

Junior-a chuan a pa'n in leng a neih thu a rawn sawi a, ka biak tum zawk be ta lo chuan Junior-a chu ka be ta daih. Ama tawkah a ṭawng duh ve em em reuh a, biak pawh kan inbe rei phian.

Kan inbiak deuh fê hnuah phei chuan Video call in kan inbiak chhunzawm daih a, Art room kum 3 chhung teh meuh an hawn ngai tawh loh thute chu min hrilh melh melh bawk.

Ka hmuh châk tlat avangin room chu ka hawn tir a, a sawi ang ngeiin ka awm ve laia mi ang chiah khan room chhung chu a lo awm.

Junior-a chuan a pa ka biak duh leh duh loh min zawt a, ka duh loh thuin ka chhang ta mai. In leng a nei a, a awmzia chu mi nen an inbia tihna a ni a, chuta kara lo biak buai emaw a hmel hmuh lo tum ve sek kha a fuh ka ti ber lo.

Ni e, ka pa sawi kha a dik vek. Kei pawh hian ka zia tam tak hi ka paih a ngai, nupui leh nu ka nih tawh dawn avangin ka puitlin lehzual a ngai dawn a ni.

Junior-a nen kan inbiak zawh chuan ka mu hnawk a, kan inbiak chhung zawng khan Henry-a ka khawngaihna kha a rawn awm miah lo, mak ve tak chu a ni. Thil dang daih kan sawi dun vang te pawh a ni ang, mahse ka khawngaihna chu a reh tihna a ni chuang lo, ka la khawngaih reng tho.

Zanah chuan Henry-a te pafa chuan mi pakhat hi an lo lenpui a, a hmel aṭang chuan pavalai vel a ni tih a hriat theih. Zanriah kan ei laiin ka pa chuan palai an lo kal tur thu min hrilh lawk vek tawh a, Henry-a lo hruai pa chu palai a nih ka ring thiam nghal mai bawk.

Junior-a chu room lamah ka pheipui leh daih a, putling inbiakna kara lo awm ve reng kha a fuh berin ka hre lo. Room lam kan pan rualin Peksanga pawh a room lamah a kal nghal daih a, Henry-a nen kan innei ve thei tak tak tawh tur chu ka lawm a ni.

Darkar 1 hnu velah Henry-a chu ka room-ah a lo lut hlawl a, Junior-a nen chuan kan lo meng phawk teh e! Khuma kan lo mut zalna ah chuan a rawn mu ve ringawt a, a palian bawk sia khum chu a che dul dul nghal thei.

Khum aṭanga thawh ka tum chu min kuai mu tlat a, a fapa awm lai ni mahse chutiang vela awm chu zu han zak miah lo a, kei ka zah ruk tehreng nen.

Ka tal vak vak pawh chuan min thlah duh ṭhak lo va, kan awm dan naupang chhia zet avang chuan Junior-a chu a rawn nui chhuak a, kei pawh ka nui ve ta tawp. Rei pawh awm duh lovin ka room aṭang chuan Junior-a chu a chhuak ta daih a, nuam ka lo ti rilru khawp.

"I signal chiang ti raw? Junior-a kha chhuak turin i signal chiang ti raw?" en hâw chung chuan ka ti a, a chet dan chu a ti awm ang lo ve ê, mahni fapa te han chhuah tir daih mai chu!

"Aih" a rawn ti tawi tak a, ka hnute zawnah chuan a hmai a la phum hmak zui. Nam sawn tumin ka bei ngîal a, ka thei der lo. A awm dan chuan min tizauthau a, rang taka min tidanglam thei zel chu a mak ka ti zawk.

"I thusawi kha ka awih hauh lo aw, i signal chiang lutuk. Ni lo se chuan a chhuak hauh lo vang, i lo luh hma pawhin a chhuak miah lo. I lo lut chiah a, a chhuah daih danah chhuak turin i signal tih ka hrethiam e! Khawi teh, awm sawn teh, mi dang an lo lut ang e aw" ka tih pawh chuan min la thlah duh chuang lo.

"Ka signal lo tak tak, mahse a chhuak daih kha ka lawm, chuan vawiin khan min be ve mai ta che, engatinge ka fapa chiah i biak? Keiin ka ngaih tehreng che nen, min ngai ve miah lo em ni?" a ti nui nui a, ka nui ringawt.

"Ngaih te chu ngai tehreng mai, mahse vawiin kha chu i buai hmel em a, Junior-a zawk ka be ta daih a nih kha!" a awm ngai chuan a la awm reng a, a rit ang reng bawk sia ka ning lek lek tawh.

"Nang be tur che hian ka buai hleinem, ka buai ngai lo bawk ang" tiin a che hrut a, ka kawr chhanah ka hnute a rawn hmuam ta. Nam sawn chu ka tum nghal a, mahse lungpui nam sawn tum ang vel a ni.

"I vun no tak hi ka ka chhunga dah ka duh Bawhi" min koh dan avang chuan ka ang phuau a, ka tuiral a, ka hnute hmur leh a chheh vel a hmuam rual chuan ka harh chhuak zawk.

"Ni lo Henry, a chi miah loh, mi dang an lo lut ang e" ka tih pawh chuan a chet chu a chawl lo va, kei lah chu nasa takin ka lo danglam leh vek tawh, sex hman châkna hlirin ka khat leh tawh.

"Ka ta chiah i ni Bawihi, i ni reng bawk ang" ti supin ka hmuiah chuan a fawp vang vang a, min koh dan mawlh chuan ka thinlung a hneh a ni.

"Henry, engatinge Bawihi min tih kher a? Ni dangah min ti ngai bawk si lo" kan awm dan pangai vek tawh mahse ka aw chu a la pangai thei lo, a khur a ni ber.

"A chhan chu ka Bawihi i nih avangin, ka Bawihi chiah" tiin min kuah vang vang a, kei pawh ka awm mai mai bik lo, kuah nghet ve tak ka ni. An pafa chuan dar 10 velah an haw a, an haw dawn te chuan ka thlah ve leh thlap.

Inneih thuai thuai kan duh ve ve avagin man hlan pawh kan ti har lo hle a, Engzuali pawh lo chhuk tura ka hrilh lawk diam tawh avangin kan inah a awm ve ran tawh.

Zanah chuan kan bengchheng dun thei em em a, ka chhungte chu zahna chhe tê mah a nei lo. Ka chhungte biang biak vel dan lah chu a thiam phian bawk si, Peksanga nen phei chuan ni khat chauh la awm dun ni mahse innel tawh tak an ni.

Ka nu leh pa chuan han fiam zah vel an tum ve ṭhin a, Engzuali erawh a zak teuh lo, a ngampa hi a ni tawp. Ka pa phei chuan

"In kawm awm reng in lo nih hi!" a ti ta thlâwt a, keini pahnih lah chu tleirawl tir ang maiin kan la innuih vak vak zui.

Ka room-ah chuan kan mu dun mai ṭhin a, titia zan khaw tai rek thlêng thleng men chang kan nei leh nghal ringawt. A bialpa chanchin min sawipui a, keiin Henry-a chanchin ka sawipui bawk a, sawi tur kan ngah dun thei khawp mai.

Hmel inhmu lova kan awm tâk reng hnu kha chuan han titi emaw han nuih dun vak vak ang kha kan nei tlem a, mahse tunah zet zawng ka ze kumhlun a chhuak leh vek tawh zawk.

Man hlanni a lo thleng a, keini lam aṭang chuan chhungte min ṭawiawmtu an awm nual a, Henry-a te lam erawh an awm lo tluk a ni. A hmel hriat ṭha leh hna a lo thawhpui ṭhin ṭhenkhat chauh chuan an rawn ṭawiawm a, langsar takah ṭhu lo ila chuan khawngaih avangin ka kuah leh duh mai ka ring. Mo lam aṭanga thusawi tawi nei turin ka nu chu a lo ding chhuak a, man pawh kan inhlan fel vek tawh.

"Aw le, la hre lo in lo awm palh takin kei hi Hlutei nu ka ni a, hetia kan fanu in pasal a nei ve ringawt tur hi ka nuih te pawh a za zawk e a!" ka nu chuan a rawn ti kher a, mipui chu an lo ṭhen ṭhaw hlawm nghal.

"Zing thawh hma nachang pawh hre lo, mahni tal tala tal ve tawp, nau te kutthlak ching em em leh ṭawng thei em emin pasal min neihsan mai tur hi a mak ka la ti bang thei lo" ka nu min sawi dan avang chuan zak tak ka ni, mi dang ho lah chu an khi ṭhaw hlawm a, ka nu chu va chum pawp pawp ka châk lutuk.

"Sawi zel rawh nui" ring ang reng tak hian ka pa chuan a la rawn ti zui, ka zak lutuk chu Engzuali kut ka vuan ta ringawt. Kan chhungte chuan min en ṭhup a, kut te lah chu an la beng leh ta nghal a!

"En rawh u saw, a hmel te saw a pe no ve chêk reuh a, zirtir fê ngaia thil thiam thei chauh hmel a nih saw! Engtin nge ani ang hmeichhia hi nupui atan i duh theih Henry?" ka nu chuan min puan vek tak ngial dawnin ka hria, mi zawng zawng chuan min nuih tawh a ni ber. Ka ding lama mi a rawn nuih rik avang chuan ka melh chho hraw a, a ka chu a chip rang hle.

"Tak tak a, boruak a uap em a, ka'n fiamthu ve zuai a nih kha! Hlutei hi mi inzirmi tak a ni reuh a, mahse a luhlul em em thung. A hmate kha chuan in chhungkhur chet velah hian beidawn thlak chang a tam ṭhin, tunah erawh ram danga a awm chhung khan a lo inzir nasa hle a ni ang ei rawng bawl pawh a thiam vek tawh. Henry-a reng reng pawh hi a phakar reuh ka tia, chhawr tlak tih a hriat veleh nupuiah a nei hmak dawn a nih hi!" tiin ka nu chu a rawn fiamthu leh hram a, chutah Engzuali chuan

"Ka kut i sihna hi a na tawh lutuk LALRINHLU" a rawn ti chhuak phawng a, mipui chu an lo nui sup sup a, zah namen lovin ka zak zui nghal.

Kan man inhlan boruak nei nuai chu kan chhungte lawmah a tla tlat pek a, Peksanga phei chuan a kut a lo ham ri vak vak vel.

Zak em em chung chuan man hlan programme chu ka tling tla ve thei hram a, kan man inhlanna hmuna chaw pawh ei lovin Engzuali chu ka hawpui nghal daih. Ka room chhung ka thlen chuan ka mu kawm kuk a, Engzuali erawh chuan min lo nuih char char thung.

Kan hun hman dan chu ka ngaihtuah let a, ka va han zak ngawih ngawih tak em. Khumah chuan ka tal vak vak a, engmah lah chuan a siam ṭhat theih tawh der si loh.

Kan chhungte lam ai zawngin Henry-a ṭawiawmtu te chu ka zah a, Henry-a ṭhianpa tur phei kha chu ka zah lehzual. Min nuih tih kha ka hmu ru reng a, vawi khat mah a lam pawh ka hawi lo.

Zanah chuan ka nu chu ka hau vak vak a, ani lah chuan min lo nuih khum mai mai. Kei tih loh chu an nui vek a, LALENGZUALI pawh ka chhungte lamah a ṭang hmak. Zan reiah erawh ka pangai leh vek tawh ang lawi a, ka lehkha zir sanna te chu khawi lamah, ka zia chu kum 3 kal taa mi ang hlak kha a ni.

Kan inneihni chu a lo thleng ta ngei a, zam tak têin ka zam leh tlat tawh. Henry-a te biak in lamah kan inphur phei a, make-up pawh ka hmang tam lo. Ka pasal tur berin hman tam a phal lo va, ka hmel natural tak hmuh a duh zawk thu min hrilh ve khanglang a nih chu, Thlawi zun ngah senior-a hian!

Biak in chhunga thutiam kan chham laite chuan ka aw a khur vel a, ka ṭawng sual thut ang tih chu ka hlau hle. Mipui erawh an tam lutuk hran lo va, pawi pawh ka ti lo, tam lam ai chuan tlem lam ka duh daih zawk.

Wedding Photo shoot nei tur chuan kan kal leh vang vang a, khawi lai nge kan kalna hmun chu a nih pawh ka hre lo, mahse a mawiin a dangdai reuh hle. Mo thuam nena awm reng chu ka hne, ka ning tawh lutuk, thlalak chu lawm hle lo ila chuan ka ze dik tak a chhuah leh tawh ka ring.

Henry-a chuan Photographer a lo ruai thlap a, a mi rawih chu Mizo pawh a ni lo. Photo Shoot kan neih zawh chuan ka thaw huai a, kan haw lam te chuan mut chhuak tak ka ni. Ka insum thei tawh lo chu motor seat hnung lamah ka chho a, ka mu nghal hmak. Thawmhnaw hak thlak ka ken avangin mo thuam ka inbel tawh lo va, inbel reng pawh ka peih bawk lo.

Ka harh leh meuh chuan khumah hian ka lo mu a, ka mutna room chu Henry-a te pafa room tih ka hre nghal. Thawm lah chu a reh diak a, khum bulah chuan ka thawmhnaw bawm a lo inhung ṭhap bawk.

Room chhunga sana intar ka en chuan zan dar 9 a lo pel tawh a, chutiang em ema rei ka lo muhil chu ka inhrethiam bik lo.

Thawmhnaw pangai ka inbel fel vel chiah tihah Henry-a chu room-ah a rawn lut hlawl a, a inbual fai vek tawh a ni ngei ang a sam chu a la hnawng deuh chap. Bathroom lam pan tuma ka kal chu min pawm kang lawpin khumah bawk chuan min mutpui a, ka en hu ringawt.

"Ka la intifai ve miah lo a nia, min thlah phawt teh. Ka va intifai hmasa ve phawt ang e, nang chu i intihfaih vek tawh kha!" ka tih chuan

"Nakinah kan intifai dun zawk dawn nia" ti nghutin min fawp nghal mial mial a, thlek sawn chu tum teh mah ila ka lua a vawn tlat avang chuan ka thei lo chiang hle.

Min fawh rei hnu chuan ka danglam ve leh nghal mai a, min fawh dan paw'n awmzia a neiin zun a ngah leh tawh khawp. Ka hmui a fawhna aṭang chuan ka nghawng leh ir lamah a insawn thla a, ka hnute ah a ṭuan chhunzawm nghal.

Vawt riai riai avang chuan ka meng ṭawk ṭawk a, ruak ngal ngatin ka lo mu vek tawh hi a lo ni. Ka hnute aṭang chuan hnuai lamah a chhuk tial tial a, a hmuiin ka hmeichhiatna a sik rual chuan ka thaw chhuak hawk.

Bed sheet chu ka ṭham vak a, a lei ringawt pawh chuan nasa takin nawmna leh tisa châkna min pe a ni. Minute rei pawh a liam hmain a vawrtawp chu ka thleng der a, ka awm dan avang chuan a lo nui ri suk bawk.

Chung lama rawn insawn chhovin ka hmui chu a fawp leh tawn tawn a, ka thiam ang tawk chuan ka lo chhang let ve bawk.

Chutah min fawhna aṭanga awm sawn thutin a thawmhaw chu a phelh sawk sawk a, a mipatna hrawl ṭha tak rawn inperh kawh vah ka hmuh avang chuan ka hawi sawn chiang kher mai.

Henry pathlawia erawh a lo nui suk a, engtin nge a chet zel dawn tih lam pawh ka en duh tawh lo. Ka saisir ang ang chuan a rawn saisir ve nghal a, ka lo maimitchhing tawp.

"Bawihi, a na rei lo vang aw" ti supin ka dar chu a fawp a, min tawhna avang chuan ka dik lo ṭan leh nghal der tawh.

Ka beng kawmte chu a rawn pet ne nê a, a mipatna lian leh sei tak chuan ka hmeichhiatna chu hrut pah reng bawk. Chutia a mipatnaa ka hmeichhiatna a hrut reng avang chuan ka mur chhuak vek a, bed sheet hmer ngawng ngawng loh chu tihtur ka hre lo.

A rawn hrut rang tial tial a, dik tak chuan ka taksa chhungah lo lut tawh mai se ka ti, mahse ṭawng chhuak tur pawhin rilru fim ka pu tawh lo a ni ber. Vawi leh khatah ka hnung lam aṭang chuan a rawn che thut a, a nat lutuk avang chuan ka meng chiang hle.

"Che tawh suh, che tawh miah suh, a na lutuk Henry" ka ti ta tawp a, a mipatna chu ka taksa chhungah a lut leng lo ni berin ka hria. Na ka ti lutuk chu ka ṭhen chai chai a, chutah Thlawi senior-a chuan

"A la lut mang hleinem Bawihi, a hmawr chauh a nih khâ" a rawn ti a nih chu! Ka thin a rim bawk si, ka chet chuan ka kap a na dawn tih ka hre kar bawk si nen ṭah vak mai ka duh.

"A lut bawk, a lut vek tawh Thlawi senior, lut vek lo se hetiang em em hian a na lo vang. Ka duh leh lo, ti leh lo mai ang. Duh leh naktukah kan ti mai dawn nia, a na em mai ka la inpeih lo" ka tih chuan

"Ni lo, lawi ṭhat zanah ngei hian i taksa chhungah ka lut dawn Bawihi, i vawi khatna a nia i la hrethiam lo a nih kha! I na rei tawh lo vang, i nat rei ka phal bawk lo" a rawn ti thuai a, ka inrin loh lai tak chuan a rawn che leh ta, ka kaw hawkin ka hria.

"Ti khan a lut full chiah aw Bawihi, na i ti em mai ka'n chawl rih mai ang e" a rawn ti sup a, chhan pawh ka chhang buai peih rih lo.

Ka kap thip vawng vawng chu zawimuang hian a nuai a, a mipatna erawh a che tawh lo. A thil tih chuan mak tak maiin zauthauna min pe a, ka kapna lutuk pawh chu a reh tial tialin ka hria.

Chapter 32

Ka awm dan chu a danglam ṭan tih a hrethiam nge ni a kut chet tir reng chung chuan a mipatna chu a rawn nawr lut riai riai a, chutiang em em chuan a lian ang tih ngaihna ka hre lo. A hmuh kha chu ka hmu hmasa ngei a, mahse mita hmuh leh a taka tawn chu inang lo tak a ni.

Ka hnung lam aṭang chuan a che chawl lo va, ka nat a hlau tih hriat takin a la che muang hle bawk. A kut chuan ka tisa châkna nasa takin tichhuak mahse a mipatna hrawl zet avang chuan a reh leh vat ṭhin, ka hmeichhiatna chu a la na thlawt a ni.

A hma aiin a rawn che rang deuh a, nuam tihna pakhat mah ka la nei lo. A kut chuan a nuai pah reng a, a chet ran deuh sawt avangin ka tisa châkna te chuan kiam lam min pansan tial tial bawk.

"Ka thun full leh lawk dawn aw Bawhi, na i tuar law law ang a, mahse a tira mi ang em em kha chuan na i ti tawh lo vang" tiin ka ban chu a fawp thla diat diat a, ka taksaah chuan zauthauna leh na tihna a inawm pawlh nuai mai.

"I lo thun full leh pek na nge? A na teh mai a nia Henry, zanin ngeia hman kher a ngai em ni? Naktuk emaw ni dangah emaw hmang zawk mai ang. A na! Che tawh rih lo lawk teh Henry, chawl lawk teh" vin chiam pawh tum ila ka thei tawh lo, ani pawh chu a che tawp ve mai bawk.

"Ni lo ve Bawihi, zanina kan hman loh chuan lawi ṭhat zan hlutna a bo daih mai ang. Chu bakah kan tling tla ṭep tawh alawm, a rei tawh lo vang"

"A nih chuan tite deuh mai la Henry, ip tê deuh mai teh. A lian em mai, hetiang em ema a len theih pawh ka lo ring ngai lo" ka thusawi avang chuan a rawn nui chhuak hawk a, kei chuan fiamthu ka sawi awm ka hre miah lo.

"Ka ip tê thei ringawt hleinem, nakinah chuan nuam taka siamtu tur che a ni zawk alawm Bawihi, i va lawmawm reuh tak! Ka phawi lawk ang a, a bul aṭangin kan tiṭha leh daw nia" tiin a mipatna ka hmeichhiatna chhunga invuah run chu a phawi riai riai a, ka veng huaiin ka hria.

Ka hma zawnah chuan a rawn ṭhingṭhi a, a mipatna mawlh chuan min tizam a ni. Room light off a nih loh vangin chiang takin engkim ka hmu thei a, a mipatna hrawl leh sei zetah chuan thisen a kai deuh nuai bawk.

Ka ke pahnih chu pawt kauin min rawn bawh a, ka hnute fawp bawrh bawrh pahin a mipatna chuan ka kap chu a hrut pial zawt zawt bawk. Min sawngbawl dan chuan awm ngaihna min hriattir lo va, a nuam lutuk chu ka ṭe chhuak lo chauh a ni.

Zawimuangin a mipatna chu ka taksa chhungah a rawn nawr lut a, a sawi lawk ang ngeiin a tir ang em emin a na tawh lo tak tak.

Ka hnute chu a fawp chawl lo va, ka hnute hmur lai tak chu rang zet hian a liak zawt zawt a, rilru fim reng ka pu thei tawh lo.

Hnuai lam pang a rawn chet hnu chuan ka meng leh thut thut zel a, ka taksa chhunga lut mek chu a len em avangin na ka la hre thei tlat a ni.

A che rang hran lo va, mahse a che muang em em tawh lo. Na ka tihna leh nuam ka tihna chu a inpawlh nawk nawk a, minute eng emaw zat a chet char char hnuah chuan nuam ka tihna chu a rawn sang zawk ta.

Ka kawnga chelhin ka mawng chu a malah a nghat a, ka mawng chuan khum a si tawh lo hrim hrim. A che mial mial a, na zeuh zeuh la awm mahse nuam tihna avangin ka taksa pum chu a za vek tawh zawk a ni. Ka taksa chhungah chuan a rawn lut rang tial tial a, kei erawh er ngawng ngâwngin ka lo thaw hlawi hlawi thung.

Lum tih avangin ka thlan fimte chu an rawn bawl ṭek ṭek a, nuam ka tih tawh lutuk avang chuan ka ṭe chhuak teuh thei khawp.

A mipatna chu phawi thutin min saisir tir leh a, ka bawp chu sang vak lova kuai kakin hnung lam aṭang ka taksa chhungah a rawn luh zawm leh nghal. A hma ai zawngin a che chu a rawn rang a, kan taksa innâwk chuan ri a siam chhuak thei hial.

"Henry" thei leh thei lo chuan ka ti ṭawk ṭawk a, ka aw te chu a ri chang chang a, rei lovah vanram tla fual chu ka tem zui nghal.

Ani erawh a la che mial mial a, che rang tawh tak a ni. Kan taksa te chu a ri châwk chawk a, ka taksa chhung lam chu rang takin a rawn dik lo leh nghal. A ban chu ka hmer ṭawng ṭawng a, min dimna a nei tawh lo hrim hrim.

A awm dan thlakin min rawn bawh leh a, ka taksa chhungah a rawn lut leh nghal zawt zawt. A hnungzâng chu ka ṭham tawn tawn a, ka insum zo leh tawh dawn lo tih pawh ka hre ṭan.

"Bawihi" ka pasal aw chu a phelh ve phang a, a chet ran zawng chu a la kiam eih lo.

A hma ai zawngin a hmanhmawh emaw tih theih turin a rawn che zawt zawt a, kei erawh insum zo tawh lovin ka baw leh ta hawk.

A vawrtawp thlen avanga ka phut euh euh lai chuan ka taksa chhungah thil eng emaw ni hi a rawn lut puat puat a, ka pasal chuan a vawrtawp a thleng ve chiah tih ka hrethiam nghal mai bawk. Kei erawh vawi hnih lai ka lo thleng hman a, mahse sawi kher ka tum lo.

"Ka hmangaih che Bawihi, kei ang bawka min hmangaih ve avangin" khi suk chuan a rawn ti thum chhal a, ka hmuia a fawh vawng vawng hnuah ka sirah chuan a inlet thla zui nghal.

A ban kham chuan ka mu a, thlan tui nen kan ni nûai bawk. Zawimuangin ka mutna aṭang chuan ka tho a, Henry-a erawh a lo maimitchhing daih thung.

A mipatna bawk chuan ka mit a la leh tlat a, mak ka ti em a tin ni! Zawi hnûang mahse a la hrawl em em tho a, a mipatna bulah chuan hmul tlêm tê a ṭo bawk.

"Khatia i en reng chuan a rawn inpeih leh thuai dawn nia" a maimitchhing emaw ka tih kha a lam ka hawi chuan a lo meng leh diam tawh, min la nuih suk zui.

"Kei chu a mak ka ti ê Henry, i ta ang hian mipa dang ta a lian ve tho em?" tiin ka rilua awm hmasa ber leh ka hriat châk chu ka zawt tawl a, nupa kan nih tawh avangin ka zak buai duh tawh lo.

"Bawihi le!" tiin a rawn nui chhuak hawk hawk a, ka zawhna mawlmang zet avang chuan kei pawh ka nui ve leh ta tawp.

A mal a tawm rual chuan ka lamah a mipatna chu a rawn thle nguai a, ka en ringawt pawh chuan ka zauthau leh ṭan der.

"I ta chauh ni tura siam ka ni a, chuvang chuan mipa dang nen kan inang thei lo" ka kut hmawr fawp vang vang pah hian a rawn ti a, min tawhna avanga ka danglam hma em em ṭhin chu ka hrethiam tawh bik lo.

"Ka va inbual ang e" tiin khum aṭang chuan ka chhuk a, mahse ka kal dan a dik thei ta tlat lo.

Ka kal dan avang chuan Henry-a chu a rawn nui a, huat enah pawh ka en tawh bik lo, ka kal kak tlat chu mak ka ti.

"Kei pawh ka lo inbual ve dawn" a tih chuan thei leh thei lovin ka tlan thut a, inbual dun ka duh teuh lo mai.

Bathroom kawngkhar ka kalh dawn chiah tihah ka kut chu a rawn man chat a, bathroom chhungah a rawn lut zui nghal.

"Inbual dun ka duh lo a nia Henry" ka zah vang pawh a ni lo, ka duh lo ve tawp. Ani lah chuan kawngka chu a kalh ṭha tê te a, shower zawnah chuan min hruai phei ta daih.

"Henry ka hnungah khan ding reng lo la, min chul reng chuan ka danglam leh vek dawn nia, ka peih tawh rih lo" Shower Gel chu ka taksaah a chulh reng a, min bual a ni ber.

"Ti leh lawk mai ang Bawihi, i chet hah pawh a ngai lo vang, chuan a hma zawng aiin nuam i ti dawn tih ka hria" ti supin min kuai her a, ka hmuia fawpin a kut chuan ka hnung lam aṭangin ka kap a rawn zut a, ka phu zawk nghe nghe.

"Henry" ka hnute a fawh laite chuan ka ti tham ṭiak a, a kut chuan nasa takin min siam nuam a ni.

A kut chu a tiche rang tial tial a, ka ding ngil thei tawh lo tak ngial dawn. A tawpa tawpah chuan ka ding reng thei ta lo, chu chu a lo hrethiam a ni chêk ang ka khup ka tawm tur chu min pawm kang lâwp nghal.

Ka hmuia fawp pahin a mipatna hrawl zel chu ka taksa chhungah a rawn thun thuai a, a ka chhungah chuan ka thaw lut hawk nghal. Hnuai lam aṭang chuan a rawn che chho zawt zawt a, ka rum chhuak ta nge nge.

Ka thawm siam chuan a tiphur zual emaw tih theih turin a rawn che uar a, ka awm pangai thei tawh thlâwt lo. Ka kuah bet thlawp a, a darah chuan ka kun ngul a, kuah pawh ka kuah nghet ṭha hlei thei tawh lo.

Ani erawh a che chawl lo va, ka malpuia ṭhamin min chawi a, ka kawng hnuai lam chu ka thunun ni lovin ama thunun vek a ni tawh zawk. A tih ang ang chuan ka awm a, ka rum chhuak leh thut thut zel.

"Henry!....Henry!" ka aw chu a ni nuai tawh mai, insum rei thei tawh lovin ka baw leh ta hawk.

Ka taksa chhungah chuan thil eng emaw ni a rawn chik lut puat puat a, sawi kher ngai lovin ka pasal nen a vawrtawp kan thleng rual tih ka hria.

"Bawihi, ka duhthusam ang ngeiin i taksa chhunga luh hi a nuam" ka chauh lutuk avangin chhan pawh ka chhang peih lo, chutiang bawkin ani pawh a rawn ṭawng chhunzawm tawh bik lo.

A mipatna chu ka taksa chhung aṭang a phawi riai riai a, a mipatna chuan min hrut za mer merin ka hria. Ding tura min hlan thlak rual chuan ka khup ka tawm nghal châwih a, ka kawng hnuai lam chu a la pangai thei lo.

Ka hmeichiatna aṭanga thil tui hnang lo luang thla fan duai duai ka hmuh chuan mak ka ti a, Henry-a erawh a lo nui suk thung.

Tui lum chuan kan inphuh ser ser a, tûmah kan ṭawng tawh lo. Kei pawh rei lovah ka ding pangai thei ve leh mai a, ka zak tawh miah lo bawk.

Ka mipa hmangaihin chiang mang khenga ka thianghlimna a hawng chu ka lawm a, a hun lai chuan na hle mahse tunah erawh a hlimawm ka ti tawh zawk.

Kan inbual zawh chuan min nawr kal dat dat a, towel chuan min hru hul leh vek bawk a, min duat vel lutuk chu nuam ka ti. Ruak ngal ngat chuan khumah kan mu a, ka mut lah chu a la chhuak der lo zui.

"Henry, ka mut a chhuak thei miah lo. Tlaia ka mut ṭeuh vang kha a ni ngei ngei ang" tiin a lam chu ka hawi a, ani chuan min lo nuih ringawt. Chutah ṭhu chhuak thutin

"Ka mamawh leh nghal tawh che Bawihi, i mut a la chhuak chuang lo, ti leh mai ang" a rawn ti hlawl a, naupang chhia takin a la nui sun sun zui.

Ka rizai sin lai chu a rawn pawt sawn thuai a, mahse kei chuan nupa nun hman leh chu ka peih tawh lo.

"Henry!!! I mak zawt zawt lutuk, ka chau lutuk palh ang. I dul a kiar ṭan e ti lo chuan i fit bawk si, min dim ngai bawk si lo, naktukah chuan ka rawl khawp ang. Ka peih tawh rih lo, khawi maw" ti hmawk hmawkin rizai chu ka ban a, chhuatah rizai chu a theh thla daih a nih chu!

"Ka dim tawh ang che Bawihi, ka inpeih leh vek tawh" tih pah chuan ka ke pahnih chu a rawn chelh a, a kap zawnah min pawt phei dâwr leh nghal ringawt tawh.

Ka ṭawng dawn chiah tihah ka hmui a rawn fawp a, min fawh dan lah chu chhan let loh theih lova nuam a la ni zui. Nupa nun hman peih vak tawh lova in sawi si kha tisa châknain ka khat leh nghal a, ka pasal chu nupa nunah a zei thlawt a ni.

Dik tak chuan a upa ve tawh bawk sia a chet ṭuah ṭuah ka ring kha a ni a, mahse ka rin phak bakin a lo fit daih, fit tak a ni.

A ngaite bawkin a mipatna lian zet chuan nuam takin min siam leh a, leng lo tura ka ngaih chu ka taksa chhungah a lut pulh pulh a, chutiang em ema thil nuam chu ka la tawng ngai lo. Amah aiin a vawrtawp ka thleng hmasa leh ta nge nge a, ani chu ka vawi hnih thlennaah a thleng ve chauh.

Inhmangaih tawn taka nupa nun kan hman zawh hnu chuan inkuah rialin kan mu a, chauh lutuk avangin ka mut chu a rawn chhuak ve ta tial tial. Ka mit ka men chuan khua a lo var diam tawh a, mahse ka mut chu a la chhuak hle.

Ka nghen chhan lum nuam tak avang chuan ka mit ka chhing zui leh vang vang a, ka awm dan leh ka awmna hmun chu a nuam tak zet.

Thil ri khep ri chuan min tiharh a, kawngka lama ka pasal ei tur keng chunga lo kal chu ka hmu zui nghal. Ka lo nuih sen sen a, nupa kan nih ve tak tak tawh avang chuan ka hlim a ni.

Boxer chiah chu a inbel a, mak tak maiin a dul kiar ṭan lek lek chu hmuhnawm ka ti leh tlat tawh, ka rilru chu ka hrethiam tawh bik lo.

"Thil ei ang aw" khum bul dawhkana eitur nghah pah chuan a rawn ti zângkhai vâh a, dawhkan chu ka lamah a pawt tawl nghal bawk.

Kei pawh rizaia ka taksa khuh chung chuan ka ṭhu chhuak a, ani pawh a rawn ṭhu thla ve mai. Eitur chu fianin min barh vel kher a, nuam ka va han ti tak. A mah a hmelṭha bawk si, pa bawk si, fel bawk si, ka pasal chu ka tan chuan a perfect thlawt a ni.

"Enteh Henry, i dul kha maw ticher lutuk leh lo zawk teh, tlem tê chiahin te cher rawh aw" ka tih chuan a rawn hawi vut a, kei erawh ka lo nui sen sen thung. A fian ken lai chu a la lek kang reng a, ka sawi tum chu a la man hauh lo bawk.

"Engatinge?" a rawn tih chuan ka nui chhuak ta tawp. Ka nuih avangin a dul chu a en a, a khawih vel a, engmah a la hrethiam chuang lo. A tih ngaihna hre lo chuan min lo en leh a, ka lo nui tawp hmak.

"I inhmeh phian ka ti leh zawk, mahse six pack tih vel kha chu la nei reng tho rawh. Ka sawi awmzia chu six pack nei tho siin nei lutuk suh, a mawi tawk chiahin nei rawh. Tuna i dul kha tihrawlah chantir chiah la a tawk ka ti, chiang deuha i six pack a lan kha chuan i inhmeh ka ti leh tawh lo zawk" ka thusawi avang chuan a rawn nui a, a lai ve chiangin ka hria.

"Ehêeeeee, i lai ve maw!? I lai ve thei maw Pathlawi? Khawi maw min han en teh" nui deuh put put chunga a hawi sawn daih avang chuan ka ti a, a biang ka khawih hma chuan a kal sawn hmak reuh, vel lutuk hian a!

"I va'n inhmeh lo bik thei tak! I lai ve thei tih reng ka lo hre lo Henry" room kawngka bul a thlen lai chuan ka ti vak vak a, ani erawh lo hawi let tawh lovin min chhuahsan hmak.

Bathroom-a lutin ka intifai a, thawmhnaw inbelin in hnuai lamah chuan ka chhuk zui nghal. Junior-a chu hmuh tumin ka'n zawng ringawt pek a, kan inah a riak daih tih ka hriat chhuah hnu chuan mawl ka inti hle.

Henry-a erawh pawnah chhuakin motor a buaipui a, keiin ei rawng bawlna leh thil sil tur vel chu ka tifai thung. Ka tih zawh hnuah pawh Henry-a chu a la rawn lut lo va, pawna ka va chhuah chuan mi tu emaw a lo be leh daih tawh.

Phone la be reng chung chuan ka lamah a rawn kal a, a ṭawng hman chu Hindi a nih avangin ka la hrethiam der lo zui. Min kuah dawn emaw tiin ka lo nuih ver ver a, min kal pelin in chhungah a lut daih a nih chu!

Thinrim ru ṭunin in chhungah ka lut ve nghal a, kan room lam panin a lo chho leh daih tawh. Ui têin a pu a zui det det ang maiin ka chho ve leh nghal a, room ka luh chuan phone la be chungin laptop a lo inchhawp vang mai.

A bula ṭhuin a ṭawng lai chu ka en reng a, min ngaihsakna chhe tê mah a nei lo chu ka hua a, inneih hlim hlawl ni mah ila ka titau dawn chiang alawm.

Ka ṭhutna aṭanga tho tharhin room aṭang chuan ka chhuak a, min han zawng ve reng reng teh se! In piaha kawng black top pawh la ni lovah chuan ka kal phei zel a, kawng sira thingkung lo ding tlar tuar chuan boruak a tinuam hle bawk.

Kha leh chen kha an bulah lo cheng ve tawh mah ila ka kalna hmun chu ka la kal ngai lo, kawng chu a nuam phei tial tialin ka hria. Ka phone phawrh tumin ka Jean kekawr chu ka zen a, phone reng ka lo keng chhuak lo, thlalak ka châk asin le.

Thingkung daihlim hnuaiah chuan ka ṭhu a, ṭhut pawh ṭhu rei lovin ka mu zal nghal daih. Daihlim aṭang chuan van thiang zau tak chu ka thlir a, zan ka mut ṭhat loh vang a ni ngei ang ka mut a rawn chhuak ta vat.

Ka mitthlaah chuan ka hun kal tawh a rawn lang zut zut a, Henry-a nen kan infawp dawn chiah tihah ka âwm za mer mer avang chuan ka harh a, ka âwma sava lo awm ka hmuh rual chuan ka ṭe chhuak vak. Sava pawh chu rang lutukin a thlawk sawn ve nghal a, ka mutna aṭang chuan ka tho ta vat.

Ni en dan aṭang chuan chawhnu lam a lo ni duai tawh tih ka hrethiam mai a, in lam panin ka haw ta vang vang. In ka thlen chuan a lo reh ṭhuap a, Henry-a hmel pawh ka hmu lo hrim hrim. A inbual a nih ringin room lamah ka chho a, a hmel ka hmuh chuan kawngka bulah ka ding ta chat.

"Aih, ka zawng nasa tawh lutuk, a kalna tur awm reng ka hre tawh lo" kal kual chhen chung chuan a ti phawlh phawlh a, min lo zawng ve ngeia ka hriat avang chuan lawm ru tak ka ni.

A kun deuh ngul avangin kawngka bulah ka ding tih pawh a hre lo va, kei paw'n thawm ka chhuah duh bik chuang lo.

"Ni lo, khatah khan a rawn kal ka ring ber. Aih, inhauhna kan nei lo, kan boruak a ṭha em em zawk" min hnung chhawn chung chuan a ti a, kei erawh hmui hupin ka lo nui ru char char. Va kuah thut chu ka tum deuh ûk a, mahse amah ngeiin min lo hmu se ka ti leh ta zawk.

"Ka hre lo tak tak ka pu, ka thiam loh a awm a nih chuan min ngaidam dawn nia, eng pawh ni se ka lo phei phawt ang" tiin rei lovah an inbiakna chu a titawp a, a mi biak chu ka pa a ni tih ka hre ve ta chiah.

"Henry Pathlawi" nui ver ver chung chuan ka ti zeuh a, ka insum thei tawh thlawt lo a ni. Rang tak hian ka lam chu a rawn pan hmawk hmawk a, ka bul pawh a rawn thleng phei rang hle.

"Mawli! Eng vanga ka hriat lovah chhuak bo nge i nih? I â em ni!?" ka dara hmer vak chung chuan a ti hriam hraih a, min thing nawk nawk pah bawk. Nuih luih pawh tum ila ka thei tawh lo, a hmela hlauhthawnna awm chuan min tihlauthawng ve vek.

"Min chhang rawh, engatinge engmah sawi lova i lo chhuah?" a rawn ti leh hrawk a, ka phut lutuk avangin ka thin chu a chhuak mai dawnin ka hria. Ka ban a hmerna avang chuan ka ṭhen sawk a, ka ṭah chu a chhuak zui nghal.

"LALRINHLU, min chhang dawn miah lo em ni? Nge nang hian min lo fiam kual vel mai mai, infiamna chi pawh a ni em ni?" min vin reng avang chuan ka mittui chu a rawn tling nghal pam a, ka hlauhthawn vang leh ka ban bul nat vang a ni ber. Chutah ka hmingpum ngatin min ko a, ka rilru chu a na hle a ni.

"Ṭah tum lo khan sawi teh Bawihi, kan inneih tukah hian inhauh ka duh reng reng lo" thinrimna awka tel miah lova a rawn tih leh chuan kun chungin ka ṭap ta nge nge a, tal vakin a ban chu ka chum pawp pawp a, a kut chu a dah thla ve mai bawk.

"Nangmah a nih khâ mi pawh ngaihsak duh lo hmasa" ti vakin kawngka lam chu ka pan a, ka mittui te chu hruk pawh ka tum lo. Ka kal laklawh lai chuan kang lâwp a, tunah chuan a hmel pawh ka hmu peih rih lo.

"Min dah thlah rawh, min dah thla nghal rawh HENRY LALSANGZUAL" tiin ka tal vak vak a, khumah chuan min nghat ta chawrh.

Thawh ka tum rualin min lo kuah nghal a, tal chhuah theih loh khawpa min kuah beh tlat avang chuan ka ṭap chhuak leh ta feih feih, tih ngaihna ka hre tawh thlâwt lo.

"Ka tihpalh" aw dam tak chuan ka beng bul chêtah a rawn ti lum ham ham a, chu chuan ka ṭah a tichhuak zual. Ri meuh chuan ka ṭah zawm nghal a, min tih dan vel chuan ka rilru a tina a ni.

"Ka hlauthawng lutuk alawm Bawihi, i awm loh tirh kha chuan chokaah i awm mai dawn emaw ka ti a, mahse i hmel reng ka hmu leh bawk si lo. Ngaih ṭha takin ka zawng che a, ka hmuh mai loh che avangin ka ngaih a ṭha lo vat a, chuvanga buai phili em em chu ka ni" min kuah bet ran chung chuan a ti thum chhal a, tal chhuah pawh ka tum tawh lo.

"Dawt sawi suh, ka bulah pawh i awm duh tawp loh kha! Ui tê ang maiin ka zui kual zel che a, mahse biak khat pawh ka hlawh lo. Pasal ka nei fuh viau dawn emaw ka ti a, ka lo hre sual chiang hle mai" tiin ka ṭah ṭawng zuah zuah a, a aia nghet chuan min lo kuah nghal.

"Ka tihpalh ka tih tawh khâ Bawihi, ka vin vak vak che avang khan ka thiam loh a ni e. Chutih rual chuan ka vin chhhan che kha a awm a, ka hmangaih vang chea vin chiam che ka ni tih i hre dawn nia"

"Dawt sawi ziah suh HENRY LALSANGZUAL, tu mihring mahin an mi hmangaihte an vin vak vak ngai lo, an hming puma kovin an hrawk ngai bawk lo, min lo hmangaih ve tak tak lo a nih dawn hi! Nupa kan nih hnuah chuan kan hlim dun te ka ring a, kan hlim dun dawn hauh lo tih ka hrethiam ta mai e"

"Thil ni lo lô ngaihtuah thleng ṭhin suh, chuan kan hlim dun dawn tih hre reng bawk ang che" min bawh thut chung chuan a rawn ti a, ka hmuiah chuan a rawn fawh zawm nghal.

Ka tal tur leh ka thle sawn tur chu min chelh tlat a, ka ṭap leh tawp. Ka ṭah lai pawh chuan min la fawp reng a, min fawh rei hnu chuan a fawh dan a rawn thlak ta. Ka hmui chu dam tak hian a pet ne nê a, chhang let loh theih a ni ta lo.

Ka taksa chhunga a luh laite chuan er leh tawn tawnin ka lo ang pam a, a nawm dan chu a danglam tak zet. A mipatna hrawl tak avang chuan ka la na zeuh zeuh a, mahse chu chu ka taksa chhunga a luh tirh chauhin a ni tawh thung.

Intihthiam loh hnua nupa nun hman zet zawng a nuam dangdai hle, kan inhmangaihna pawh a ngheh phah sawtin ka hria. Thlan tla phungin a âwmah chuan ka bei a, kan intihthiam loh chhanah chuan keimah ka inpuh ta ber.

In zawn tir tum vel kher lo ila chuan buaina kan nei miah lo vang, mahse chu chuan min lo hmangaih ve zia min hriattir thung lawi si.

"In in lamah phei ang aw Bawihi, ka pu khan chaw ei phei turin min hrilh lawk tawh a, kei paw'n pheipui che chu ka tum sa hrim hrim" a rawn ti thum dam dap a, kei pawh a âwma la bei reng chung chuan ka bu ve ngauh nghauh. Kan pahnih bawk chuan kan intifai dun leh a, hlim leh tawh tak ka ni.

Chapter 33

"Nimin khan engtin nge ka awm? In leng kan nei êm? Ka mut chhuak lutuk kha engmah ka hre tawh lo, Photo Shoot kan neih lai te khan ka mut a chhuak daih tawh. Harh miah lova khuma ka lo mu daih thei kha mak ka ti, thil ei sual ka neih awm ka hre si lo" insiam mawlh mawlh pah chuan ka ti a, ani erawh chhuak turin a inpeih vek tawh.

"I muhil tui lutuk kha mi dang paw'n mak an ti alawm, i chau hle ni turah ka ngai hmiah. Tlai lama i lo mu lawk ṭeuh erawh ka tan vanneihna a ni leh zel a, mu lawk lo phei la chuan kan inbuaipui tlaivar thei hial lo maw?" a ṭawng duh dan vel chu ka run khawp.

"Nui suh aw, chutiang em emin ka harsat bik loh kha âw, i sawi uar mah mah a nih kha! Chu bakah hmeichhe dang pawh ni se na an ti ve tho ang, khatiang em ema lian kha neih pawh a ṭulin ka hre lo" melh kar chung chuan ka ti a, a la nui tawp duh chuang lo.

"Chu hmeichhe dang taksa chhunga ka luh i phal tihna em ni?" min tihthinrim dan hi a va han thiam tak, insiam reng chung chuan ka melh leh ta hrep.

"Hmeichhe dang han mutpui nâ teh, chu i hmeichhia mutpui chu ka kek nasa khawp ang. Chuan nang pawh ka ṭhen nghal vang vang ang che, chuvangin ngaihzawng neih tum reng reng suh ang che"

"Ngaihzawng han nei vel ngei ila i awm dan tur leh i chet vel dan tur ka hmu chhin châk" nui sun sun chung hian a rawn ti leh a, a thusawi chu khawvela thil ṭul lo ber a ni.

"Ka fiamthu miah lo a nia Henry, natna tam tak tuar hnuah leh thil chi hrang hrang paltlang chungin ka nei che tih i theihnghilh ta em ni? Ka hmangaih êm che avangin pasalah pawh mipa dang hnawlin nang pathlawi ngat ka nei che a, khawngaihin khatiang zawng kha chuan min fiam tum suh" ka insiam lai tawp meuh chuan ka ti zuih raih a, ka hawi sawn zui nghal bawk.

"Hei, ka fiamthu mai mai a nih khâ, hmeichhe dang lakah ka kalsan dawn hleinem chê. Kei te chu i ta chauh alawm ka nih, ka ni reng bawk ang. I rawn thinrim leh tur hmel kha ka hmu châk a, ka fiam mai mai che a nih kha!" ka hnung lam aṭanga min kuah pahin a rawn ti thuai a, rilru pangai put hram chu ka tum a ni.

"Fiamthu pawhin ka duh lo, khatiang zawnga infiam ka duh lo bawk. Nang pawh i duh loh zawnga ka awm i duh miah loh khâ, sim vang vang ka tum bawk" tiin min kuahna aṭang chuan ka kal chhuak a, ka mood chu a dul ruih tawh.

"Bawihi" min en reng tih ka hria, mahse a lam ka hawi duh tawh rih lo. Ka Handbag chhungah chuan ka mamawh tur awm ang ka khung mawlh mawlh a, ka din ngil rualin min lo kuah leh ta chat.

"Ṭawng zet zet la, min vin leh bawrh bawrh rawh, hetia ngawi renga i awm ai chuan nuam ka ti zawk. I rilru ka tikal dik lo tih ka hria, khatiang zawng khan ka fiam tawh miah lo vang che" a khabe ka dara nghat chung chuan a rawn ti sup a, lungngai taka awm reng chu a dik bikin ka hre ta lo.

"Ka pangai vek tawh alawm" tiin ka inher a, a hmel chu nui sang chung chuan ka en chho ran a, mahse ka nui lui tih a hria a nih ka ring a hmel chu a rawn pe nur hle.

"I la pangai miah lo, engtin nge ka tihhlim ang che? Engtin nge i mood pangaiah ka awm tir leh theih ang che? Han sawi teh, ka ti vek ang" a kut pahniha ka biang dawm pah chuan a ti sawk sawk a, rilru chhungril tak aṭangin ka nui chhuak ta nge nge.

"Engmah i tih a ngai lo, tunah khan ka pangai chiah, dawt ka sawi tawh lo. A hma kha chuan dawt ka sawi a, min hriat chian em khâ" nui chunga ka tih chuan thawveng huai hmel hi a pu a, min rawn nuih ve ta suk.

Kan in, ni lo, kan in a ni tawh lo. Ka pate in kan thlen phei chuan min lo hau nghal mawlh mawlh a, ka pasal hriat lova ka lo chhuah bo daih avang chuan min zilh nasa hle.

Henry-a chuan min ṭan zawngin thu sawi ve mahse tuma'n an ngaih pawimawhsak duh lo va, ka pa phei chuan an room-ah min ko lut hial.

Thil chi hrang hrang min sawipui leh a, ka zirna leh ka nungchang inmilh loh thute min hrilh a, a sawi zawng zawng chu a dik vek.

Hnial emaw chhan let tumna emaw pawh ka nei lo va, ka thiam loh dik tak niin ka hria. Ṭawng insum turin min ti a, ka ṭawngkam hman uluk turin min ti leh a, zanriah kan ei hmâ chu min zilh tluan ta ṭhak.

Zanriah ei kham hnuah erawh pangai takin kan awm leh vek ang lawi a, pasal neih chu nuam ka ti kher mai. Ka pasal neihna chu a la rei miah lo, rei lo tak a ni, mahse kum tam tak pasal nei tawh angin ka inngai nghal ringawt.

Zan lamah chuan min sawi sel a, min chhaih bawrh bawrh a, kan inneih tlaia ka awm dan thleng chuan an sawi chhuak ta.

Henry-a chuan ka bulah a lo sawi ṭha duh lo hi a lo ni a, ka chhungte'n ka awm dan an sawi chiah chu liam tawh mahse ka zak ru nghal veng veng. Ka nui tawi tâk tak a, ka nuih chu a zah teh chiam lo hle a ni.

Riak tura min tih tlat avang chuan kan riak ta nge nge a, keima'n ka duh tlat avangin chhuatah ka pasal leh ka fapa ni ta Junior-a te nen chuan kan mu nghe nghe bawk. Engzuali erawh ka khumah a mu a, nuam a ti bik chiah lovin ka hria.

A tukah chuan Honeymoon kan hman dawn thu Henry-a chuan min hrilh a, ka va hamhaih chiang tak! Ka zawh lah chuan kan inneihn hmaa a lo buaipui fel vek tawh thu a sawi a, thlawhna ticket thlengin a lo tifel diam tawh zawk hi a lo ni.

Engzuali erawh zing karah an khaw lamah a haw nghal a, thil hmanhmawh thlak a awm thut avanga chho zing em em pawh a ni.

"Junior, i duh chuan i lo kal ve thei reng a nia, ticket pawh engmah ka la tidanglam lo" Airport-a kan awm laiin ka pasal chuan a ti a, Junior-a erawh chuan a lu a lo thing vat thung.

"A ho lutuk pa, pute Peksanga te bulah hian ka lo awm zawk ang. Chuan nau ka duh vat a nia aw nu?" tiin keimah zawk chu min rawn en ta daih a, ka fapa mah ni se min tilai chhe teuh ngei mai.

"Fa in neih chuan in fa chu a thinchhe dawn tih ka hre thei nghal, kutthlak pawh a hrat khawp ang" rawn titu Peksanga chu ka melh vak a, a rawn ṭawng dan kher kher chu a ṭul hlawl lo, kan bul lawkah mi dang an ṭhu ve ṭhup bawk si.

"Pawm pawh i pawm ve hauh lo vang, khatiang khan min ṭawng elhsen vel duh suh, fa ka neih hunah chuan i hmuh pawh ka phal lo mai tur a nia" ka tih khum hmak a, min rawn chhang let tawh bik lo.

"Kan lo haw leh thuai ang, kan awm loh chhungin i pi leh pu leh i putea te thu lo awih ang che. Colour pawh rawn hawn ṭeuh che ka tum a, chuvang chuan fel taka i awm a ngai ang" ka pasal chuan a fapa dar chu a chelh ran a, thlawhnaa lut turin kan ding ûai tawh bawk.

"Yess!! Engtin nge painting lam ka ti leh duh tawh tih i hriat a pa? Min lo hawn ṭeuh tak tak teh aw, paint brush te nen min lo hawn ṭeuh rawh" tiin Junior-a chuan a pa chu a kuah chung chung a, a hlim hmel chu hmuh a nuam tawp.

"Lo haw leh vat r'u aw nu" tiin Junior-a chuan min lo kuah ve leh a, kei paw'n ka lo kuah let ve nghal. Haw leh thuai kan tum thu ka sawi te chuan a hlim hmel em em reuh a, kan bulah chuan lo kal ve mai se ka ti.

Thlawhnaa kan luh tak tak dawnah chauh Paksanga chuan ka fapa Junior-a chu a haw pui a, ka fapa a ni ta mai chu ka rilru a nuam veng veng.

Miss ti tawh lova nu min tih tirh kha chuan ka awm dan pawh ka sawifiah thiam lo, ka hlimna leh ka dawnsawn thiam lohna chu a inzat vel ang ka ring.

Kan inneih hma hmain min nu nghal a, chu chuan kan inneih lai pawhin min tinui ver ver thei a nih kha!

Thlawhnaa ka pasal nen kan ṭhut hnu chuan hun liam tawh bawk chuan ka rilru a rawn luah leh a, ka pasal lam ka hawi chuan min lo nuih a, ani paw'n hun liam tawh a chhuikir ve ngei a nih ka ring.

Ka kut chu a chelh reng a, la kangin a fawp leh vawng vawng zel. A kuta ka ta a nihzia tilangtu zungbun chu a inhmeh thlawt, a kut a ngo phian bawk sia a kut leh zungbun chu a inrem vel vek.

Insawi theih vang pawh ni lovin hmeichhiaah chuan a ngo pawl tak ka ni ve a, chutiang bawkin ka pasal chu mipaah chuan a ngo pawl tak a nih ka ring.

A ban bula hmul awm deuh ṭhek ṭhek te chuan amah a ti sexy zual ka ti a, nui ver vera lo en tlawk tlawk ka nei leh thut zel.

Chawhnu lama chhuak ni mah ila zanriah ei hmanin Delhi chu kan thleng a, ka chhungte pawh chanchin ka hrilh nghal zung zung. Kan thlenna Hotel chu ka pasal ta a ni a, Hotel-a hnathawkte chuan kan inneih chu min lo lawmpui ve khawp mai.

Hmeichhe ṭhenkhat chuan min melh ṭha ngam lo va, ka pasal pawh an en ṭha ngam tawh lo. Kan inneih hmate kha chuan Henry-a chu an thlir dauh dauh a, an sawi zui sep sep a, mahse tunah chuan nupui a neih tawh avangin leh ka awm ve reng tawh avangin an ti tawh lo hmak.

A hmaa kan lo awm tawhna room-ah ni lovin VIP room-ah kan awm a, VIP room tih takah a changkang kher mai. Bathroom chhungte thleng chuan a changkang a, khum pawh pahnih a awm thlap.

Khum pakhat zawk chu ka pasal chuan a dah chhuahtir hmak a, ka nuih a lo za ru khawp. Kan thlen thlak hmain a lo hrilh lawk vek tawh a, an lo dah chhuah theihnghilh palh avang chuan Vai ṭawngin a hau hrep hlawm a, ka khap dai ta ringawt.

"A mak êeeee, ti hian kan innei ve tawh mai chu a ni si a" ka ti sep sep a, ka kawng zawna a ban chu ka chelh ran bawk. Ka chhipa a khabe a nghahna aṭang chuan ka nghawng lamah a insawn thla a, a lamah min pawt tawl zui nghal.

"Ka nupui i ni hi ka lawm" ti supin ka nghawng chu a rawn fawp a, a kut pawh a awm mai mai thei leh ta lo. Ka kawr chhunga zen lutin ka hnute chu a ṭham chat a, ka danglam leh nghal ṭan der tawh.

"Junior-a be phawt ila" ka tih pawh chu hre lo ang maiin a awm a, a thil tih lai chu a tawp duh lo hrim hrim.

Min khawih dan velin ka châkna a kaih thawh avang chuan a lam hawi zawngin ka inher a, ka thiam ang tawkin ka pasal hmui chu ka fawp ve ta mial mial.

Mi chawi kang lawpin a taksa chungah chuan min bawh tir a, kan hmui erawh a la inchuktuah reng tho. A kekawr chhana a mipatna lian leh khawng ṭha tak chuan ka kap a nawk a, chu ringawt pawh chuan nupa nun hman châkna min pe thei. Ke hre lo, ka hrethiam tawh bik lo, ka pasal bula ka sosang hma em em zel chu ka hriatthiam phak bak a ni.

Che thutin a hnuai lamah chuan min ṭan tir a, min sawngbawl zui dan chuan awm ngaihna min tihre leh ta lo. Ka panty chhana ka hmeichhiatna a chul lai te chuan ka maimitchhing tlat a, ka meng phal tawh thlawt lo a ni.

Ka hnute chu a fawp ngawng ngawng a, a hap hian a hap bawrh bawrh a ni ber. Na viau tura ka ngaih chuan nawmna nasa tak min pe ang lawi a, khawi hmunah nge ka awm tih hre lêk lovin ka rum chhuak leh ta hawk.

A hmuia ka hmeichhiatna a rawn fawh rual chuan ka kang deuh âwk a, ka panty a phelh lai chu pakhat mah ka hre lo. A kut hrawl zet chuan ka hnute chu a ṭham tawn tawn pah reng a, bed sheet ṭham loh chu thil dang tihtur ka hre leh tawh lo.

Ka taksa chhunga a lo luh rual chuan ka thaw hawk a, a mipatna sa ham ham chu ka hmeichhiatnaah chuan a leng lo lek lek ṭhin. A tira tawt ṭha em em ṭhin si kha a rei hnuah chuan a rawn lut leng leh vek a, a sawi lawk ang ngeiin chu chuan nawmna vawrtawp min thlen tir ta ṭhin a ni.

Delhi kan thlen thlak zan aṭang nupa nun chu kan hmang zan tin ta ziah a, a hun lai a nih vang nge ni a che duham thei khawp mai. Zan khata vawi thum hman chang te kan nei a, chau em em ṭhin mah ila ka pasal chu theih tawpa tihlungawi ka tum ve ngar ngar.

Tlai khat kan inbual dun lai chuan amah bual turin min ti tlat a, kei pawh chuan ka bual ve mai bawk. A mipatna chu sawngbawl turin min ti ve ta, ka huphurh rualin a duh anga chet ve chu ka duh tho bawk si nen ka thiam ang tawk chuan ka che ve ta tawp.

"Ka thei tawh lo Henry, keimah zawk hi ka buai vek, ka danglam nasa tawh lutuk" a mipatna la vuan reng chung chuan ka ti tawp a, ka kut pawh chu ka chet tir tawh lo, ka rin phak bakin ka zauthau tawh a ni.

"A pawi lo" ti supin min pawt tho a, ka ke chu kuai kauin ka taksa chhungah a rawn luh zawm nghal zawt zawt. Tui nen kan nih nuai avangin a che ri thlawrh thlawrh a, ka ding rei thei ta ngang lo.

"Henry" ti zuai raihin ka ke chu ka tawm a, ka awm dan avang chuan a thil tih lai a tawp ve nghal hmak.

Shower room aṭanga min pawm chhuak nawlhin Bath Tub bulah chuan min bungbut tir a, enge a tih dawn tih hriat tuma a lam ka hawi rualin ka hnung lam aṭang chuan ka taksa chhungah a rawn lut zui nghal zawt zawt.

"Bawihi" tih pahin a rum deuh ham ham a, chutiang zawng taka nupa nun kan la hman ngai loh avang chuan ka ṭe chhuak ta nge nge.

Ka kawngah chuan a rawn chelh a, a hma ai zawngin ka taksa chhungah chuan a rawn lut rang bawk. A vawrtawp kan thlen hnu pawh chuan a rawn che leh zuk zuk zel a, amah ang em ema fit chu an awm ka ring lo. Mipaah pawh pathlawi ngat a ni a, nupa nuna a zei lutuk te chu mak ka ti a ni.

Kan inbual fai zawh meuh chuan chauh lutuk avangin ka mu tawp a, ani pawh a chauh ve tho ka ring. Thil rimtui tak chuan min tiharh a, ka mit ka men chuan ka hmaah eitur tui hmel tak tak a lo inchhawp ṭeuh.

Zawimuanga thovin ka zimar a, ka pasal chuan hmangaih takin eitur chu min barh a, kei paw'n ka barh ve nghal. Kan awm dan vel chu a hlimawm ka ti a, ka zanriah ei tawh zawng zawngah a la nuam ber ang.

Tlai lama ka mut avangin zanah chuan ka harh leh ta kur mai, ka bula mi lah chuan tisa châknaa khat mitmengin min en leh reng tawh a, a chau ve thei lo ni mai hian ka hre tawh.

"Ka peih tawh rih lo, tlai lamah kan tih vek tawh kha!" ka tih chuan a rawn nui tawi tak a, mi lah chu a la en chiang em em zui.

Ni tak! Ani te chu inenah rau rau chuan a champion sa, mi en nghal ber of the Year a nih hial ka ring.

"A nih chuan mu ang" tiin min rawn kuah a, a taksa chhunga min kuah luh tum ang maiin min kuah a, a hmel ka en lahin a maimitchhing daih tawh bawk si, kei lah muhil e ti lo chuan ka la harh tawlh tawlh zui.

"Che reng lo teh!" meng chuang lo hian a rawn ti hmuk a, ka hawi kual chhen chu a lo ning ve ngei ni tur a ni!

Kei lah a chang leh a hmel enin ka hawi chho a, a chang leh hmun dang ka en a, min ning pawh chu a awm ka ti ve tho.

"Ka muhil thei hleinem" ka tih chuan a rawn meng a, a mut dan thlak a tum chu ka lo vuan bet nghal. A thil tih tum chu ka hriain ka hria, nupa nun hman ka peih tawh teuh lo mai.

"Ka peih tawh lo tak tak a nia Henry" ka tih chuan a rawn nui a, a nuih chhan chu pakhat mah ka hre lo. Ka kut chu a dar aṭanga la thlain a fawp zeuh a, min hnung chhawn zui nghal daih.

"Hei, ka lam lo hawi rawh" ka tih pawh chuan a awm ngaiin a awm ngul a, a hnunga ka chum pawh chuan a la rawn hawi duh chuang lo.

Tho tharhin a hawina lamah chuan ka va inthawlh sawk sawk a, a ban chuan ka inkuah tir nghal hmak.

"Hawi chhen tawh lo vang che" tih pahin min kuah nghet sauh a, min tih dan ber kher chuan ka lung a tiawi lo leh ta. A ban chu ka la sawn a, khum aṭang chuan ka tho zui nghal.

"Enge ni leh ta?" a rawn ti hluai a, kei erawh chuan ka lo melh rum ṭha khawp mai. Ka lukham ken chuan ka vawm pawp a, a lo la indang hman zui.

"Zanin chu i taksa si pawhin ka mu peih lo Thlawia, mahni nupui te ning ṭhin mipa bulah hian ka mu châk bik lo ve" tiin ka kal tau nghawng nghawng a, chapal pawh bun lovin mut kawr nen chuan room chu ka chhuahsan zui hmak.

In hnuai ka thlen thlak chuan ka ril a ṭam leh tlat pek a, Kitchen lam chu ka pan a, mahse tumah an lo awm lo. Thawm rawn awm thut avang chuan ka phu zawk a, Thlawi Senior-a lêk chu lo niin!

"Enge hetah te i rawn tih ve? Engtin nge ka awmna i hriat chat theih? Han chho rawh, han mu ta che, i nupui pawh i mutpui duh lo a ni lo'm ni?" ka ti nghal zawt zawt a, a la ngawi ngul zui.

"Enge tih i tum?" a ngawih vang vang hnu chuan a rawn ti tawi sup a, min lo hnaih hle tawh bawk.

Kei lah chuan eitur chu ka la hmu thei mai lo zui, ka zawnna hmun chu eitur an dahna hmun a ni lo emaw ni ka ti ta hial.

"Khawiah nge eitur vel hi a awm a? Ka zawng rei tawh, mahse ka la hmu thei chuang lo. Ka ril a ṭam bawk si, khawiah nge an dah ṭhin i hria em?" eitur la zawng reng pah chuan ka ti thluk awn duai a, bungbel te chu hawng hawng mah ila eitur hmel reng ka hmu lo.

"Khawi keima'n" ka kawnga lo dawm pah chuan a rawn ti a, keipawh ka lo tawlh sawn ve mai. Ka zâwn ka zawnna bul lawka bel pakhat chu a rawn la chhuak a, a hawng chiah chu Egg roll tui hmel tak tak a lo tam ngei mai.

"Ur lum lawk ang" ti vutin eng eng emaw hi a khawih a, a che vel chu Movie hmuhnawm tak en ang mai hian ka lo thlir leh dauh dauh tawh. Chutah min en miah lo hian

"I mit a tla ang e" a rawn ti deuh kher a, ner nasa tak ka ni. Ka hawi sawn hmak a, mahse a che vel chu ka la mitsir leh hram. Ka pasal chu ka en ning thei lo, a pa thlawt a ni.

"Ti hian zanah pawh hnathawk hi an awm reng ṭhin em ni? Ka hmu deuh nualin ka hria" thil ei mial mial chung chuan ka ti a, ani erawh a la ei ve mang lo, a ril a ṭam lutuk lo a ni ang.

"Immmm..... zan lama thawk tur bik leh chhun lama thawk tur bik an awm" tiin a ṭhutna aṭang chuan a chhuk a, ka hnung lam aṭanga min kuah pahin ka darah a khabe chu a rawn nghat zui nghal.

"Kha ei ve rawh, i ei awm pawh ka la hre lo, i ril a ṭam ve miah lo em ni?" a ka zawna ei tur dah chung chuan ka ti a, a awm dan thlak miah lovin a lo ei ve mai bawk.

"Ka ril chu a ṭam" ti supin ka kawngah min rawn kuah a, a ka zawna eitur ka dah leh chuan a lo ei duh tawh hauh lo.

Chutia amah berin a ei leh duh si loh avang chuan ka hmawm hmak a, ril ṭam ti reng si a ei duh leh si lo chu a âtthlak.

"Mâw? Ka ril a ṭam a nia" naupang chhia tak hian a rawn ti nui nui a, a chang hi chuan naupang tak tak emaw ka ti leh thut zel, a ni lo ropui nasa turu buru mai si a!

"Kha! Engatinge ka barh dawn che khan i lo duh loh kual vel? Lo ei ṭha ve mai mai ta che" tiin a ka zawnah eitur chu ka dah leh a, chutah ka beng bul chêta thaw lum ham ham chung hian

"Ka rilṭam dan chu maw ei zawh vek che a, i taksa chhunga lo luh leh ka châk zek zek tawh" a rawn ti a, ka thil ei tuina leh ka rilṭamna zawng zawng a bo nghal vek.

"I ninawm, ka chho dawn" ti hmukin min kuahna aṭang chuan ka tal chhuak a, eina vel pawh tifel lovin lift-ah chuan ka lut zui hmak.

Lift a inkhar dawn chiah tihah nui sun sun hian a rawn lut hman hram a, min kuah leh ringawt tawh.

"Ding ṭha rawh, ka sirah khan ding ṭha ve hle hle rawh" a mala chum pawp pah chuan ka ti thuai a, ani pawh a ding ṭha ve mai bawk. Ka kut chu a rawn hum chat a, chu erawh nuam ka tih zawng tak a ni.

"Ka nupui chu ni lo la chuan i thu thu hian ka va han awm dawn lo chiang tak" tiin a rawn chek tlak tlak a, a sawi dik chiah. Ka thunun vel lutuk chu a nuihzat thlak zawk, kan in upat hleih ropui bawk si.

"Kei chu kan inngaihzawn lai ai khan nupa kan ni ta hi nuam ka ti daih zawk, mi ṭhenkhat chuan nuam an ti lo zawk maw le. Nupa nih an ning a, an inngaihzawn lai kha an ngai veng veng zel" ka ti sep sep a, ka nui hul hak bawk.

"Nupa nih rei hnu hian a nuam vak lo zawk emaw ni le? Âaaaa.....ka hrethiam pha rih lo, keini chu kan la inneih rei lo bawk si, mahse nupa nih nuam lo ti khawpin kan awm dun ang tih a hlauhawm" ka tih leh chuan a lamah min kuai phei dawr a, min en chiang nghal hle.

"Keini chu nupa hlim tak kan ni char char dawn alawm, kan inkara hmangaihna a awm chhung chuan kan hlim ngei ang. Min hmangaih lo vaih teh, i mipa hmangaih chu ka that duh hial ang" a rawn ti nghut a, a ṭawng tawp lam chu fiamthu mah ni se a tih duh tak tak ka ring.

"I din ngil hian i chhip ka khawih pha miah lo vang, khaw maw han ding ngil chhin teh" kan thusawi lai persan zeta ka tih avang chuan a rawn nui chhuak hawk a, ka sawi ang chuan a ding ngil ve mai a, chutah a chhip chu ka la khawih pha lo tak tak zui.

Kan room awmna floor kan thlen chuan ka tlan chhuak thut a, min um pawh ka rin loh laiin min rawn um ta mai. Kan room-a lut ta lo chuan ka tlan chiam a, ka nui vak vak bawk.

"Bengchheng tawh suh, mi dang hi chu an mu vek tawh ang" min man hnu chuan a ti a, a sawi chu dik viau mahse ka pasal chu Hotel neitu a ni tih ka hre ve tlat, bengchhen leh chhen loh chu ka care buai lo.

"A ho em mai, kan hlim ve a ni mai a, naktukah kan haw tawh dawn leh nghal. Chu bakah min lo hau pawh ni se nang i awm a, an hmuh che chuan min hau ngam teuh lo" tia ka ṭawng zet zet lai chuan min chawi nawlh a, min pu nghal hmak.

"Ka mawng kha zu ben tum ziah suh!!" nuam ti taka vawi tam a mawng zu ben ka tum hnu chuan a rawn ti hmuk a, kei erawh a ṭawngkam leh a awm dan vel chuan min tihlim zual.

"I khal reuh si, i fan account-a an post pawh kha a lo dik chiah a nih hi! Pathlawi mah ni la fit awm tak pawh i lo ni e, hmelṭhapa" ka ti leh chiam a, ka nui dir nghal char char. Ani erawh a ngawi reng a, min dah thlak pawh a tum chuang lo a nih hmel.

Chapter 34

Room chhung kan luh chuan harh tawp khawk hian ka harh ni maiin ka hria, ani erawh chuan khuma ṭhu ngawi ngulin min en a, zai chungin ka lam khum leh ta chiam bawk.

Mu mai tura ka tih lahin a mu duh bik ṭhak bawk si lo, ka awm ang ang chuan min awm tir tawp a ni ber. A bula naupang ang maia ka awm chhan chu ka hre tawh bik lo, a bulah chuan awlsam deuhin ka zia zawng zawng ka phawrh nghal vek ringawt zel.

Zing dar 2 vel a rik hnu chuan ka zal ta hnak a, ka tal nasa ve em bawk a ni. Ngawi rengin khumah chuan ka lawn a, Henry-a chu mitchhing chungin a lo ṭhu thle bam a, ka khawngaih reuh tawp.

A hun laia hre chhuak der si lo khan ka awm dan chu mawi lo ka ti hnuhnawh leh vel a, ka mak ve ngawt mai.

Kei hi inthlak danglam ka ngai a ni e, chuti lo zawng ka pa sawi ang khan ka pasal leh ka fapa hian min ning vat mai ang. Ka pasal hmuiah chuan ka fawp zeuh a, a rawn meng sen nghal ram mai.

"Mu ang le" nui sen sena ka tih chuan a la bangbo hmel hle a, a mut a lo chhuak hle tawh a nih ka ring.

A chet lawk loh avang chuan ka kuai mu ta tawp a, kan mut ṭhat hnu chuan min kuah nghet nghal khawp.

"Tihpalh aw" ti zeuhin ka kuah vak a, min chhan let loh avang chuan a muhil a nih ka ring hmiah.

A âwma ka bek nghatin a rim chu ka hnim vang vang a, a va han rimtui tak em. A bula awm a thlamuan thlak si, ka pasal chu ka hmangaih hi a ni tawp.

Zinga ka harh chuan a lo reh ṭhiap a, room chhungah chuan thawm engmah a awm lo. Ka ruak huai avang chuan ka pasal taksa ka delh tawh lo tih ka hre nghal a, ka pasal hnung chhawn zawngin ka lo mu leh vek tawh bawk.

Inletin ka pasal awmna lam chu ka hawi a, ani chu khum mawng lamah lukhama a beng hup chungin a lo mu vum ṭhûr mai.

Khum mawng lam daih daiha ka pasal a lo mu chu mak ka ti a, a la muthilh tui hmel em em zui. Tho chhuakin a lamah chuan ka bawkvak thla a, ka sawi pawh chuan a rawn harh mai lo.

"Henry" tiin ka sawi leh dat dat a, a lukham chelh lai ka lak sawn sak rual chuan a rawn che ṭuah ṭuah a, mahse a mit erawh a la meng ta chuang lo cheu.

"Henry Pathlawi, a hma tawh vak lo a nia aw, chawhnu lamah pawh haw dawn mah ila bazar kan la ngaih khâ" tih pahin ka sawi leh dat dat a, a rawn meng ve ta.

"Tho rawh, thawh a hun tawh" ka tih lai chuan rang zet hian ka kuta lukham chu a rawn la hmak a, a beng zawna dahin a mit a chhing zui leh nghal daih a nih chu!

"Mu ṭha tawh suh, kan thawh a hun tawh tak zet. Junior-a thil tur pawh kan la lei lo, lei lâwk ang ka tih laiin i duh lo vel a, tunah chuan chawpchilh deuhin kan bazar a ngai dawn a nih hi!" ka tih chuan a rawn tho phut a, a sam kawi ngul ka hmul rualin

"Engatinge i sam khâ? I delh sual em ni? Awi i va inhmeh reuh tak, engkim inhmehpa" ka ti nghal a, ka nui zui hak hak a, ani erawg a meng rum ṭha khawp mai. A bianga piai ka tum te chuan a lo duh lo vel a, a naupang chhia leh ṭan dawn e!

"Titau bung bung hmel kha min hmuh ziah suh, i nuihzat thlak lutuk" tiin ka nuih ta chiam a, ka pasal awm dan vel chu a lawmawm thlawt a ni. A hmelṭha si, pa si, a sam bawrchhawr chhur te chuan a tilang ṭha zualin ka hria.

"Nui suh, nangmah avangin nizan pawh kha ka muhil ṭha thei lo. Zingah lah min kai tho leh a, zanin chu ka che na khawp ang" a rawn tih chuan ka nui tawp ve mai a, zan lama a mut theih loh chhan chu ka hre miah lo.

"Engatinge nizanah chuan i mut theih loh? I muttui viau ka lo ring asin, ka mutpui dawn che pawh khan i mut a chhuah hmel êm khâ?" ka tih chuan min en ngur a, ka nuih pawh a za em em tawh lo.

"I hnar alawm maw le, muhil thei lek lovin min siam tih hre ta che. I hnar ring reuh ropui si, hmeichhe hnar ka vawi khat hriatna a ni" a rawn ti ta mai, ka hnar chu ka rin loh rualin ka ring ru tho bawk si.

"Ka awih lo, ka hnar ngai bawk lo, hmeichhia lo hnar te chu a zahthlak zawk e a!" tiin han ṭang ve mah ila ka hnar dawn tih ka chiang, a chhan chu ka chauha ka muttui chuan ka hnar ziah, a zahthlak zawk!

"Sawi tawh lo vang, lo kal teh Bawihi" pangai taka ti chung chuan min lo kuah a, khuma min mutpui hnu chuan muthilh leh nghal mai tum angin a awm leh tawh. Kei lah ka mut a chhuak tawh teuh si lo, chu bakah bazar kan la ngai hrim hrim.

"Muthilh leh a hun tawh lo Henry, Junior-a thil tur leia bazar kan la ngai. Tho rawh, tho zawk teh ang" min kuahna aṭanga tal chhuah tum chuan ka ti a, ka thei leh ta hauh lo.

"Naktukah haw leh si zawk mai ang, mut ka kham lo em mai" a aw aṭang chuan mut a kham lohzia a hriat theih a, mut harsa khawpa ka lo hnar khum avang chuan a lakah ka inthiam lo ru ta hle.

"A chi loh, Junior-a'n kan haw hun a nghakhlel tawh lutuk, phone-a kan inbiak paw'n kan haw a duh tawhzia ka hre thei vek. Chu bakah ticket pawh i tihfel tawh khâ, pawisa i ui lo em ni?"

"Pawisa tih mai mai, hlimna leh nunna ai chuan a uihawm loh fê zawk" a rawn ti nghut a, ka dang der mai. A sawi lah chu a dik phian bawk si a, chhan mai dan tur pawh ka hriat lawk loh phah nghe nghe.

"I sawi chu a dik lutuk, mahse Junior-a a khawngaih thlak tawh. Zin rei min ti tawh lutuk palh ang, han haw thuai thuai ila kan chhungkaw bil têin han khawsa tawh zawk ang u"

"Junior-a chiah khawngaih suh, i pasal hi min khawngaih ve miah lo em ni?" he pa ren run hian enge a hriat a, engatinge min chhan let zel kher, ni danga ṭawng tlem em em ṭhin si kha!

"Awi ka ning êeeee, Junior-a hi thik ziah suh. Naupang pawh i ni tawh lo, tlangval hawklak pawh i ni tawh lo, tlangval senior pawh ni tawh lovin Pathlawi senior ngat i nih tawh hi hre ta che"

"Min hmangaih em tho kha a!" a la rawn ti hram a nih chu! Rum chhuak meuhin tal chhuah ka tum a, mahse awmzia pakhat mah a awm lo.

A hma aiin min kuah nghet zual ta deuh deuh a, talh chhuah ka tum ta lo law law.

"Muanchan hun pawh a ni tawh lo Henry, kan haw chhoh vat kha Junior-a tan pawh a ṭha zawk alawm, chuvangin tho tawh ila" dam diaia tih pah chuan a khabe chu ka fawp a, ka tlawn a ni tawh mah zawk.

"Phakarnu" tiin ka hmuiah chuan a rawn fawp tawk a, chu chu ka tan chance chiah a ni. A âwma nam vakin ka lum sawn a, chhuat ka thlen chuan ka ṭhingṭhi hnawk.

"Tho ang che, i thawh loh chuan ka hawsan daih che a ni mai" ka tih chuan a rawn che thut a, rak tuarin bathroom lamah ka tlan a, min man hman lo hlauh chu a vanneih thlak. Chutah ka hlim lutuk avang chuan

"Henry Pathlawi, Thlawi Senior, hmelṭhapa" ka ti leh vak vak a, a hmel awm dan tur mawlh chu ka hmu châk, bathroom chhungah awm lo ila chuan khumah min theh thal leh tawp ngei ang.

Kan bazar lai chuan ei châk ka'n ngah leh mai mai khawp a, Junior-a thil tur vel lei pahin ka vah kualpui leh ta hrep. Kan bazar lai chuan thik thu a'n pe chhe mai mai khawp a!

Vaipa pakhat hian nel deuh hian min lo bia a, ka pasal chuan Hindi ṭawngin a hau nghal ringawt. Ka kawngah te chuan a kuah deuh kher zel a, khawlaia kan kal paw'n ka kut chu a thlah duh der lo.

Ani ang thovin keipaw'n thik thu ka pe chhe ve tho a, lukhum hma thlawk khum tirin tarmit dum ka vuah tir ve hmak.

Hmeichhe dangin ka pasal hmel pangai chu an lo hmu ve ang tih ka hlau, an hmuh vaih chuan hmelṭha an tih lutuk avangin thla an lakpui duh hial ang ka ring.

A kal reng reng chu a dik thlup a, a zahawm thlup a, a khan a sang bik bawk sia kan in len hleih turu a ni.

Chawhnu lamah erawh Mizorama haw turin kan inpeih vek hman a, kan Honeymoon hman zet zawng hmangaih berte nen a nih vang a ni ang a nuam hi a ni tawp.

Thlawhnaa kan chuan chhung zawngin Henry-a chuan a mit a chhing tluan ta ṭhak a, mahse ka kut a chelhna erawh a thlah lo hrim hrim.

Ka kawr leisak ngei ha tura ka tih avangin T Shirt nghawng nei rawng dum chu a ha a, inhmeh pawh a inhmeh khawp mai.

Mizoram kan thlen chuan Airport aṭangin ka pate in lamah kan kal nghal a, school an kal pangai leh tawh avangin Junior-a paw'n min lo hmuak ta lo.

Ka pate in kan luh chuan min lo chiau au nghal hle a, a bik takin ka nu chu a lo ṭawng duh zual. Kan awm ṭhup lai e ti lo chuan an room lamah min hruai phei daih a, min tih dan vel chu ka hrethiam pha bik chiah lo.

"In awm loh chhung zawng khan i che bawraw leh viau ang tih ka lo hlau khawp a, nangmah ngaihtuah reng rengin ka mu lawk thei ngai lo. I ṭawngkam te kha i thladah leh viau lo maw? I ṭawng leh phawng phawng em?"

"A teuh lo mai, a thu hrimah min va ring eng emaw ve, khatiang ze ṭhing deuh kha chu ka sim ve daih tawh" ka nu chu thu dik ka hrilh duh rih lo, ka hrilh a nih chuan min zilh tlaivar leh ṭhak thei ang.

"Rin eng emaw lam pawh a ni lo, i zia ni hek! Kei ang khan i awm ve mai ang tih ka hlau lutuk a, i pa phei chuan mu turin min tih sek phah alawm" ka nu thusawi chu ka hriat belh châk ta hle.

"Engtin nge i awm nu? Min han hrilh ve reng reng teh, tûma bulah ka sawi chhual lo vang" phur zet chuan ka ti nghal a, ka nu pawh a rawn nui tawi ve tak.

"Sawi leh pawh a zahthlak zawk, i pa nena lawi ṭhat zan leh a hnu lam khan sawi hreh pawh ka nei ngai lo. Sawi tawh lo zawk teh ang, ka awm dan avangin a hun lai khan i pa hian min fiam nasat phah nghe nghe asin" a rawn ti a, tu dang ni lovin kei hian ka nu ngei a nih hi ka lo chhun ni!

"Nia sawi tawh lo vang, a ho em mai" ka lo ti ta vat reng a, ka nu chuan thil min zawt ṭeuh ang tih ka hlau zek zek tawh.

A awm ang chiah chuan ka lo awm bawk si, ka awm tih hre phei se chuan min zilh nasa teh ang chu!

Tlai dar 3 pelh hnu velah Junior-a chuan in a rawn thleng a, keini min hmuh chuan kan lam a rawn pan nghal chat. A pa pawh kuah hmasa lovin min kuah hmasa ta zawk a, chumi hnuah a pa chu a kuah ve ta chauh.

Colour chi hrang hrang leh Paint Brush tam tham zet a hmuh chuan lawm tih hriat tak hian a au chûl a, puitling ho pawh a awm dan avang chuan kan lo hlim ve hle.

Ka pa'n chaw ei nghal tura min tih tlat avangin zanriah chu kan ei ve leh ta mai bawk a, kan puarin kan tlai tlang hlawm khawp.

Haw phei har lutuk ka duh loh avangin dar 9 pelh velah kan haw a, kan in chhung kan luh te chuan ka khi ver ver reng mai.

Junior-a lah chuan chutia kan chhungkuaa kan awm chu nuam a ti zual a, zin hah pawh sawi lovin Painting lam kan ti dun zui nghal.

Henry-a erawh in kan thlen tirh aṭang khum lam a pan nghal a, muhil daih mahse pawi tihna ka nei lo. Dar 12 velah kan room lamah kan phei a, zep lovah chuan ka mut a chhuak ve tawh hle.

Henry-a pawh tui tih hriat tak hian a lo mu thluang duai a, keini pawh kan mu zui ve nghal. Junior-a chu a laiah muin a pa lam hawi chuan a mu a, a pa dul zawnah a kuah ran bawk. A kuah kher chhan ka zawh chuan

"Apa chu a taksa a lum nuam thei lutuk, kan mut dun chuan ka kuah ziah alawm" a rawn ti mai a, a sawi ang ngeiin Henry-a taksa chu a lum nuam thlawt a ni.

Keiin a hnung lam aṭang Junior-a chu ka kuah ve thung a, kan mut dan tê chu a hlimawm reuh tawp. Mut chhuak em emin ka pasal leh ka fapa chu ka en leh hram a, ka mit ka chhin hlen hmaa an hmel hmuh chu ka duh tlat a ni.

Tui tak hian an lo muhil tawh a, nui seihin ka mit ka chhing zui ta vang vang. A tukah chuan ni lengin ka pasal nen inah kan awm a, kan fapa erawh school a kal thung.

Tihtur em em chu a awm miah lo, mahse ka pasal bula awm chu a nuam em em thung. A hmaa ka lo kal tawhna in piaha kawngah chuan ka kalpui a, chu lai hmuna ka kal tawh thute chu ka hrilh zui melh melh a, boruak chu a thiang nuam em em bawk.

Kan haw leh meuh chuan chhun thil ei hun vel a lo ni tawh a, kan pahnih bawkin eitur chu kan siam dun zui leh nghal.

Thil ei pahin Laptop-a a thil lo ruahman chu min enpui a, Hotel sak dan tur hlir a la ni zui. Hotel chu tihdanglam deuh a duh thu min hrilh a, min rawn ve vel thlap a nih chu!

A biang chu na lo tê tein ka hnek a, ani erawh chuan a lo dawh mai mai. Min khing let hman pawh a ni leh tawh lo hrim hrim, ani te chuan Laptop chiah a ngaihsak leh rih tawh.

Darkar chuang chutia kan awm hnu chuan min lo en thut a, min la nuih sûng zui. A ṭhutna aṭanga ding chhuakin min pawm a, a awm dan chu ka hrethiam lo hle.

"Nizan khan ka chauh lutuk avangin ka lo theihnghilh daih a, tunah erawh ka theihnghilh tawh hauh lo" tiin in chung lamah chuan min pawm chho nal nal a, a thil sawi awmzia chu ka hre chiang khawp.

"Junior-a hruai a hun ṭep tawh a nia, ti lo mai teh ang Henry" ka tih chuan a rawn nui suk a, khumah min nghat zui nghal. Nui chung hian a kawr chu a phelh a, a taksa mawi tak chu hmuh loh theih a ni leh ta lo.

"In hlip ve la, nge ka hlih sak kher che i phut ru deuh?" nuihza insum hmel deuh hian a rawn ti a, a boxer chu a phelh zui nghal.

Muangchang chuan ka inhlip ve ta tawp a, a lo lawm hmel khawp mai. Nupa nun kan han hmang ta chiah chu a zei hian a zei thlawt, mi tih sosang dan a thiam ropui bawk si.

A duh tawka min han sawngbawl ta tak tak hi chuan ka tlin lo zawk dawn hialin ka hria, nupa nun kan hman zawh te chuan chauh lutuk avangin ka mu hnawk ringawt.

"Zan lamah Junior-a a awm ve leh kur awm bawk si a, ti khan zan lama mi tur zawng zawng nen a ni nghal a ni mai" nui chung chuan a rawn ti sup a, a âwmah ka chum nghal pawp.

"Tho rawh, Junior-a va hruai rawh, a lo nghak reng tawh ang che" te chu ka ti ve tak nâ a, a taksa aṭang chuan awm sawn pawh ka la tum bik chuang lo, kei ang bawkin ani pawh a che sawn lo hrim hrim.

"Bus a awm alawm, chu bakah Taxi Fare tur pawh ka pe lawk vek" a ngai awlsam leh lutuk chu ka duh dan a ni lo, a hman chuan amah ngeiin lo hruai haw se ka duh a ni.

"Va hruai mai mai rawh, Bus emaw Taxi emaw vela chuan ai chuan i bula chuan a châk daih zawk ang. Ei rawng ka lo bawl ang a, in lo haw huna eitur ka lo siam bawk ang" tia thawh ka tum chu min chelh leh ta tlat.

"Awm ṭha teh, Junior-a chu va hruai vat mai rawh" ka tih pawh chuan a la tho duh chuang lo, rum takin ka melh a, ka nui duh miah lo bawk.

Minute khat vel ngawi renga kan awm hnu chuan zawimuangin a tho a, intifaiin Junior-a hruai tur chuan a chhuak zui nghal.

Kei pawh tho chhuakin ka intifai sawk sawk a, ei rawng bawl a hun tawh avangin ka muangchang hran lo. An pafaa an lo haw lai chuan thingpui ka lo siam a, an in tura siam ka ni bawk.

Junior-a chuan a pa chu a be mawlh mawlh a, pakhata erawh chuan a lo chhang tawi bik thei khawp mai.

Henry-a nen kan inneih aṭanga thla thum a ral meuh chuan ka rai ta ngei a, ka rai loh reng ka ring lo. Kei phei chuan ka pasal nena nupa nun kan hman ngun ngaihtuahin ka rai har ka ti zawk a, mahse chu ka ngaih dan chu thil âtthlak tak a ni.

Mi nupui te chu kum fê hnuah pawh an rai thei lo ṭhin a, chu erawh an vanduai vang a ni pakhat. Keini ve thung chu Pathian zarah naute kan nei thuai dawn a nih hmel a, kei lah chuan lawm a hnekin rai har ka lo la inti vel a, mawl thlak lutuk.

Ka rai thu chu ka pasal ka hrilh hmasa ber a, a hriat tirh chuan lawm ve tak a ni. Ṭhen ṭhawin a nui hmel min hmuh reng a, a ha var rual mawi em em chu ka hmu hne lo chiang khawp.

Ha lang meuha a nuih tawh hi chuan a hlim ve viau ni turah ka ngai tawp, chuvang pawh chuan ha langa nui ngun turin ka ti ta hial.

A chhan chu ha langa a nuih paw'n a hmelchhe ve miah lo, kei ka hmelchhiat theih tehreng nen. Ka nuih tak tak hi chuan ka hmel zawng zawng a danglam vek a, ka nelawm loh hmel thei ngawt ang ka ring.

Ka pasal dawtah Junior-a chu ka hrilh a, chumi dawtah ka chhungte leh ka ṭhiannu Engzuali ka hrilh leh bawk. Ka chhungte chu an lo phur em em a, Peksanga ber chu a phur fal leh tawh.

Junior-a pawh a inla tlangval sawt em em a, kan bula mut pawh duh tawh lovin room hrana mut chu a duh nghal ringawt vel.

Chutah a pa lah chu a lo lawm em em thung a, room hrana a fapa mu tur chu phur tak tê hian a phurpui a nih chu!

A fapa room tur chu a chei ṭhat tir vek a, ni khat chhungin an zo fel vek. Delhi lama chhuk thut a ngaih avangin ka pasal chuan min zinsan a, a kal dawn te chuan kan tel lova zin chu a peih lo ve hle.

Vawi tam zinpuiah min sawm a, a fapa pawh tiamin, mahse keimah zawk chuan amaha zin turin ka ti tlat thung. A zin chhan ber chu Hotel dang nen Deal an neih dawn vang a ni a, rei lutuk a awm erawh ka ring lo.

A zin zan aṭangin min rawn be awl lo va, keipaw'n ka ngai khawp mai. A taksa si lova zan khat ka mu ringawt pawh chu hrehawm ka ti ru hle a, mahse ka awm dan chu tûmah ka hrilh duh chuang lo. A zin leh hunah chuan ka zui tawh chiang khawp ang, a tel lova mut a har em mai.

Ni thum hnuah a rawn haw a, a rawn haw zan chuan che na leh piap piap tak a ni. Kei lahin ka lo mamawh ve tawh tho bawk si a, rai lai pawh ni se kan sosang dun ngâng mai.

Kan intihfaina lamah pawh nupa nun chu kan hmang leh hram a, kan inthlahlel tawn lutuk chu a nuam ka ti.

"A teuh lo, a teuh lo lutuk! I ngam chuan lo kal rawh, thil sawt lo tak i ti tih i inhre chhuak nghal ang. Min rawn be tawh suh, ka phone number pawh hi delete ang che" bathroom-a ka awm laiin ka pasal aw ngei chuan a rawn ti hrâwk a, ka va han phu chiang em.

"Ngawi rawh! Ngawi hmak rawh ZORAMLIAN, a them pawhin rawn hmuh tum suh ang che. Ka thin tirim zawnga i awm chuan tihhreh ka nei lo a nia, chuvangin lo kal lo vang che" ka pasal aw vin tak avang chuan bathroom aṭangin ka chhuak thuai a, a hmel ka hmuh chuan a thinrim hle a a niang a hmel a buai vek.

"Enge thleng Henry? Buaina a awm em ni? Tu nge i lo biak khâ?" ka ti zung zung a, khuma phone theh thlak pahin min en run a, a hmel chu la pangai thei lo.

"Min hrilh teh Henry? Tu nge i lo biak kha!? Tu nge Zoramliani chu ni reng reng? Eng vanga vin vak vak nge i nih? Tu nge i biak kha ka tih chû?" a kuta chelh chung chuan ka ti leh mawlh mawlh a, ka pasal chuan min uiresan ka hlau ta ber.

"Junior-a nu" zawiawi deuh taka a rawn tih chuan ka awm dan leh ka rilru zawng zawng a danglam vek a, sawi leh mai tur pawh ka hre lo.

Junior-a nu te chu keimah alawm ka nih, ni lo, kei hi a nu dik tak ka ni reng reng lo. Engatinge a nu dik tak chuan tunah kher a rawn ngaihven? Engatinge a hma zawng khan a rawn ngaihven ngai loh? Ka hlauthawng, nasa takin ka hlauthawng a ni.

Junior-a chuan kei ni lovin a nu dik tak bula awm chu nuam a ti ang tih ka hlau a, ka lak aṭang a kal sawn mai ang tih ka hlau a ni.

Chung zawng ai chuan kan nupa inkar chu a chhia ang tih ka hlau ber, a chhiat vaih chuan ka chan a chhe dawn lutuk.

Last Chapter 35

"Hlauthawng suh Bawihi, i hmel aṭang khan i hlauthawng tih ka hre thei. Junior-a hi i fapa a ni tih hre reng la, i hrin chhuah ni lo mahse i fapa a ni tih hre reng rawh" ka dar tawn tawna chelh chung chuan a rawn ti leh thuai a, ka hmel aṭang chuan ka hlauthawng tih a hriat viau ka ring.

"Heta lo kal a tum em ni?" ka aw chu a ring hran tawh lo, ka mood zawng zawng a inthlak vek tawh zawk a ni. Kan nupa inkar leh kan chhungkaw boruak chu a buai vek ang tih ka hlau, ka fapa leh ka pasal chu ka chan nawn duh tawh lo.

"Aw, mahse a lo kalin awmzia pakhat mah a nei lo vang" a rawn tih chuan rang takin ka kuah a, ka chet dan chuan a tihamhaih hle a ni ang kuah pawh min kuah let lawk lo.

"I ṭha em Bawihi?" ti thum chhalin min rawn kuah let a, kei paw'n ka kuah nghet khawp mai. Ka ngawi reng a, ani pawh a ṭawng leh tawh bik chuang lo.

"Hlauthawng suh aw, eng thil ṭha lo mah kan chhungkaw chungah hian ka thlen tir lo vang" ti leh supin ka chhip chu a fawp vang vang a, min kuah nghet sawt hle bawk. Kei erawh thawk ka lo la hawk a, ka rilru a buai ru em em bawk.

"Min kalsan suh aw Henry, tunah phei chuan i fa ka pai tawh leh nghal. Ni lo, ka fapa Junior-a pawh hian min kalsan lo se ka duh a ni. In pafa hian ka chan leh ang che u tih ka hlau, ka hlau tak zet" a lama hawi chho chung chuan ka ti a, min lo en chiang ve khawp mai.

"Hlauthawng lo turin ka hrilh vek tawh che khâ, chuan nang leh ka fapa hi engtikah mah ka kalsan ngai dawn lo che u tih hre rawh. In pahnih mai ni lo kan fa lo piang tur pawh ka kalsan dawn lo, chuvang chuan hlauthawng suh"

"Chance a tam alawm, min kalsan theihna chance a tam lutuk Henry. Junior-a nu chu i nupui ve tho a lo ni tawh a, hmangaih tawh lo mah la loh theih lohna avangin in chenho a ngai maithei asin, chu chu a ni ka hlauhthawn ber"

"Ka kalsan phal che i ring hrim hrim em ni? Ka hmangaih che alawm Bawihi, ka hmangaih lutuk che, chuvangin ka hmeichhe hmangaih chu kalsanin ka nupui hlui hnenah ka kir ngai dawn lo tih ring tawp rawh"

"Ka ring lo che pawh a ni lo, thil hi a kal buai nuai ang tih ka hlau a ni. Junior-a hian a nu dik tak hi a lo ngaina viau ang tih ka hlau, ka fapa hi mi dang enkawl atan chuan ka phal lo. I duh leh hmasial pawh min ti rawh, a pawi ka ti lo"

"Ni lo ve, hmasial ka ti lo vang che. Junior-a hi i hmangaih em em tawh a, chumi avanga hmeichhe dang enkawl tir phal lo pawh chu i ni tih ka hria alawm, Junior-a hian nang bak hi nu atan a thlang dawn chuang lo che" min hnem chu tum ve teh mahse ka rilru a la pangai thei chuang lo.

"A nih engtikah nge Junior-a nu chu lo kal a tum? Engtin nge a lo biak pawh theih che? Khang kum kal ta chhung zawng khan a rawn be ngai si lo che a, engatinge kan inneih hnuah kher a rawn biak che?"

"Ka hre bik lo Bawihi, mahse kei min zawn hmuh chu atan thil harsa a ni dawn lo tih ka hre thung. Health Minister lo ni tawh ka ni a, Social Media aṭang paw'n min chhui chhuak vek thei ngei ang"

"Aw le, tuna atan chuan rilru hahdam taka awm ka mamawh ber. Min mutpui la, engmah ngaihtuah lova muthilh vang vang ka duh rih" ka tih chuan khumah min mutpui zui nghal a, kei paw'n ngaihtuah zui ka tum lo ve ta ngar ngar.

Junior-a nu'n ka pasal a rawn biak aṭang kar khat a liam leh tawh a, ka pasal chuan a fapa chu engmah a la hrilh duh lo. Hrilh lawk tur chuan ka ti ṭhin ngei a, mahse a hrilh duh chuang miah lo.

Engmah hre ve lo tih takah Junior-a chu pangai deuhin a awm a, painting lam a buaipui deuh chawt zel. Ni tin school a kal ṭhin a, hri erawh la leng reng mahse zirna in chu an hawng pangai vek tawh bawk.

Face Mask vuah leh Sanitizer hman te chu kan la tihchhunzawm reng thung a, kan nun dan chu a hma angin a pangai thei tak tak tawh lo a ni ber.

Ka pate in lama len phei chu kan uar em em a, chaw pawh kan ei zing tawp. Anni paw'n leng turin min sawm awl lo va, Sunday tlaiah hi chuan kan leng phei ngun thei khawp.

Kar laklawhah erawh kan chhuak ngai lo tluk a ni a, ka pasal chuan min awm tawp zel. Junior-a hruai a ngaih hunah ka pasal chu a chhuak a, chutiang ni lovah chuan in aṭangin hna a thawk mial mial ṭhin.

Ka pasal paw'n min duat a, eitur ṭha apiang chu min ei tir pawp pawp zel. Kei lahin ei duh loh emaw rim tih theih loh tih vel ka lo nei ngai bik si lo, chawm hau tak chu min ti ve khawp ang le!

Ni leh thlate chu an liam zung zung a, kei paw'n thla 7 mi naute ka pai ve leh reng tawh. Ka rai vang a ni ngei ang mut ka duh em em a, engtik lai pawhin ei leh mut chu ka thei a ni ber.

Junior-a nu dik tak erawh lan khat pawhin a la rawn lang lem lo va, thla tam a liam leh tawh avangin ka ngaih pawh a ṭha tawh hle.

Ka pate in lama len phei chu kan sim ta deuh a, motor chuan kawi vel chhen kha ka pasalin a phal tawh lo bur.

Keini ni lovin anmahni zawk an lo leng ta ṭhin a, chhungkuaa inhmuh khawm vel chu a nuam ka tih zawng tak a ni.

A tua te pawh chuan min duat thiam hlawm em em a, han infiama han invawm leh pawp pawp chu ka la nei tho. Vawi khat phei chu keimah chauha ka awm laiin darthlalang hmaah ka ding a, kemah leh keimah chu

"Ṭawng tlem tur, ṭawngkam hman uluk tur, LALRINHLU ṭawng tlem tawh ang che. I ṭawng tlem loh chuan i pasal leh i fapate hian an hne thuai dawn che, hre reng rawh" tiin ka inzilh mawlh mawlh a, ka dul chu ka chul pah reng bawk.

Thawk la hawka ka hawi let chuan kawngka bula ding reng chung hian ka pasal chuan min lo en run a, ka phuta ka phut zia mai chu!

Junior-a hruai tura a chhuah daih avangin an lo haw chu ka la ring lo hrim hrim, mahse ka beisei aiin an lo haw hma daih.

"In lo haw tawh maw!? In lo va'n haw hma leh si ve, ei rawng ka zu bawl ang e" pangai tak chuan ka ti sawk sawk a, ani erawh a la ngawi reng a, kal pelh ka tum chu min vuan bet ta chat.

"Enge? Min thlah la Henry, ei rawng ka zu bawl tawh ang e, nangni paw'n thingpuite in duh ve ang chû" tia ban dah thlak ka tum chu a lo sak ṭalh a, che thutin khum lamah chuan min hruai nghal.

"Eng vanga ṭawng tlem tura nangmah leh nangmah kha lo infuih char char nge i nih?" a ṭawng danah chuan ka thusawi a lo hre hman tih ka hrethiam ta mai, nui lui sâng mah ila a nui ve lo hrim hrim.

"A ho lutuk, ka kut i chelhna hi thlah la ei rawng bawl ka ngai tawh a nia" ka tih chuan khumah min ṭhut tir a, kal vutin kawngka chu a va kalh hmak. A che vel chu ka lo thlir reng a, a thinrim pawh ka hre chuang lo.

"Sawi rawh le Bawihi, a ho miah lo" khuma a rawn ṭhut thlak hnu chuan a ti a, a aw chu a hma aiin a dam ta deuh. Ka kut pawh a la vuan reng a, min en chiang hle bawk.

"Ka ṭawngthei ve ê ti raw? Dik tak chuan ka ṭawng ṭeuh ṭhin avang hian min hne vat ka hlau a, hlau pawh ni lovin min hne vat dawn tih ka chiang. Nang chu thu hran ni se Junior-a tan hian ka ninawm thuai dawn, chuvanga ṭawng tlem zir ngar ngar chu ka ni, mahse a harsa ve deuh"

"Tun hnai hian i ngawichawi ka ti ru reng a ni, chuan thil ṭul lo tak i ti bawk. Tu nge i ṭawng theih avangin ka ning thuai dawn che ti? Tu nge Junior-a'n a ning thuai dawn che ti? I chhungte'n an zilh che em ni?"

"Ka pa'n a sawi alawm, ka pa phei chu thil a sawi dik thei sia a thusawi ka ring tawp. A sawi dik ka rin leh avangin ka zia hi thlak ka tum a, nangni nen pawh kan hlim tlan lehzual zawk ka ring"

"I pa ka ni em ni?" a rawn ti ta kauh mai, a hmel lah chu a la thutak em em zui. A zawhna chu mawlmang viau angin lang mahse a sawi tum awm ang ka man deuh reuhin ka hria, ka hre sual maithei bawk.

"Ni nâng, nangte chu ka pasal alawm i nih" ka nui lui ve tak nâ a, ka rilru chhungril chu a hre leh vek tho ang. Ka dar tawn tawnah a rawn chelh a, a ṭawng chu ka ngaichang ta reng.

"A dik, kei hi i pasal ka ni. I pa ka ni lo va, i chhungte pawh ka ni lo, kei chu i kumkhaw nun hmangpui tur ka ni. Keima'n i zia thlak rawh ka ti a nih loh chuan inthlak danglam tum suh, i nihna ang anga hmangaih che ka ni"

"Chungte chu ka hre tho a, mahse" ka tih laklawh lai chuan ka hmui a rawn hup hmak a, kei pawh ka ṭawng chhunzawm ta lo. A kut chu a la sawn a, min en leh ran tawh.

"Mahse tih tur a awm lo, min hmangaih em?" ka hmangaih tih te chu a hre sa vek tho awm si a, eng vanga chutiangte min zawt kher nge maw a nih le?

"Ka hmangaih che tih chu i hriat vek tho khâ, engatinge chutiang" ka hmuia a rawn fawh avang chuan ka ṭawng chhunzawm thei leh ta lo, rei pawh mi fawp lovin a tawlh sawn ve leh thuai bawk.

"Min hmangaih a, ka hmangaih bawk che a, chuvang chuan inthlak danglam i mamawh lo. I chhungte chuan kei min zah avangin insiam ṭha turin an zilh che a, a ṭul hunah chuan insiam ṭha turin ka hrilh mai dawn che alawm, a ṭul tak tak hunah chauh"

"Min ning miah lo tak tak mâw? Ka ṭawng theih ve em hî, min ning ru zet khan i lo awm palh ang tih ka hlau. Thil lah chu ka ei thei mai bawk si, chawm ka hautak ngawt ang ka ring"

"Engtin pawh awm la ka ning ngai lo vang che, a chhan chu hmangaihna ka dah pawimawh hmasa ber tlat a ni. Chutiang bawkin Junior-a hian a ning ngai dawn lo che, ka hre chiang" a tih chuan ka kuah thut a, a thusawi mal tin chuan min hneh lutuk.

"Ka hmangaih che Henry Pathlawi, ka hmangaih lutuk che" ti mawlh mawlhin a hmel chu ka en leh a, a hmui lum nuam em em chu ka fawp zui nghal.

Ani paw'n min rawn chhang let ṭha hle a, khumah chuan min lehpui zui nghal bawk. Ka hmuia fawp reng chung chuan ka rai kawr chu a nawr tawm chho a, naute pai lai ka nih avangin min dim ang reng hle bawk.

Ka pum puar lian ve tawh em em chu a chul a, a fawp den den a, chu chuan nasa takin amah min thlakhlelh tir a ni.

Zawimuangin ka thawmhnaw chu min hlih sak a, kan tihtur chu ka hre chiang hle. Ṭhingṭhiin min bawh tir a, kei chu min tih ang ang chuan ka lo awm tawp.

Ka hnung lam aṭangin ka mawngah chuan a hmui a vah kualtir a, ka mur chhuak nghal vekin ka hria. A che chu a hmanhmawh lo hle a, ka hmeichhiatna bul vela a hmui che reng chuan nupa nun hman châkna min pe rang hle.

Minute rei lote hnuah ka hmeichhiatna chu a rawn pet ta, a chet dan chu a vawi khatna a nih avangin ka dawngsawm thiam lo va, ka phu zawk nghe nghe.

A lei chuan ka hmeichhiatna chu a rawn hawlh a, a chang leh a pet ne nê a, a chang leh a lei chu ka taksa chhungah a rawn luhtir zâwk zawk bawk.

Chutah a kutzungṭang hrawl zet pakhat chu zei takin ka taksa chhungah a rawn luh tir ve leh a, awm ngaihna ka hre tawh lo, chutiang taka nuam chu ka la tawng ngai lo a ni.

Awmze nei takin a kut chu a chet tir zawt zawt a, mahse a vawrtawp ka thlen hma chuan a titawp daih zel a, min tihphur dan chu thiam tak hi a ni ringawt.

A thil tih lai chawlin ka awm dan chu a siam rem a, amah en thei turin min zangthal tir a, a kut bawk chu a rawn che zei leh ta, ka thawk zawng zawng chu a buai vek tawh.

"I rilrua awm dik tak kha sawi rawh le Bawihi, ka beng hriatah han sawi chhuak teh" a rawn ti a, a kut chettir dan tur a hre lutuk chu mak ka ti zawk, chutah a kut chu a hma aiin a la rawn chet ran tir zui.

"He......Henry! Ka....Ka... ma.....mawh che" thei leh thei lo chuan ka ti ṭawk ṭawk a, ka aw te chu a phelh phang bawk.

A vawrtawp ka thleng hnai tih a hrethiam a ni ngei ang a kut chu ka taksa chhung aṭang a la chhuak a, min zangthal tir a, ka ke pakhat zawk zakchehin pakhat zawk chu a kap hnuaih a awm tir zui nghal.

A mipatna khawng leh lian ṭha em em chu ka dul zawnah a kawh luah a, ka lai chu a hawlh pel hial zawk. Rawn kun hniamin ka hmui chu a fawp leh vang vang phawt a, awm sawn deuh chung hian

"Kei pawh hian ka mamawh lutuk che Bawihi" a rawn ti sup a, insiam ṭhain ka taksa chhungah chuan a rawn lut ṭan ta, ka ṭe chhuah thut ka hlauh avangin ka hmui chu ka hup tawp.

A vawrtawp kan thlen hnu chuan a duh tawk mai dawn emaw ka ti a, mahse a lo ni teuh lo. Ka sirah chuan a rawn inlet thla thuai a, tlema ka ke chawi kangin ka taksa chhungah chuan a rawn luh zawm nghal mial mial.

Ṭum dang ang lo takin a vawrtawp kan thlen hmain a rum ri ka hre ve a, chu chuan insum buai duh tawh lovin min rum chhuahtir ve ta bawk. Kan zawh fel hnu chuan ka mu tawp a, ka chauh chu thu hran ni se ka mut a chhuak lutuk zawk a ni.

Ruak ngal ngat chuan kan mu dun a, a taksa lum nuam tak khan chu ka tan chuan muttuina a ni mai. Ka mit ka men leh chuan khua a lo thim vek tawh a, room light pawh a lo in on eng ṭhap hlawm tawh bawk.

Khum aṭanga tho chhuakin ka inbual zung zung a, ka intih felfai zawh chuan in hnuai lamah ka chhuk ve nghal. Nui ver verin ka pasal ei rawng bawl lai chu ka thlir a, ka rai len deuh hnu aṭang hi chuan ka chet pawh a phal mang tawh lo, ama'n ei rawng pawh a bawl deuh vek zel.

A changa han chet leh ei rawng bawl te chu ka nei ve ngei a, mahse a tam lo khawp. Junior-a hmel erawh ka hmu lo thung a, a awmna awm tur chu ka hre nghal mai bawk.

Chaw kan ei lai chuan kan hlim tlang hle a, nuihna tur hi a awm reng zel, Junior-a a lo ṭawng duh ve tho bawk sia thawm pawh ka nei zawi lo thei khawp.

Chaw kan ei kham chuan sitting room-ah TV kan en ṭhap a, ṭhutthleng khata ṭhuin kan thil en lai chu kan en tui hlawm hle. Ka pasal dar vei lam chu Junior-a'n remote keng chungin a ngheng ran a, keiin a dar ding lam ka ngheng ve thung. Chutia inngeih taka TV kan en lai chuan door bell a rawn ri a, ka chhungte bak an nih ka ring lo.

"Junior, va hawn lawk mai rawh" Henry-a chuan a ti sup a, Junior-a pawh chu kawngka lam panin a kal ve nghal mai bawk. Khi suk hian ka pasal chuan ka hmui a rawn fawp zeuh a, a fapa a tirh chhan chu ka hrethiam ta chiah.

"Pa, in leng i nei a" ti nang nângin Junior-a chu a rawn kal phei a, a in leng a hmuh rualin Henry-a chu a nui tawp nghal chat.

Ka pasal hmel a danglam vek avangin a hawina lam chu ka hawi ve thuai a, ka mi hmuh chu tu nge a nih rin ngaihna ka hre lo.

"Eng vanga lo kal nge i nih? Lo kal suh ka ti a ni lo'm ni?" ka pasal aw chu a kha fak a, a dawngsawngtu tan chuan hriat nuam loh tak a ni. A ṭhutna aṭangin a ding chhuak a, kei pawh a din avang chuan ka ding ve ringawt bawk.

"Nu, ka room-ah chho daih ila, painting thar ka nei asin, ka hmuh ang che" Junior-a lam chu ka hawi a, ani chuan ka bul a rawn thleng nghal der. In chung lam pan a tum laiin ka pasal chuan

"Junior, chho suh. Awm rawh, i nu bulah hian lo kal rawh" a rawn ti ram hmak a, a ṭawng ri a nem loh em avang chuan Junior-a chuan mak a tih hmel hle. Ngawi rengin ka bulah a rawn ding a, ka pasal awm dan chu ka hrethiam bik chiah lo.

"I lo kal ta sa sa, sawi fel law law ang. Zanin bak kan inah hian i hmel lo lan leh tawh lo vang che, i lo kal lui a nih chuan tihhreh ka nei lo ka tih tawh kha!" ka pasal chuan a ti leh hmuk a, a mi biak nu chu a inthlahrun hmel ta khawp.

"Ni e, rawn inlan rei pawh ka tum lo, mahse ka fapa hmel hi vawi khat tal hmuh ka duh vanga lo kal tawp ka ni" kan in lengnu chuan a rawn ti dam raih a, a ṭawng dan aṭangin Junior-a nu dik tak a ni tih ka hre nghal.

"Dik tak chuan ka rawn biak hmasak che khan ka fapa hi lo hruai tawp ka tum a, ka inngaihtuah buai nasat lutuk avangin kan inbiak hnu paw'n ka rawn lang leh lawk lo a nih kha! I va lian tawh ve ka fapa, i nu dik tak ka nih hi aw" tia Junior-a lam lo kal a tum chu ka pasal chuan a lo dang chat.

"Vawi engzah nge i fapa a ni lo tih ka hrilh dawn che?" ti ram hmakin a nam deuh lâwp a, ka pasal chuan kut thlak mai duh hmel a pu. Chutah Junior-a chu rawn pen chhuakin

"Anu dik tak maw i nih!?" a rawn ti a, kei chu hlauhthawnna in ka lo khat nghal. Junior-a chuan a nu dik tak dinna lam chu a pan phei a, puitling ho chuan kan lo en ṭhap bawk.

"Aw ni e, i nu dik tak ka ni alawm" tiin a nu chuan lo kuah mai a tum a, Junior-a erawh a pa bulah a tawlh phei vat thung. Kei chuan an pathum awm dan chu ka lo en reng a, kan chhungkua chu kan keh darh mai ang tih ka hlau a ni.

"Anu dik tak i nih ka ring lo" tiin Junior-a chuan a pa kawr hnung chu a pawt ṭai a, a rilru tur chu ka hrethiam, a awm dan aṭang chuan a rilru a na dawn tih thlengin ka hmu thiam vek.

"Ka ni alawm Junior, i hming pawh a mawi khawp e. I nu dik tak ka nih i rin loh chuan duh leh DNA test ila, chuta aṭang chuan ka fapa i nihzia i hre mai. I nu ka ni alawm Junior, i nu dik tak ka nih hi!" a ti zo chiah tihah Junior-a chuan

"I ni lo, ka tet lai pawhin ka bulah i awm ngai lo. Anu dik tak te chu apa hi alawm, apa hi ka tan chuan nu leh pa dik tak a ni. Nang chu ka hre ngai lo che, i hmel pawh ka la hmu ngai lo, chuvangin ka nu i ni hauh lo vang" a rawn ti ṭuau a, ka mittui a lo tling nghal pam.

"Tunah chuan i hmu tawh bawk a, haw tawh rawh. Ka fapa thusawi kha hre reng la, vawi khat pawh kan in hi rawn rap leh tawh suh ang che" Henry-a chuan a ti khauh fak a, a fapa chu a kuah nghet hle bawk.

"I nu ka nih hî Junior, i tet laia i bula ka awm ngai lo erawh ka thiam loh a ni e. Tunah chuan ka danglam tawh, i nu nih leh ka duh a ni. Nuamsa takin ka awm tir ngei ngei ang che, i duh duh ka leisak dawn che a nia" ka rin aiin Junior-a nu dik tak rilru chu a mak.

"ZORAMLIAN! I zak miah lo em ni? A pian tirha hnute tui far khat pawh pe duh lotu kha tu dang ni lovin nangmah i nih khâ, theihnghilh mah ta che. Ka fapa hi ka lak aṭangin i hruai lo bawk ang, inzawmna pakhatmah in nei tawh lo" Henry-a chuan a rawn ti vin ṭhawt a, ka phu hlawm teh e!

"Ka hria, ka hre lutuk, khami avang khan ka inchhir reng alawm, tun thleng hian ka inchhir. Chuvangin ka fapa hi ka bula awm tir ka duh, nang chuan nupui i nei leh tawh tho"

"I zak lo ka ti hlê mai ZORAMLIAN, tu mihring mahin ka fapa hi ka lak aṭang an la bo ngai lo vang. I duh dûh pawh ruai rawh, ka thi te a nih ngawt loh chuan ka laka aṭangin ka fapa hi a awm hrang ngai dawn lo tih hria ang che"

"Junior-a hi i fapa ni tawh lovin ka fapa a ni" ka insum thei tawh ngâng lo, Junior-a nu chu zak lo ka ti em a tin ni! Min lo en ṭhap a, kei paw'n zam miah lovin an awmna lam ka pan a, ka inti chak chawp a ni mah zawk.

"Min hrethiam la, kan chhungkua hi tihkeh sawm tum mah la i thei chuang lo vang. Junior-a hi i thisen niin i hrin chhuah a ni na meuh mai, mahse nu nihna hi thisen leh a hring chhuaktu ah a inghat ber lo. Nu nihna hian hmangaihna a keng tel ngei ngei asin, a nu dik tak ni mah la ka fapa nu atan hian i tling lo a ni" ka zam ru ve tak zet.

"Ni e, engkim hi ka thiam loh vek a ni e. Inchhir hian sawtna a nei tawh mang si lo va, i rawn ṭawng danah ka fapa hi i hmangaih ve hle tawh tih ka hrethiam mai e" a tih lai chuan Junior-a chu a pa kuahna aṭangin a tal chhuak thut a, in chung lamah a tlan chho nghal daih.

Rei pawh awm lovin Junior-a ngaihven tur chuan in chungah ka chho ve nghal vat a, Junior-a chu a ṭap thânin ka hria. A room chhung ka luh chuan khum bawhin a lo ṭap feih feih reuh a, ka khawngaih khawp mai.

A tan chuan a nu dik tak han hmuh chu dawnsawn a harsa dawn tih ka hre reng, a rilru a na pawh chu ka dem lo hrim hrim. A bulah chuan ka ṭhu thla a, a sam chu ka chul hliau hliau a, ani erawh a la ṭap feih feih reng thung.

"Junior" ka ti sep a, ka fapa rilru na taka a ṭah avang chuan ka ṭap ve leh ta ringawt. A awm ang âng chuan ka kuah a, ka dul chu puar lian lo se chuan ka kuah nghet ngawt ang.

Ka kuah hnu chuan ri meuhin a rawn ṭap chhuak a, chu chuan ka lung a tichhe zual. Minute 10 pawh a la ral lo vang tihah Henry-a a rawn lut hlawl a, ka lo en rang khawp mai.

"Junior" ka pasal aw chu a ṭial ruai a, a pa aw a hriat rualin ka fapa chu ka kuahna aṭang a awm sawn a, a pa lam chu panin a va kuah nghal thlawp.

Ka pasal chuan a lo pawm kang thuai a, kei chuan an awm dan chu mittui tla chungin ka lo thlir reng bawk.

"Ka duh lo pa, nu dang ka duh tawh lo. Tuna anu hi nu atan chuan ka duh ber, ni reng se ka ti, anu dik tak kha ka duh miah lo" nghet taka a pa kuah chungin Junior-a chuan a ti ṭuau a, a pa bak chuan an thlamuan theih ka ring lo.

"Nu dang i nei tawh dawn lo ka fapa, tuna i nu hi i nu a ni reng ang. Nichina mi kha chu i nu ni ve tlak pawh a ni lo, engtikah mah a ni ngai lo bawk ang" ka pasal chuan Junior-a chu ka bulah a rawn pawm phei a, kan pathum chuan khumah kan mu ta dual.

Henry-a chuan a fapa chu thil chi hrang hrang a hrilh a, ka hriat loh tam tak a awm avangin ka pasal thusawi chu mak ka ti hlawm hle.

Junior-a erawh a ngawi ran a, a pa taksa aṭang chuan a awm sawn lo hrim hrim bawk. Ka pasal chuan engkim hrilhfiah hunah a ngai tawh te pawh a ni ang zan dar 10 vel thleng chu a titipui a, kei chu ka lo ngawi reng ringawt.

Ka pasal chu kawngka vel kalh fel turin in hnuaiah a chhuk leh zawk a, a rawn chhoh leh chuan kan bulah a rawn inthawlh ve nghal.

A tukah chuan pangai deuhin Junior-a chu a awm ve leh mai a, school-ah pawh a pa'n a va thlah leh thlap bawk. Junior-a awm tawh lo ta maw tihah Henry-a chu zan lama thil thleng ka zawt nghal a, a sawi dan chuan kut suih meuhin Junior-a nu dik tak chuan a fapa enkawl a lo ngen a ni awm e. Henry-a erawh chuan a lo phal lo bur a, kei pawh ni ila ka phal ka ring tawh lo.

Kum kha leh chen kha enkawl duh lovin a awm bosan tawh a, a thlahthlam a, an pafaa a hnutchhiah duh ringawt pawh kha mi pangai tih chi ah ka ngai lo.

Kan boruak chu ka chhungte lam pawh ka hrilh kher lo va, kan chhungkuaa thil thleng a nih avangin kan chhungkua chauhin hria ila ka ti a ni.

Pathian malsawmna a ni nge ni lo tih pawh ka hre lo, ka neih hun hmain naute chu ka hring chhuak hlauh a, mahse ka neih thla a nih tho avangin thla kim lovin naute ka nei tihna a ni lo.

Naute hrin chhuah chu ka beisei phak bakin a na, mahse hrin chhuah hnuah erawh taksa na ka nei hran tawh lo. Ka naute chu hmeichhia a ni a, a pa leh a unaupa chu an lawm hle.

Anni ang bawkin fanu ka nei chu ka hlim a, ka fanu chuan duat rawn a hlawh dawn tih pawh ka hre nghal. Ka chhungte hlei hlei chu an lo lawm a, ka pa phei chuan kei tih lovah a pawm hmasa ber nghe nghe.

Ka pasal ber chuan ka nuih a tiza ṭhin, naute a pawm zei lo lutuk chu nuih loh theih a ni lo. Kan fanuin thla 2 a tlin hnuah phei chuan a pawm uar zual a, a fanu lah chuan a lo la hre phian zui.

Junior-a pawh a bang bik lo, a pawm deuh chhen mai a ni. Ani erawh a pa aiin a nau chu a chhawnchhaih thiam a, a biak dan vel chu ka lo hlimpui thei tawp. School aṭangin thil a rawn hawn ziah a, a nau pawh chuan a u chu a lo hre ve tawh hle.

"Ṭang ṭun suh, tlemin i ban hi tizawi rawh, chuti lo chu i fanu hi i tina vek mai ang" tiin ka pasal chu ka hrilh mawlh mawlh a, naute pawm dan inzirtir chu kan ni tin hna a ni rih ber.

"Ka ṭang ṭun pawh ka hre lo" ti supin a fanu chu a awi hliau hliau a, kan inzritir nasa tawh bawk a, naute awih pawh a tir ai chuan zei ve tawh tak a ni.

"Lo kal rawh, in hnuaiah chhuk daih ang" tiin room aṭang chuan ka chhuahpui a, Junior-a erawh school a lo la bang lo thung.

Kan in Veranda ṭhutthlengah chuan ka ṭhutpui a, thli a thawt nasat lutuk loh avangin ka fanu chu a hritlan ka hlau hran lo. Kan kawngka lu chunga

"HENRY LALSANGZUALA" tih intar chu ka pasal dar ngheng pah chuan ka thlir dauh dauh a, ka bula mi chuan

"I ṭha em? I va ngawi ve" a rawn ti a, nui ver verin ka ṭhut dan chu ka siam ṭha a, a lam ka hawi chuan a lo hriatthiam hmel teh chiam loh.

"Kei chu ka hlim ê Henry, hetia nang nena chhungkua kan din thei hi ka lawm" tiin a hmui chu ka fawp a, min chhan let hmain ka awm sawn hmak bawk.

"Ka hmangaih che HENRY LALSANGZUAL, ka dam chhungin ka pasal ni reng ang che" ka tih chuan rang takin ka hmuiah a rawn fawp a, kan fanu ṭe thawm avangin kan inthlah thei ta chauh.

"Âw ka fanu hmelṭhatei hian anu kha a lo thik a ni maw, apa hian ka fawp ve ang che aw" tiin ka pasal chuan kan fanu biang leh hmui vel chu a fawp nawk nawk a, kan fanu tê lah chu a lo la hlim ve em em zui.

Ṭhutthlengah chuan ka ke hlangin ka pasal chu ka ngheng leh ar âr a, kan in kawngkhar chunga hming intar kiau

"HENRY LALSANGZUALA" tih chu ka chhiar ri sep a, ka pasal chuan ka chhipah a rawn fawp vang vang a, ka hlim tak zet a ni.

A TAWP TA