๐๐๐๐๐๐๐๐๐๐๐๐๐ ๐๐ฒ ๐๐๐ฏ๐๐ฅ๐ข ๐๐๐๐ฆ
CHAWNGSAILOVA (Mizo Romantic Short Story) By Havali Adam Thlasik boruak chu her liamin nรญ zung chuan hun bรฎ thar a rawn รฉn chhuahpui a, pangpรขrte paw'n an mawina leh rimtuina an pรกr chhuahpui ve chรปk bawk a, Siamtu thil siam reng rengte chu an mawiin mit an titlai hlawm mang e! Motor chhunga chuang mรชk pafate chu an ri nak nak a, chu erawh an hlim thawm a ni. Pa ber Chawngsailova, 'CS' tia an koh bawk chuan a fate pahnih hlim taka infiam nui har har ri chu lungkham nei lo zet hian a ngaithla a, motor chhung darthlalang tรช aแนญanga en pah hian แนญawngkamin a han fiam leh zauh แนญhin a, mahse motor khalh lai a nih avangin a rilrua hmun tam zรขwk chu a fate'n an chang lo thung. A hmaah amahin a แนญhu a, a hnungah a fate pahnih; kum 10 leh kum 7 mi an แนญhu a, Lunglei lam panin an tlan mรชk bawk. CS-a chuan motor-a Tape chu on-in Lalsangzuali Sailo hla phuah ngei mai, 'Enchim Loh Aw Vau Thla' tih hla chu a zaitir rรขt rat a, enghelh nei lo zeta a fate an infiam lai chua...