๐๐๐๐๐๐๐๐๐ ๐๐๐๐๐๐๐ ๐๐ฒ ๐๐๐ฏ๐๐ฅ๐ข ๐๐๐๐ฆ (๐๐ก๐๐ฉ๐ญ๐๐ซ ๐ - ๐)
DANGLAMNA KHAWVEL By Havali Adam 27 November 2021 Chapter 1 Khuanu rorel dante hi mihringte hian tidanglam theiin kan duh ang รขngin her rem thei ila ka ti แนญhin, mahse chutiang chu khawvel kalphung a ni si lo. Khawvel eng ka hmuh phat aแนญangin ka nu ka hmu hmasa ber a, ka hlim tawk รชm em. Amaherawhchu ka han แนญhang lian chho a, pa nei lo ka ni tih ka inhre leh a, hmeithai chhungkua kan nih avanga khawtlangin kan nufa min en dante hai der theih a nih lohna lai tak te chuan ka rilru a tina แนญhin. Ka pa chu ka ngai thei em em a, a hmel vawi khat mah la hmu lo mah ila ka ngai em em tho. A hmel awm dan tur awm ang te chu ka suangtuah แนญhin a, ka nu nena kan bula a lo let leh ngei theihna'n ka แนญawngแนญai nasa แนญhin. Ka nu hnena ka pa chanchin ka zawh lahin tawi tรช tรชin min chhang a, a sawi แนญha duh vak แนญhin lo. A sawi tam ber chu ka pa laka a beidawn tawh thu a ni a, chutianga beidawng taka siamtu ka pa chu huat chรขng nei mah ila ka ngai em em tho zel. Mahse ka nu chuan le...